Ռուդիկ Ղուկասյան

Վիքիպեդիայում կան հոդվածներ Ղուկասյան ազգանունով այլ մարդկանց մասին։

Ռուդիկ Հրաչիկի Ղուկասյան (նոյեմբերի 10, 1949(1949-11-10), Սևան, Հայկական ԽՍՀ, ԽՍՀՄ), ՀՀ քաղաքական և պետական գործիչ, Սևանի քաղաքապետ։

Ռուդիկ Ղուկասյան
Ծնվել է	նոյեմբերի 10, 1949(1949-11-10) (74 տարեկան)
Ծննդավայր	Սևան, Հայկական ԽՍՀ, ԽՍՀՄ
Քաղաքացիություն	Հայաստան
Մասնագիտություն	քաղաքական գործիչ
Կուսակցություն	Հայաստանի Հանրապետական կուսակցություն

Կրթություն

• 1956-1966 թթ. - սովորել և ավարտել է Սևանի թիվ 2 միջնակարգ դպրոցը։
• 1966-1968 թթ. - սովորել է Սևանի ինդուստրիալ-տեխնոլոգիական տեխնիկումի շինարարական բաժնում։
• 1970-1976 թթ. - սովորել և ավարտել է Դոնի Ռոստովի երկաթուղային ինժեներական ինստիտուտը։

Աշխատանքային գործունեությունը

• 1968-1984 թթ. - աշխատել է «Սևանշին» տրեստում՝ վարպետից մինչև գլխավոր ինժեներ։
• 1984-1987 թթ. - Սևանի կենցաղսպասարկման արտադրական վարչության պետ։
• 1987-1989 թթ. - «Սևանշին» տրեստի կառավարիչ։

Պետական և քաղաքական գործունեությունը

• 1987-1991 թթ. - ՀԽՍՀ Գերագույն խորհրդի պատգամավոր։
• 1989 թ. ընտրվել է Սևանի քաղաքային խորհրդի գործկոմի նախագահ՝ պաշտոնավարելով մինչև 1996 թ.։
• Եղել է ԽՄԿԿ անդամ։
• 1990 թ. մայիսի 20-ին ընտրվել է ՀԽՍՀ Գերագույն խորհրդի պատգամավոր թիվ 149 ընտրատարածքից։ «Հանրապետություն» պատգամավորական խմբի անդամ։
• 1995 թ. հուլիսի 5-ին ընտրվել է ՀՀ Ազգային ժողովի 1-ին գումարման պատգամավոր թիվ 117 ընտրատարածքից։ ԱԺ պետական-իրավական հարցերի մշտական հանձնաժողովի անդամ։ ԱԺ «Հանրապետություն» խմբակցության անդամ։
• 1996 թ. ՀՀ վարչապետի որոշմամբ նշանակվել է Գեղարքունիքի փոխմարզպետ։
• 1997 թ. ՀՀ կառավարության որոշմամբ նշանակվել է Գեղարքունիքի մարզպետ՝ պաշտոնավարելով մինչև 1999 թ.։
• 2002 թ. ՀՀ վարչապետի որոշմամբ նշանակվել է ՀՀ կառավարությանն առընթեր Ջրային տնտեսության պետական կոմիտեի նախագահի տեղակալ։
• 2005 թ. հոկտեմբերի 14-ին ՀՀ վարչապետի որոշմամբ ազատվել է ՀՀ կառավարությանն առընթեր Ջրային տնտեսության պետական կոմիտեի նախագահի տեղակալի պաշտոնից։
• 2005-2008 թթ. - ՀՀ պետական ռեզերվների գործակալության պետ։
• 2008-2010 թթ. - ՀՀ արտակարգ իրավիճակների նախարարության պետական ռեզերվների գործակալության պետ։
• 2012 թ. սեպտեմբերի 23-ին ընտրվել է Սևան համայնքի ղեկավար։
• ՀՀԿ անդամ է։

Ծանոթագրություններ

Նախորդող Վլադիմիր Մովսիսյան

ՀՀ Գեղարքունիքի մարզպետ Ռուդիկ Ղուկասյան 1997—1999

Հաջորդող Վահագն Հակոբյան

Նախորդող Գևորգ Մալխասյան

Սևանի քաղաքապետ Ռուդիկ Ղուկասյան 23 սեպտեմբերի 2012 - 7 նոյեմբերի 2016

Հաջորդող Սարգիս Մուրադյան