Ռեջինալդ Օութս
Ռեջինալդ Վերնոն Օութս (անգլ.՝ Reginald Vernon Oates, 1950), ամերիկացի սերիական մարդասպան, որը 1968 թվականի ապրիլի մի քանի օրվա ընթացքում Բալթիմորի (Մերիլենդ նահանգ) տարածքում անչափահաս տղաների 4 սպանություն է կատարել՝ հոգեկան խանգարմանը բնորոշ առանձնահատկություններով[1]։
Ռեջինալդ Օութս | |
---|---|
Ծննդյան ամսաթիվ | 1950 |
Սպանություն |
Կենսագրություն խմբագրել
Ռեջինալդ Օութսը ծնվել է 1950 թվականին Մերիլենդ նահանգի Բալթիմոր բնակավայրում։ Մեծացել է օրինապահ ապրելակերպ վարող որդեգիր ծնողների ընտանիքում։ Օութսի ընտանիքն ապրել է քաղաքային այն շրջանում, որը հիմնականում բնակեցված էր սպիտակամորթ ամերիկացիներով, ինչի հետևանքով ընտանիքը ենթարկվել է սեգրեգացիայի քաղաքականության, իսկ մանկությունն ու պատանեկությունը Ռեջինալդն անցկացրել էր սոցիալապես անապահով միջավայրում, քանի որ հարձակումների է ենթարկվել մաշկի սպիտակ գույն ունեցող այլ երեխաների կողմից։ 1965 թվականին Օութսը, լինելով 9-րդ դասարանի աշակերտ, դպրոցի մյուս աշակերտների ցուցմունքների հիման վրա մեղադրվել է զինված կողոպուտի փորձի մեջ, այն բանից հետո, երբ մեղադրանքի վարկածով, դպրոցի մեկ այլ աշակերտից զենքի սպառնալիքով պահանջել է մի քանի ցենտ՝ սննդի դիմաց վճարելու համար, մինչդեռ Օութսը դա հերքել է։ Չնայած, որ Ռեջինալդ Օութսի մեղավորությունը կասկածի է ենթարկվել ռասայական նախապաշարմունքների պատճառով, նա մեղավոր է ճանաչվելով և որպես քրեական պատիժ երկու տարվա ազատազրկման է դատապարտվել՝ ծառայելով մանկահասակ հանցագործների համար նախատեսված հաստատությունում։ Օութսի որդեգիր ծնողները որդու դատապարտումից հետո հայտարարել են, որ Ռեջինալդը ռասիզմի հերթական զոհն է դարձել։ Բանտարկության ժամանակ Օութսը ենթարկվել է ֆիզիկական և սեռական հարձակման այլ բանտարկյալներից, ինչի հետևանքով ստացել է հոգեբանական վնասվածք, որը մեծապես ազդել է նրա հոգեբանական-հուզական վիճակի վրա։ Ազատ արձակվելուց հետո Օութսը վերադարձել է իր ծնողների մոտ, թողել դպրոցը, գտել դռնապահի աշխատանք, ընդունել է քրիստոնեության արժեհամակարգը և կանխադրույթները՝ դառնալով այս կրոնի հետևորդը և սկսել է ցույց տալ հոգեկան խանգարման նշաններ[2]։
Սպանություններ խմբագրել
1968 թվականի ապրիլի 17-ին Ռեջինալդ Օութսը 10-ամյա Լուիս Հիլին տարել է Գվինս Ֆոլզ Լիկին Պարկ այգու տարածք, որտեղ նրա վրա հարձակում է գործել, որի ընթացքում ծեծել և բռնաբարել է նրան։ Բռնի գործողություններ կատարելուց հետո Օութսը կտրել է Հիլի կոկորդը, որից հետո նրա դիակի հետ կատարել է հետմորտալ մանիպուլյացիաներ, որի ընթացքում կտրել է նրա գլուխն ու ձեռքերը։ Հաջորդ օրը Օութսը, նույն սխեմայով գործելով, այգու տարածք է տարել 8-ամյա Լարի Ջեֆերսոնին, նրա 5-ամյա եղբորը՝ Մեթյուին, և 10-ամյա Լեսթեր Ուոթսոնին, որից հետո ծեծի է ենթարկել նրանց և պատճառել կտրած-ծակած վերքեր, որոնց հետևանքով նրանք մահացել են։ Սպանությունները կատարելուց հետո, ինչպես և Հիլի մարմնի դեպքում, Ռեջինալդ Օութսը հետմորտալ մանիպուլյացիաներ է կատարել երեխաների դիակների հետ, որոնց ընթացքում կտրել է նրանց ներքին օրգանները և կտրել սեռական օրգանները, որոնք վերցրել է իր հետ։ Հաջորդ օրը երեխաների մարմինները հայտնաբերել է ոստիկանությունը։ Նույն օրն Օութսին հաջողվել է այգու տարածք տանել երկու անչափահաս աղջկա, որոնց վրա նա հարձակման փորձ է կատարել, ինչը հաջողությամբ չի պսակվել։ Օութսին ձերբակալել են իրավապահ մարմինների աշխատակիցները, որոնք ձերբակալության ժամանակ նրանից առգրավել են երկու պայուսակ և լանչբոքս, որոնցում եղել են սպանության զենքերը և սպանված երեխաների մարմինների մի մասը[3][4][5]։
Հետագա իրադարձություններ խմբագրել
Ռեջինալդ Վերնոն Օութսին ձերբակալելուց հետո մեղադրանք է առաջադրվել չորս սպանության, չորս բռնաբարության, բռնաբարության նպատակով հարձակման երկու մեղադրանքի և զենքի գործադրմամբ կողոպուտի մեկ մեղադրանքի համար։ Անձամբ Օութսը իրեն մեղավոր չի ճանաչել՝ հայտարարելով իր անմեղսունակության մասին։ Նրան նշանակվել է դատահոգեբանական փորձաքննություն։ 1968 թվականի նոյեմբերին հոգեբանական փորձաքննությունը որոշել է, որ Ռեջինալդ Օութսը չի կարող կանգնել դատարանի առջև առողջական վիճակի պատճառով, որի հիման վրա նա նշանակվել է հարկադիր բուժման «Clifton T. Perkins State Hospital» հոգեբուժական կլինիկայում[2][4]։
Ծանոթագրություններ խմբագրել
- ↑ «Baltimore is one of the most dangerous places to live, with somebody murdered almost daily.12 Aug, 2017».
- ↑ 2,0 2,1 «Youth Moms blames prison. April 30, 1968».
- ↑ «Bible Whyz held in murders. April 23, 1968».
- ↑ 4,0 4,1 «Larry Jefferson, Matt Jefferson, Louis Robert Hill, Lester Watson». Արխիվացված է օրիգինալից 2020 թ․ հոկտեմբերի 14-ին. Վերցված է 2020 թ․ հոկտեմբերի 26-ին.
- ↑ «Jet. 9 май 1968».