Ռեբեկա Սոլոմոն
Ռեբեկա Սոլոմոն (անգլ.՝ Rebecca Solomon, սեպտեմբերի 26, 1832[1], Լոնդոն, Մեծ Բրիտանիայի և Իռլանդիայի միացյալ թագավորություն - նոյեմբերի 20, 1886[1], Լոնդոն, Մեծ Բրիտանիայի և Իռլանդիայի միացյալ թագավորություն[2]), անգլիացի նկարչուհի։
Ռեբեկա Սոլոմոն | |
|---|---|
 | |
| Ծնվել է | սեպտեմբերի 26, 1832[1] |
| Ծննդավայր | Լոնդոն, Մեծ Բրիտանիայի և Իռլանդիայի միացյալ թագավորություն |
| Վախճանվել է | նոյեմբերի 20, 1886[1] (54 տարեկան) |
| Մահվան վայր | Լոնդոն, Մեծ Բրիտանիայի և Իռլանդիայի միացյալ թագավորություն[2] |
| Քաղաքացիություն | .svg){kind=small} Մեծ Բրիտանիայի և Իռլանդիայի միացյալ թագավորություն |
| Մասնագիտություն | նկարչուհի և արվեստագետ |
| Ժանր | դիմապատկեր |
 Rebecca Solomon Վիքիպահեստում | |
Կենսագրություն
խմբագրելԾնվել է ուղղափառ հրեաների ընտանիքում։ Հայրը եղել է Մեյեր Սոլոմոնը՝ գլխարկների խոշոր առևտրական, իսկ մայրը՝ Կատերին Լևին։ Ռեբեկան ընտանիքի ութ երեխաներից մեկն էր։ Նրա երկու եղբայրները՝ Աբրահամ Սոլոմոնը և Սիմեոն Սոլոմոնը ևս եղել են նկարիչներ։ Ընտանիքի մյուս 5 երեխաներն էին Ահարոնը, Բեթսին, Իսահակը, Էլենը և Սիլվեստրը։
Ռեբեկան նկարել սովորել է իր ավագ եղբայր Աբրահամից, որը ժանրային գեղանկարիչ էր, ավելի ուշ ընդունվել է Սփիթալֆիլդի նկարչական դպրոց։ Որոշ ժամանակ եղել է պրեռաֆայելիտ նկարիչ Ջոն Միլլեի արվեստանոցի աշակերտներից։ Ռեբեկան նաև լավ ծանոթ է եղել Էդվարդ Բյորն-Ջոնսին, նույնիսկ կեցվածք է ընդունել նրա մի շարք նկարների համար։
1852 թվականին նկարչուհին առաջին անգամ հանդես է եկել Թագավորական ակադեմիայում, որտեղ հետագայում ցուցադրել է իր աշխատանքները մինչև 1869 թվականը։ Ցուցադրվել է նաև Դադլի պատկերասրահում և Համբարի ֆրանսիական պատկերասրահում։
Նկարչուհին հիմնականում ստեղծել է դիմանկարներ, ինչպես նաև ժանրային և պատմական կտավներ, մեծամասամբ քրիստոնեական թեմայով։ Նրա «Ընկերները կարիքի մեջ», «Սիրո ապարդյուն ջանքերը», «Տնային դաստիարակչուհի», «Սիրային ուղերձ» նկարներն իրենցից ներկայացնում են նաև պրեռաֆայելիտների համար տիպական, ժանրային իրավիճակներ, որոնք խրատ են պարունակում։
Մահացել է փողոցն անցնելիս՝ ընկնելով կառքի անիվների տակ։
Պատկերասրահ
խմբագրել-
Նորաձև զույգ -
Վիրավոր աղավնի, 1866. -
Տարեդարձի նվեր -
Դասալիքի ձերբակալություն թատրոնում
.jpg)
.jpg)
.jpg)
Ծանոթագրություններ
խմբագրել- ↑ 1,0 1,1 1,2 1,3 1,4 RKDartists (նիդերլ.)
- ↑ 2,0 2,1 2,2 https://rkd.nl/explore/artists/73841
Գրականություն
խմբագրել- Прерафаэлизм: иллюстрированная энциклопедия / сост. И. Г. Мосин. — СПб, 2006.
 | Վիքիպահեստն ունի նյութեր, որոնք վերաբերում են «Ռեբեկա Սոլոմոն» հոդվածին։ |