Ռավինի ճակատամարտ — տեղի է ունեցել 1187 թվականին մայիսին, Իկոնիայի սուլթանության և Կիլիկյան Հայաստանի զորքերի միջև, Սիս մայրաքաղաքից ոչ հեռու՝ Ռավինի դաշտում։

Ռավինի ճակատամարտ
Թվական 1187 թվականի մայիս
Վայր Սիս մայրաքաղաքից ոչ հետու, Ռավինի դաշտ
Արդյունք Հայկական զորքերի փայլուն հաղթանակ
Հակառակորդներ

FlagKilikia.png
Կիլիկիայի հայկական իշխանություն

Flag of Sultanate of Rum.svg
Իկոնիայի սուլթանություն
Հրամանատարներ
Rubenid Flag.svg Լևոն Բ Flag of Sultanate of Rum.svg Ռոստոմ †
Կողմերի ուժեր
փոքրաթիվ ջոկատ անհայտ (գերազանցում էին հայերին)
Կորուստներ
աննշան գրեթե ողջ բանակը

ՆախապատմությունԽմբագրել

Պաղեստինում և Ասորիքում խաչակիրների դեմ Եգիպտոսի սուլթան Սալահ ադ Դինի հաջողություններից ոգևորված, Իկոնիայի թուրքմենների զորքերը՝ ոմն Ռոստոմի գլխավորությամբ ներխուժեցին Կիլիկյան Հայաստան, նպատակ ունենալով՝ ոչնչացնել հայկական պետականությունը և բռնատիրել երկիրը[1]։

ՄարտըԽմբագրել

Հայոց նորընծա իշխանապետ Լևոն Բ-ն, չսպասելով զորաժողովին, փոքրաքանակ ջոկատով հանկարծակիորեն գրոհում է թշնամու զորաճամբարի վրա, վերջիններս խուճապի են մատնվում։ Իսկ երբ Լևոն Բ-ն նիզակամարտում սպանում է Ռոստոմ զորավարին[2][3], վերջինիս խառնիճաղանջ հրոսակները դիմում են անկանոն փախուստի, տալով զգալի կորուստներ։ Ջախջախված թշնամու մնացորդներին հայկական ուժերը հետապնդում են մինչև սահմանային Ջահան գետի ափին գտնվող Սարավանդիքար բերդը։ Զարգացնելով հաջողությունը, Լևոն Բ-ն ազատագրում է հայաբնակ մի քանի շրջաններ ներառյալ Պռականան՝ կարևոր բերդով հանդերձ։ Ռավինի ճակատամարտը կարևոր նշանակություն է ունեցել Կիլիկյան Հայաստանի սահմանների անխախտությունը ապահովելու և պետության միջազգային հեղինակությունը բարձրացնելու գործում։

ԾանոթագրություններԽմբագրել

  1. Runciman Steven։ A History of the Crusades – Volume III.: The Kingdom of Acre and the Later Crusades 
  2. Nersessian Sirarpie Der (2007)։ The Kingdom of Cilician Armenia 
  3. Vahan M. Kurkjian (2005-04-05)։ «A History of Armenia»։ Website։ Bill Thayer։ Վերցված է 2009-07-25 

ԳրականությունԽմբագրել

  • Ghazarian, Jacob G: The Armenian Kingdom in Cilicia during the Crusades: The Integration of Cilician Armenians with the Latins (1080–1393); RoutledgeCurzon (Taylor & Francis Group), 2000, Abingdon; ISBN 0-7007-1418-9
  • Nersessian, Sirarpie Der: The Kingdom of Cilician Armenia (in: Setton, Kenneth M.: (General Editor) – Wolff, Robert Lee – Hazard, Harry W. (Editors): A History of the Crusades – Volume II: The Later Crusades, 1189–1311; The University of Wisconsin Press, 1969, Madison, Milwaukee and London; ISBN 978-0-299-04834-1)
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։