Ջուղայի բերդ
Ջուղայի բերդ (հայտնի է նաև Դարվազրի բերդ անունով), ավերված ամրոց ներկայիս Ադրբեջանի Հանրապետության կազմում գտնվող Նախիջևանի Ինքնավար Հանրապետության Ջուղայի շրջանի վարչական կենտրոն հանդիսացող Ջուղա քաղաքի տարածքում[1]։
 | |
|---|---|
| Տեղագրություն | Ջուղա, Ջուղայի շրջան |
| Վարչական միավոր | Նախիջևանի Ինքնավար Հանրապետություն |
| Գտնվում է ափին | Այո (Արաքս գետ) |
| Երկիր | Ադրբեջան |
| Կառուցված | 10-ից 12-րդ դարեր |
| Շինանյութ | Ճեղքված և կիսամշակ քարեր |
| Ընթացիկ վիճակ | Ավերված |
Անվանում
խմբագրելԲերդը դարեր շարունակ բնակավայրի անունով անվանվել է Ջուղայի բերդ։ Երբեմն հիշատակվել է Դարվազրի բերդ անունով։ Վերջին անվանումը ստացել է արևելքից քաղաքը պաշտպանող պարսպագոտում քաղաքի գլխավոր մուտքի բարձր ու աշտարակավոր դարպասի պատճառով[1]։
Տեղադրություն
խմբագրելՋուղայի բերդը գտնվել է քաղաքի արևելյան մասում՝ Արաքս գետից դեպի մոտակա լեռնաշղթան ձգվող լեռան վրա[1]։
Պատմություն
խմբագրելՀիմնադրվել է 10-ից 12-րդ դարերում։ Բերդի մասին շատ քիչ տեղեկություններ են հայտնի[1]։
Նկարագրություն
խմբագրելՈւնեցել է բարձր պարիսպ և ժամանակին համարվել է անմատչելի ամրություն։ Կառուցված է ճեղքված և կիսամշակ քարերով։ Արդեն խորհրդային տարիներին բերդապարիսպների ու նրա աշտարակների, ինչպես նաև հարակից այլ շինությունների մեծ մասն ավերված էր[1]։