Ջեյն Հոքինգ
Ջեյն Բերիլ Հոքինգ Ջոնս (օրիորդական ազգանուն՝ Ուայլդ, մարտի 29, 1944[1], St Albans, Հարթֆորշիր, Անգլիա, Միացյալ Թագավորություն, հանրությանը հայտնի է, որպես Ջեյն Հոքինգ), անգլիացի հեղինակ և դասախոս: Նա Սթիվեն Հոքինգի նախկին կինն է[2] և «Ճանապարհորդություն դեպի անսահմանություն: Իմ կյամքը Սթիվենի հետ» ինքնակենսագրական գրքի հեղինակը:
| Ջեյն Հոքինգ | |
|---|---|
| Ծնվել է | մարտի 29, 1944[1] (76 տարեկան) |
| Ծննդավայր | St Albans, Հարթֆորշիր, Անգլիա, Միացյալ Թագավորություն |
| Քաղաքացիություն |  Միացյալ Թագավորություն |
| Կրթություն | Ուեսթֆիլդ քոլեջ |
| Գիտական աստիճան | փիլիսոփայության դոկտոր (ապրիլ 1981) |
| Մասնագիտություն | ինքնակենսագիր, գրող և լեզվաբան |
| Ամուսին | Jonathan Hellyer Jones? |
| Երեխաներ | Ռոբերտ Հոքինգ, Լյուսի Հոքինգ և Թիմ Հոքինգ |
ԿենսագրությունԽմբագրել
Հոքինգը ծնվել է Բերիլ և Ջորջ Ուայլդերի ընտանիքում: Նա մեծացել է Հերթֆորդշիր նահանգի Սենթ Օլբանս քաղաքում և հետագայում սովորել է լեզուներ[3]: Նա Սթիվեն Հոքինգին հանդիպել է ընդհանուր ծանոթների կազմակերպած խնջույքին, վաղ 1960-ականներին: Անգամ երբ Սթիվենի մոտ հայտնաբերվեց ամիոտրոֆիկ սկրելոզ, նրանք 1965 թվականին ամուսնացան Սենթ Օլբանսում[4]: Զույգը ունեցավ երեք երեխա՝ Ռոբերտը (1967), Լյուսին (1969) և Թիմոֆին (1979):
Իր առաջին ամուսնության ժամանակ Ջեյնը խնամելով իր հիվանդ ամուսնուն, մեծ սթրես է տարել: 2004 թվականի հարցազրույցի ժամանակ նա նշել է, որ նրանք հաճախ են կռիվներ ունեցել, քանի որ նա քրիստոնյա էր, իսկ Սթիվենը աթեիստ և նա իր ամուսնուն փորձում էր ապացուցել աստծո գոյությունը: Նա նաև նշել է, որ նա բաժանվելուց հետո դեռևս կապ է պահպանում իր նախկին ամուսնու հետ[5]:
Մի քանի տարի աշխատելով իր դոկտորական թեզի վրա, Ուեսվիլդ քոլեջում ներկայացնելուց հետո, 1981 թվականի ապրիլին նա ստացավ իր դոկտորական կոչումը միջնադարյան իսպանական գրականության բաժնում[6]: Հոքինգը և իր ամուսինը առանձնացել են 1990 թվականին և հինգ տարի անց՝ բաժանվել: 1996 թվականին նա ամուսնացել է երաժիշտ Ջոնաթան Հիլեր Ջոնսի հետ[7]: Ամուսնանալուց հետո Հոքինգը շարունակում է հետևել իր նախկին ամուսնուն, օգնելով առողջական խնդիրների հարցում, քանի որ նա շարունակում էր աշխատել իր տեսությունների վրա[8]:
Հետագա կյանքԽմբագրել
1999 թվականին Հոքինգը իր առաջին ամուսնության մասին գրել է «Երաժշտությունը շարժում է աստղերը: Կյանքը Սթիվենի հետ» ինքնակենսագրական գիրքը: 2007 թվականին հրատարակվեց գրքի թարմացվաց տարբերակը, որը կոչվում է «Ճանապարհորդություն դոպի անսահմանություն: Իմ կյանքը Սթիվենի հետ»[3] և դրա հիման վրա նկարահանվել է «Ամեն ինչի տեսություն» մրցանակակիր ֆիլմը:
Հոքինգը իր երկրորդ ամուսնու հետ ապրում է Անգլիայում:
ԱշխատանքներԽմբագրել
- «Երաժշտությունը շարժում է աստղերը: Կյանքը Սթիվենի հետ», Macmillan Publishers, Լոնդոն, 1999 ISBN 0-333-74686-4
- «Ճանապարհորդություն դեպի անսահմանություն: Իմ կյանքը Սթիվենի հետ», Alma Books 2007 ISBN 1-84688-065-3
ՄեդիայումԽմբագրել
2004 թվականի «Հոքինգ» ֆիլմում Ջեյն Հոքինգի դերը կատարել է Լիզա Դիլոնը: 2014 թվականի «Ամեն ինչի տեսությունը» ֆիլմում նրա դերը կատարել է Ֆելիսիթի Ջոնսը, որի համար արժանացել է Լավագույն դերասանուհի մրցանակ: Այդ ֆիլմը նկարահանվել էր նրա ինքնակենսագրական գրքի հիման վրա[9]:
ԾանոթագրություններԽմբագրել
- ↑ 1,0 1,1 ČSFD — 2001.
- ↑ «L'attribution de la Medaille D'or Pie XI» [The allocation of the Pius XI Gold Medal] (PDF) (French)։ Pontificia Acadedemia Scientiarvm։ 1975։ Վերցված է մարտի 23, 2015
- ↑ 3,0 3,1 Anderson L.V. (նոյեմբերի 7, 2014)։ «How Accurate Is The Theory of Everything?»։ Վերցված է փետրվարի 8, 2015
- ↑ Ferguson Kitty (հունվարի 3, 2012)։ Stephen Hawking: An Unfettered Mind։ St. Martin's Press։ ISBN 978-0-230-34060-2
- ↑ «Jane Hawking: Brief history of a first wife»։ The Guardian։ ապրիլի 3, 2004։ Վերցված է հունիսի 18, 2016
- ↑ http://simplyknowledge.com/science/stephen-hawking
- ↑ Ferguson Kitty (2011)։ Stephen Hawking: His Life and Work։ Transworld։ ISBN 978-1-4481-1047-6
- ↑ Adams Tim (ապրիլի 3, 2004)։ «Brief history of a first wife»։ The Observer։ Վերցված է 2014-11-11
- ↑ Anderson L.V. (նոյեմբերի 7, 2014)։ «How Accurate Is The Theory of Everything?»։ Slate։ Վերցված է 2014-11-11
Արտաքին հղումներԽմբագրել
- Ջեյն Հոքինգ Internet Movie Database կայքում