Ջեյմս Մեյս

Բռնցքամարտիկ

Ջեյմս Մեյս (անգլ.՝ James "Jem" Mace, ապրիլի 8, 1831(1831-04-08)[1], Նորֆոլկ, Անգլիա, Մեծ Բրիտանիայի և Իռլանդիայի միացյալ թագավորություն - նոյեմբերի 30, 1910(1910-11-30)[1], Թայն ընդ Ուեր, Միացյալ Թագավորություն), բրիտանացի բռնցքամարտիկ: Հայտնի էր մարտական ​​իր հատուկ ոճով՝ ուղեկցվող կայծակնային գրոհներով: Մեյսը վերջին բռնցքամարտիկն էր, ով դարձել է բռնցքամարտի Անգլիայի չեմպիոն լոնդոնյան կանոնների համաձայն[2]:

Ջեյմս Մեյս Boxing pictogram.svg
Լուսանկար
Ընդհանուր տեղեկություններ
ՔաղաքացիությունFlag of the United Kingdom.svg Մեծ Բրիտանիայի և Իռլանդիայի միացյալ թագավորություն
Ծննդյան ամսաթիվապրիլի 8, 1831(1831-04-08)[1]
ԾննդավայրՆորֆոլկ, Անգլիա, Մեծ Բրիտանիայի և Իռլանդիայի միացյալ թագավորություն
Մահվան ամսաթիվնոյեմբերի 30, 1910(1910-11-30)[1] (79 տարեկան)
Մահվան վայրԹայն ընդ Ուեր, Միացյալ Թագավորություն

ԿենսագրությունԽմբագրել

Ջեյմսը ծնվել է 1831 թվականի ապրիլի 8-ին Նորֆոլկի Բիստոն քաղաքի բանվորական թաղամասում: Նա ընտանիքի չորրորդ որդին էր: Ըստ նրա՝ մանկության ամենասիրելի ժամանցը պատուհանից փողոցի բռնցքամարտեր դիտելն էր: Ավարտել է տարրական դպրոցը:

15 տարեկան հասակում ծնողների ցանկությամբ Մեյսն աշակերտում է փայտագործ Ֆոքսի մոտ: Նույն մարդը Ջեյմսին ջութակի դասեր է տալիս, ինչը տղային շատ դուր է գալիս:

Որոշ ժամանակ անց Ջեյմսը սկսում է աշխատել պանդոկում որպես ջութակահար՝ չթողնելով ուսումը միստր Ֆոքսի մոտ: Սակայն երեք տարի անց անհայտ պատճառներով նա ընդհատում է ուսումը և վերադառնում տուն:

Շուտով նա աշխատանք է գտնում Նաթ Լանգհամի բռնցքամարտի խմբում, որը շրջում էր երկրի տոնավաճառներում: Լանգհամը Մեյսին սովորեցնում է պրոֆեսիոնալ բռնցքամարտի այն ժամանակվա առաջատար տեխնիկան: Մեյսի հաղթանակները տոնավաճառային ռինգերում գրանցվել են «Ֆիստիանա»-ում (բռնցքամարտի պատմության գիրք):

1861 թվականին Մեյսը դառնում է Անգլիայի չեմպիոն՝ հաղթելով նշանավոր բռնցքամարտիկ Սեմ Հյորստին: Այդ պահին բռնցքամարտն այլևս Մեյսի հիմնական զբաղմունքը չէր. նա Լոնդոնում գտնվող պանդոկի սեփականատեր էր:

Որոշ ժամանակ անց վաճառելով պանդոկը՝ գնում է շապիտո, շրջագայում Անգլիայում՝ ժամանակ առ ժամանակ մասնակցելով լուրջ մարտերի:

1869 թվականին Մեյսը տեղափոխվում է ԱՄՆ: 1877 թվականին շրջում է Ավստրալիայում՝ մասնակցելով անօրինական մարտերին, իսկ 1882 թվականին մեկնում է Նոր Զելանդիա: 1883 թվականին վերադառնում է Միացյալ Նահանգներ՝ շարունակելով մասնակցել անօրինական մարտերին:

Վերջին անգամ Մեյսը ռինգ է մտել 73 տարեկան հասակում:

Մահացել է 79 տարեկան հասակում Դարհեմ քաղաքում և թաղվել Լիվերպուլում:

Հաջողություն և նվաճումԽմբագրել

Ջեյմս Մեյսին անվանում են ժամանակակից բռնցքամարտի հայր, քանի որ ենթադրվում է, որ հենց նրա շնորհիվ են հայտնի դարձել «Կուինսբերի կանոնները» (անգլ.՝ Queensberry Rules): Նա առաջիններից էր, ով օգտագործում էր բռնցքամարտի ձեռնոցներ և ամեն կերպ նպաստում էր նոր կանոնների պահպանմանը: Ենթադրվում է նաև, որ Մեյսը ստեղծել է բռնցքամարտի միջազգային մրցումներ:

Իր կյանքի ընթացքում Մեյսը մասնակցել է 37 մենամարտի (բացառությամբ տոնավաճառների, որոնք նա համարում էր մարզում), որից 25-ը հաղթել է, 4-ը պարտվել , իսկ 5-ը ավարտվել է ոչ ոքի: Եվ երբեք նոկաուտի չի ենթարկվել: BoxRec-ի տվյալների համաձայն՝ նա անցկացրել է 29 մարտ, որից 1-ը շահել է, 1-ը պարտվել, իսկ 27-ն ավարտվել է առանց արդյունքի հայտարարման: Համարվում է իր ժամանակի ամենահայտնի բռնցքամարտիկներից մեկը:

ԾանոթագրություններԽմբագրել

  1. 1,0 1,1 1,2 1,3 1,4 Encyclopædia Britannica
  2. «Ջեյմս Մեյսը բռնցքամարտի ռեկորդ»։ Cyber Boxing Zone։ CBZ։ Վերցված է 7 July 2019 


Արտաքին հղումներԽմբագրել