Ջեյմս Բրուքս

Ջեյմս Բրուքս (անգլ.՝ James Lawrence Brooks; մայիսի 9, 1940(1940-05-09), Բրուքլին, Նյու Յորք), ամերիկացի կինոդերասան, սցենարիստ և պրոդյուսեր, Gracie Films ընկերության հիմնադիր։

Ջեյմս Բրուքս
Ծնվել է	մայիսի 9, 1940(1940-05-09) (84 տարեկան)
Ծննդավայր	Բրուքլին, Նյու Յորք
Կրթություն	Նյու Յորքի համալսարան և Weehawken High School?
Քաղաքացիություն	ԱՄՆ
Մասնագիտություն	սցենարիստ, կինոպրոդյուսեր, կինոռեժիսոր, գրող, հեռուստատեսային պրոդյուսեր, ռեժիսոր և պրոդյուսեր
Աշխատավայր	CBS, MTM Enterprises?, John Charles Walters Company? և Gracie Films
Պարգևներ և մրցանակներ	Ամերիկայի սցենարիստների համքարության մրցանակ Փրայմթայմ Էմմի մրցանակ Ամերիկայի ռեժիսորների համքարության մրցանակ ԱՄՆ կինոքննադատների ազգային խորհրդի մրցանակ լավագույն ֆիլմի համար Փրայմթայմ Էմի մրցանակ՝ կատակերգական հեռուստասերիալների սցենարի համար և Փրայմթայմ Էմի մրցանակ՝ կատակերգական հեռուստասերիալների սցենարի համար
Անդամություն	Ամերիկա Ուեսթի գրողների գիլդիա
graciefilms.com

«Սենյակ 222», «Մերի Թայլեր Մուրի շոուն», «Ռոդա», «Լու Գրանտ» և «Տաքսի» սերիալների ստեղծողը։ «Սիմփսոնները» մուլտսերիալը մշակողներից մեկն է, որի կերպարները, առաջին անգամ հայտնվել են «Թրեյսի Ուլմանի շոուն» նախագծում, որի պրորդյուսերը ինքն էր։ «Նրբության լեզուն», «Հեռուստատեսային նորություններ», «Ավելի լավ չի լինում» ֆիլմերի հեղինակ և բեմադրող։ «Օսկար», «Ոսկե գլոբուս» մրցանակների եռակի և 21 «Էմմի» մրցանակի դափնեկիր։

Կենսագրություն

Ջեյմս Լորենս Բրուքս ծնվել է Բրուքլինում (Նյու Յորք)՝ եվրոպական ընտանիքում, մեծացել է Նորթ Բերգենում (Նյու Ջերսի)։ Հեռուստատեսային կարիերան սկսել է CBS ալիքում, որտեղ 1964-1966 թվականներից աշխատել է սցենարիստ։ Ապա տեղափոխվել է ABC հեռուստաալիք, որտեղ աշխատել է «Սենյակ 222» հեռուստասերիալի վրա։ Դրանից հետո նրան նկատում են և հաջորդ տարի նրա մասնակցությամբ ստեղծվում են ամերիկյան ճանաչված «Թրեյսի Ուլմանի շոուն» (ծրագիրը ունեցել է հսկայական առևտրական հաջողություն), «Ռոդա», «Տաքսի» և այլ հեռուստաշոուներ։

1978 թվականին Բրուքսը տեղափոխվել է մեծ կինո և նրա առաջին աշխատանքը եղել է «Սկսել սկզբից» ֆիլմի սցենարիստի և համապրոդյուսերի պաշտոնը։

1984 թվականին հիմնադրել է սեփական հեռուստաընկերությունը՝ «Gracie Films»-ը և որպես դրա ղեկավար զբաղվել է «Ջերի Մագուայր», «Մեծ», «Ավելի լավ չի կարող լինել» ֆիլմերի պրոդյուսերությամբ։ Ամենալայնածավալ և նշանավոր նախագծերից մեկը՝ «Սիմփսոնները» մուլտսերիալը ժողովրդականություն է ձեռք բերել ողջ աշխարհում։

Ամենամեծ ռեժիսորական հաջողությունը՝ «Նրբության լեզուն» ֆիլմը, 1984 թվականին արժանացել է 5 «Օսկար» մրցանակի․ կինեմատոգրաֆիայի պատմության մեջ վեց ռեժիսորներից մեկն է, որը այդ պարգևը ստացել են առաջնաելույթային ֆիլմի համար։

Ֆիլմագրություն

Տարի		Հայերեն անվանում	Բնօրինակ անվանում	Դեր
1979	ֆ	Սկսել սկզբից	Starting Over	պրոդյուսեր, սցենարիստ
1979	ֆ	Իրական կյանք	Real Life	դերասան
1981	ֆ	Ժամանակակից ռոմանս	Modern Romance	դերասան
1983	ֆ	Նրբության լեզուն	Terms of Endearment	ռեժիսոր, պրոդյուսեր, սցենարիստ
1987	ֆ	Հեռուստատեսային նորություններ	Broadcasting News	ռեժիսոր, պրոդյուսեր, սցենարիստ
1988	ֆ	Մեծ	Big	պրոդյուսեր
1989	ֆ	Ասա ինչ-որ բան	Say Anything...	գործադիր պրոդյուսեր
1989	ֆ	Ռոուզների պատերազմը	The War of the Roses	պրոդյուսեր
1994	ֆ	Ես համաձայն եմ ամեն ինչի	I'll Do Anything	ռեժիսոր, պրոդյուսեր, սցենարիստ
1996	ֆ	Ջերի Մագուայր	Jerry Maguire	պրոդյուսեր
1997	ֆ	Ավելի լավ չի կարող լինել	As Good as It Gets	ռեժիսոր, պրոդյուսեր, սցենարիստ
2001	ֆ	Ուժեղ կին	Riding in Cars with Boys	պրոդյուսեր
2004	ֆ	Իսպանական անգլերեն	Spanglish	ռեժիսոր, պրոդյուսեր, սցենարիստ
2007	մֆ	Սիմփսոնները կինոյում	The Simpsons Movie	պրոդյուսեր, սցենարիստ
2010	ֆ	Ինչ իմանաս	How Do You Know	ռեժիսոր

Արտաքին հղումներ

• Официальный сайт телекомпании «Gracie Films»(անգլ.)

Վիքիպահեստն ունի նյութեր, որոնք վերաբերում են «Ջեյմս Բրուքս» հոդվածին։