Ջավո Մամոյան
- Վիքիպեդիայում կան հոդվածներ Մամոյան ազգանունով այլ մարդկանց մասին։
Ջավո Ամարի Մամոյան (), հայ մանկավարժ։ ՀԽՍՀ վաստակավոր ուսուցիչ (1954): Հայրենական մեծ պատերազմի մասնակից։
| Ջավո Մամոյան | |
|---|---|
| Քաղաքացիություն |  ԽՍՀՄ |
| Մասնագիտություն | մանկավարժ |
| Պարգևներ և մրցանակներ | |
Կենսագրություն խմբագրել
Ջավո Մամոյանը ավարտել է հայկական և քրդական մանկավարժական տեխնիկումները։ 1941 թվականի հունիսի 30-ից մինչև օգոստոսի 10-ը Արևմտյան ռազմաճակատում, Սմոլենսկի ուղղությամբ մարտնչել է գերմանաֆաշիստական հորդաների դեմ։ 1941 թվականի օգոստոսի 10-ին գերի է վերցրել և զորամասի շտաբ է հասցրել գերմանական երեք հետախույզների։ Օգոստոսի 16-ին Ուշակով բնակավայրի մոտ ծանր վիրավորվել է և ինն ամիս Նովոսիբիրսկում բուժվելուց հետո զորացրվել է բանակից[1]։
Մամոյանը 1943 թվականից մինչև 1960 թվականը աշխատել է Ապարանի շրջանի Սիփան գյուղի դպրոցում, որպես ուսմասվար, հայոց լեզվի և գրականության, քրդերեն լեզվի և գրականության ուսուցիչը, 1961 թվականից մինչև 1975 թվականը՝ նույն դպրոցի տնօրեն։ 1977 թվականից անցել է կենսաթոշակի, բայց շարունակել է դասավանդել[1]։
Մամոյանը բազմիցս արժանացել է խրախուսանքների և պարգևների։ Պարգևատրվել է Աշխատանքային կարմիր դրոշի շքանշանով, «Աշխատանքային գերազանցության համար», «Աշխատանքի վետերան» մեդալներով։ 1954 թվականին Մամոյանին շնորհվել է ՀԽՍՀ վաստակավոր ուսուցչի կոչում։ Մամոյանը եղել է «Գիտելիք» ընկերության Արագածի շրջանային վարչության անդամ, ժողկրթբաժնի արտահաստիքային տեսուչ[1]։
Պարգևներ խմբագրել
- ՀԽՍՀ վաստակավոր ուսուցիչ (1954)
- Աշխատանքային կարմիր դրոշի շքանշան
- «Աշխատանքային գերազանցության համար» մեդալ
- «Աշխատանքի վետերան» մեդալ