Ջամբուլադ Մուրադյան
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Այս հոդվածը կարող է վիքիֆիկացման կարիք ունենալ Վիքիպեդիայի որակի չափանիշներին համապատասխանելու համար։ Դուք կարող եք օգնել հոդվածի բարելավմանը՝ ավելացնելով համապատասխան ներքին հղումներ և շտկելով բաժինների դասավորությունը, ինչպես նաև վիքիչափանիշներին համապատասխան այլ գործողություններ կատարելով։ |
- Վիքիպեդիայում կան հոդվածներ Մուրադյան ազգանունով այլ մարդկանց մասին։
Ջամբուլադ Ալբերտի Մուրադյան (սեպտեմբերի 14, 1959, Սումգայիթ - ապրիլի 17, 1993, Գյուլիստան գյուղի մոտակայքում (ԼՂՀ Շահումյանի շրջան), օդաչու-հրամանատար։
Ջամբուլադ Մուրադյան | |
---|---|
Ծնվել է | սեպտեմբերի 14, 1959 |
Մահացել է | ապրիլի 17, 1993 (33 տարեկան) |
Մասնագիտություն | օդաչու |
1976 թվականին ավարտել է Սումգայիթի թիվ 12 միջնակարգ դպրոցը։ 1978-1980 թվականին ծառայել է ԽՍՀՄ Զինված ուժերում։ Ավարտել է Կրեմենչուգի (Ուկրաինա) քաղաքացիական ավիացիայի օդաչուական ուսումնարանը 1984 թվականին։ Ուսումնարանն ավարտելուց հետո աշխատանքի է անցել Բաքու քաղաքի «Բինա» օդանավակայանում (ուղղաթիռի օդաչու)։ 1988-ի Սումգայիթի ցեղասպանությունից հետո ընտանիքով տեղափոխվել է Երևան։ 1990-1992 թվականներին աշխատել է «Էրեբունի» օդանավակայանում, միաժամանակ՝ հեռակա սովորել Օկտյուբինսկի ավիացիայի ասպիրանտուրայում։
1990-1992 թվականներին Մի-8 ուղղաթիռի անձնակազմում (2-րդ օդաչու, ապա՝ հրամանատար) մասնակցել է ՀՀ սահմանամերձ շրջանների և Արցախի ինքնապաշտպանությանը։
Ընդհանուր թռիչքաժամը Արցախ (այդ թվում՝ Շահումյան և Գետաշեն) կազմել է 1300 ժամ։ Ռազմական ուղղաթիռով կատարել է 7 թռիչք։
Հետմահու պարգևատրվել է ՀՀ «Մարտական խաչ» 2-րդ աստիճանի եւ ԼՂՀ «Մարտական խաչ» 1-ին աստիճանի շքանշաններով։
Զոհվել է հերթական մարտական առաջադրանք կատարելիս, Գյուլիստան գյուղից վիրավոր ազատամարտիկներին տեղափոխելու ժամանակ։ Ամուսնացած էր, ուներ երեք երեխա։ Թաղված է Եռաբլուրում։