Պիկնոմետր
Պիկնոմետր (հուն․ πνκνός — խիտ և ․․․ մետր), խտաչափ, որոշակի ծավալ ունեցող ապակյա անոթ, որն օգտագործվում է հեղուկների, պինդ նյութերի և գազերի խտությունը որոշելու համար։ Պիկնոմետրով խտության որոշման եղանակը կոչվում է պիկնոմետրական, որն աչքի է ընկնում դյուրինությամբ (չափումները կշռումներ են), մեծ ճշտությամբ (10−5 գ/սմ3), պահանջվում է հետազոտվող նյութի փոքր քանակություն (0,5-100 սմ3)։ Պիկնոմետրի ծավալը որոշում են մինչև նիշը կամ մազական խողովակի վերին եզրը լցված հայտնի խտության հեղուկի (ջուր, սնդիկ և այլն) զանգվածը չափելու միջոցով (արտադրվող պիկնոմետրերի վրա ծավալը և ջերմաստիճանը նշված են)։ Ճշգրիտ չափումների համար պահանջվում է հետազոտվող նյութերից հեռացնել կլանված օդը, իսկ գազերից՝ խոնավությունը։ Գազերի համար օգտագործվում են հատուկ գլանաձև պիկնոմետրեր։
![](http://upload.wikimedia.org/wikipedia/commons/thumb/e/eb/Pycnometer_full.jpg/120px-Pycnometer_full.jpg)
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 295)։ ![]() |
![]() | Վիքիպահեստն ունի նյութեր, որոնք վերաբերում են «Պիկնոմետր» հոդվածին։ |