Պաստրոմա

Պաստրոմա (իդիշ՝ פּאַסטראָמע), տավարի մսից պատրաստված ուտեստ։ Այն շատ է օգտագործվում հրեական, մոլդովական և ռումինական խոհանոցներում, հնարավոր է առաջացել է Թուրքիայում։ Պաստրոմա անվանումը ստուգաբանորեն կապված է թուրքերեն բաստուրմա բառի հետ։ Պաստրոման նոր աշխարհ է հասել XX դարում հրեական ներգաղթի ժամանակ և համարվել Բեսարաբիայից և Ռումինիայից գաղթած հրեաների ուտեստ։ Այժմ այն համարվում է հիմնական ավանդական ուտեստ Նյու Յորքի եվրոպական ռեստորանների խոհանոցներում։ Այնտեղ այն սովորաբար պատրաստում են տավարի մսից, իսկ Ռումինիայում խոզի մսից։ Միսը մարինացվում է աղով և հատուկ համեմունքներով՝ հատկապես օգտագործվում է աղացած կարմիր պղպեղ և այնուհետև ապխտվում հատուկ եղանակով։ Այն մատուցվում է բարակ շերտերի տեսքով։ Պաստրոման միսը պահպանելու մի ձև է։ Ըստ մի վարկածի պաստրոմա բառը առաջացել է ռումինական բայից, որը նշանակում է փրկել։ Կա նաև այլ վարկած, ըստ որի պաստրոմա բառը թուրքական բաստուրմա կամ պաստիրմա բառից է առաջացել, որը նշանակում է տավարի միս, որը համեմված է կարմիր պղպեղով և չորացված արևի տակ։

Պաստրոմա פּאַסטראָמע
Հրեական խոհանոց
Ծագում
Ենթատեսակ	միս
Առաջացման երկիր	Թուրքիա
Բաղադրամասեր
Հիմնական	Միս, աղացած համեմունքներ
Pastrami Վիքիպահեստում

Արտաքին հղումներ

• Harry G. Levine, "Pastrami Land, a Deli in New York City", Contexts, Summer 2007 Արխիվացված 2009-02-05 Wayback Machine, p. 68.