Փադինգտոն արջուկը
Փադինգտոն արջուկը (անգլ.՝ Paddington Bear), անգլիացի գրող Մայքլ Բոնդի գրքի և մանկական սերիալի համանուն հերոսը։ Պադինգտոն արջուկի մասին գիրքը համարվում է մանկական դասական գրականության նմուշ։ «Պադինգտոն անունով արջուկ» գիրքը հրապարակվել է 1958 թվականի հոկտեմբերի 13-ին։ Այսօր աշխարհում ավելի քան 25 միլլիոն գիրք կա Պադինգտոն արջուկի մասին,[փա՞ստ] որոնք ընդհանուր բարդությամբ թարգմանված են 31 լեզուներով[1]։ Ամբողջ աշխարհում տարբեր արտադրանքների մեջ արջուկի անվան օգտագործման համար տրվել են 265 արտոնագրեր։
 | |
|---|---|
 | |
| Երկիր | .svg){kind=small} Միացյալ Թագավորություն |
| Ժանր | մանկական գրականություն |
| Պատմվածքի վայր | Լոնդոն |
| Պաշտոնական կայքէջ | |
 Paddington Bear Վիքիպահեստում | |
Արջուկի գրական պատմությունը խմբագրել
Պադինգտոնի արջուկի մասին գրելու միտքը առաջին անգամ ծնվել է Մայքլ Բոնդի մոտ, երբ նա 1956 թվականին տեսավ միայնակ արջուկին Պադինգտոն կայարանի հարևանությամբ գտնվող Լոնդոնի խանութներից մեկի պահարանի վրա, և իր կնոջ համար գնեց որպես նվեր։ Արջուկը ոգեշնչեց Բոնդին պատմություն հորինելու համար, և տաս օրում նա գրեց իր առաջին գիրքը։ Գիրքը փոխանցվեց գրականագետ Հարվի Ուննին։ «Պադինգտոն անունով արջուկը» առաջին անգամ հրապարակվել է 1958 թվականի հոկտեմբերի 13-ին William Colins & Sons խմբագրությունում[2][3]։
Սկզբում Մայքլ Բոնդը ուզում էր, որ արջուկը բերվեր «Սև Աֆրիկայից», բայց նրա գործակալ Հարվի ուննը հուշեց, որ Աֆրիկայում արջեր չեն ապրում, և այդ ժամանակ արջուկի հայրենիքը դարձավ Պերուն։ Կա արջի մի եզակի տեսակ, որն ապրում է պերուական ջունգլիներում, դա այսպես կոչված ակնոցավոր արջն էր[4][5]։
Պադինգտոնյան կայարանում սկսվում է փոքրիկ արջուկի մասին պատմությունը, որը եկել էր խիտ Պերուից։ Այնտեղ նա կանգնում և սպասում է, մինչև որևէ մեկը ուշադրություն դարձնիր իրեն։ Պարոն և Տիկին Բրաունները որոշում են հոգ տանել քաջ թափառականի մասին, և շուտով Պադինգտոնը դառնում է նրանց ընտանիքի լիարժեք անդամը։ Քանի որ Պադինգտոնը դաստիարակված արջուկ էր, աշխատում է տանը օգտակար լինել։ Սակայն նրա մտահաղացումները հաճախ փոփոխվում էին խեղկատակություններով և չարաճճիություններով։ Այնտեղ, որտեղ գտնվում է Պադինգտոնը արջուկը, ձանձրալի չի լինում[5]։
Փափուկ խաղալիք խմբագրել
Առաջին խաղալիք արջուկը կարվել է 1972 թվականին Gabrielle designs ընկերությունում, որը պատկանում էր Շիրլի և Էդդի Քլարկսոններին։ Փորձանմուշը Ամանորի առթիվ նվիրվել է նրանց սեփական երեխաներին՝ Ջոանին և Ջերի Քլարկսոնին (ով հետագայում դարձավ հայտնի հաղորդավար )[6]։
Մասսայական մշակույթի մեջ խմբագրել
- Կրում է լայնեզր գլխարկ և կապույտ վերարկու[7][8]
- 1976 թվականից 1980 թվականներին Մեծ Բրիտանիայում ցուցադրվել է «Պադինգտոն» մուլտսերիալը
- 1989 թվականից 1990 թվականը թողարկվեց ամերիկա-բրիտանական մուլտսերիալ «Պադինգտոնը Արջուկ»-ը
- 1997 թվականից 2000 թվականը թողարկվել է կանադա-ֆրանսիական մուլտսերիալ «Արջուկ Պադինգտոնի նոր արկածները» մուլտսերիալը
- 2008 թվականի հոկտեբերի 13-ին Google-ը նշեց գրքի հրապարակման հիսուն ամյակը՝ հոլոգրաֆիկ նշանի վրա պատկերելով ճամպրուկով թափառական[7][8]։
- 2014 թվականին ռեժիսոր Փոլ Քինգը նկարահանեց «Պադինգտոնի արկածները» ֆիլմը, որն արժանացավ BAFTA-ի երկու մրցանակի՝ լավագույն հարմարեցված սցենարի և Ալեքսանդր Կորդի անվան մրցանակ լավագույն բրիտանական ֆիլմի համար։
- 2017 թվականին նկարահանվեց հաջողակ շարունակությունը՝ «Պադինգտոն Արջուկի արկածները 2» ֆիլմը։
Ծանոթագրություններ խմբագրել
- ↑ «Медвежонок Паддигтон — Тедди клуб». Արխիվացված է օրիգինալից 2008 թ․ հոկտեմբերի 30-ին. Վերցված է 2008 թ․ հոկտեմբերի 14-ին.
- ↑ Andy McSmith (2008 թ․ մայիսի 23). «Paddington returns to his station as children's favourite» (անգլերեն). The Independent. Վերցված է 2018 թ․ հունվարի 8-ին.
- ↑ Jack Riley (2008 թ․ հոկտեմբերի 13). «Paddington bear celebrates 50th birthday» (անգլերեն). The Independent. Վերցված է 2018 թ․ հունվարի 8-ին.
- ↑ Alice Vincent (2014 թ․ հունիսի 10). «Paddington Bear: 13 things you didn't know» (անգլերեն). The Telegraph. Վերցված է 2018 թ․ հունվարի 8-ին. «It's surprising that the earnest little chap wasn't given glasses. Bond wanted to Paddington to have "travelled all the way from darkest Africa", but was advised by his agent to change his country of origin due to the lack of bears in Africa. Instead, he picked Peru - home to the Spectacled Bear.»
- ↑ 5,0 5,1 «Spectacled bear». Did you know? (անգլերեն). WWF - World Wide Fund For Nature. Արխիվացված է օրիգինալից 2018 թ․ հունվարի 9-ին. Վերցված է 2018 թ․ հունվարի 8-ին. «The fictional children's character Paddington Bear is a spectacled bear, having come all the way from "darkest Peru".»
- ↑ Shirley Clarkson, Bearly Believable: My Part in the Paddington Bear Story, Harriman House Publishing, 23 June 2008 ISBN 978-1-905641-72-7
- ↑ 7,0 7,1 «Медвежонок Паддингтон» отпразднует юбилей в России(չաշխատող հղում)
- ↑ 8,0 8,1 Кристина Басс Гарсиа (2016 թ․ հունվարի 14). ««Отцу» знаменитого медвежонка Паддингтона Майклу Бонду исполнилось 90 лет». Дочки-матери. Վերցված է 2017 թ․ հուլիսի 8-ին.
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Փադինգտոն արջուկը» հոդվածին։ |