Բացել գլխավոր ցանկը

Չարջոու (մինչև 1937 թվականը՝ Նոր Չարջոլյ), քաղաք (1886 թվականից), Թուրքմենական ԽՍՀ Չարջոուի մարզի վարչական կենտրոնը, նավակայան Ամուդարյայի ձախ ափին։ 143 հզազար բնակչություն (1980)։ Հիմնադրվել է 19րդ դարի 80-ական թվականներին, որպես ռուս, ամրակետ Բուխարայի խանության տարածքում։ 1918 թ.-1924 թ.-ին եղել է Թուրքմենստանի ԻԽՍՀ , 1924 թվականից՝ Թուրքմենստանի ԽՍՀ կազմում, 1939 թ.- 1963 թ.-ին և 1970 թվականից՝ մարզային կենտրոն։ Կան մետաքսի, մսի կոմբինատներ, բրդե մանվածքների, բամբակե գործվածքների, տրիկոտաժի, կարի, կոշիկի, կահույքի ֆաբրիկաներ, կարակուլ մշակման, բամբակազտիչ, կաթի, գինու, շինանյութերի և այլ գործարաններ։ Կան մանկավարժական ինստիտուտ, տեքստիլ, գյուղատնտեսական, գետային տեխնիկումներ, բժշկական և երաժշտական ուսումնարաններ, պատմահայրենագիտական թանգարան, շերամապահության և մելիորացիայի թուրքմենական փորձակայաններ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png