Ինամժոն Ուսմանխոջաև
Ինամժոն Բուզրուկովիչ Ուսմանխոջաև (ուզբ.՝ Иномжон Бузрукович Усмонхўжаев; ուզբ.՝ Inomjon Buzrukovich Usmonxoʻjayev, մայիսի 21, 1930, Ֆերգանա, ԽՍՀՄ - մարտի 17, 2017[1], Ֆերգանա, Ուզբեկստան), սովետական պետական և կուսակցական գործիչ։ ՍՄԿԿ անդամ 1958 թվականից։ 1955 թվականին ավարտել է Միջինասիական պոլիտեխնիկական ինստիտուտը (Տաշքենդ)։ 1955 թվականից՝ ինժեներ, շինարարական տեղամասի պետ «Ֆերգանավոդստրոյ» տրեստում, 1958-1960 թթ.՝ Մարգիլան քաղաքի ճարտարապետության, 1962 թվականից՝ Ֆերգանայի քաղսովետի նախագահ, 1965 թվականից՝ Ուզբեկստանի կոմկուսի Սիրդարյայի մարզկոմի քարտուղար։ 1969 թվականից աշխատել է ՍՄԿԿ ԿԿ ապարատում։ 1972 թվականից՝ Ուզբեկստանի ՍՍՀ Նամանգանի մարզգործկոմի նախագահ։ 1974 թվականից՝ Ուզբեկստանի կոմկուսի Անդիժանի մարզկոմի առաջին քարտուղար։ 1978 թ. դեկտեմբերից՝ Ուզբեկական ՍՍՀ Գերագույն սովետի Նախագահության նախագահ, ՍՍՀՄ Գերագույն սովետի Նախագահության նախագահի տեղակալ (1979 թվականից)։ 1983 թվականի նոյեմբերից Ինամժոն Ուսմանխոջաևը Ուզբեկստանի կոմկուսի ԿԿ առաջին քարտուղարն է։ ՍՄԿԿ ԿԿ անդամ (1981)։ Ուզբեկստանի կոմկուսի ԿԿ բյուրոյի անդամ։ ԽՍՀՄ X-XI գումարումների Գերագույն սովետի դեպուտատ։
Ինամժոն Ուսմանխոջաև Inomjon Usmonxoʻjayev | |
---|---|
Ծնվել է | մայիսի 21, 1930 |
Ծննդավայր | Ֆերգանա, ԽՍՀՄ |
Մահացել է | մարտի 17, 2017[1] (86 տարեկան) |
Մահվան վայր | Ֆերգանա, Ուզբեկստան |
Քաղաքացիություն | ԽՍՀՄ և Ուզբեկստան |
Կրթություն | Տաշքենդի պետական տեխնիկական համալսարան |
Մասնագիտություն | պետական գործիչ և քաղաքական գործիչ |
Զբաղեցրած պաշտոններ | գերագույն քարտուղար և ԽՍՀՄ Գերագույն խորհրդի նախագահության փոխնախագահ |
Կուսակցություն | ԽՄԿԿ |
Պարգևներ և մրցանակներ | |
Անդամություն | ԽՄԿԿ Կենտրոնական կոմիտե |
Ծանոթագրություններ
խմբագրելԱյս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ |