Ուբադչի ճպուռ
Ուբադչի ճպուռ | ||||||||
---|---|---|---|---|---|---|---|---|
Գիտական դասակարգում | ||||||||
|
||||||||
Լատիներեն անվանում | ||||||||
Gomphus ubadschii
|
Ուբադչի ճպուռ (լատին․՝ Gomphus ubadschii), գոմֆիդների ընտանիքին պատկանող միջատներ։ Գրանցված է Հայաստանի Կարմիր գրքում։
Նկարագրություն
խմբագրելՄիջին չափի, 44-51 մմ մարմնի երկարությամբ ճպուռ է։ Գունավորումը բաց դեղին կամ սպիտակավուն է՝ լավ արտահայտված սև նախշով։ Կուրծք երեք զույգ սև գույնի զոլերով է, փորիկի հատվածների կողքերին ձգվում են սև գույնի զոլեր՝ միջին գծով տեղադրված են բաց գունավորված երկայնակի բծեր[1]։
Տարածվածություն
խմբագրելՏարածված է Վրաստանից և Թուրքիայից մինչև Սիրիա, Իրան և Միջին Ասիա։ Տարածվածությունը Հայաստանում հայտնի է միայն Արարատյան դաշտից՝ Արմավիրի (գ․ Մարգարա) և Արարատի (գ․ Բուրաստան) մարզերից[1]։
Էկոլոգիա
խմբագրելԱպրում են ավազային, տղմոտ հատակով խոշոր գետերում, զարգանում՝ համեմատաբար դանդաղ հոսող խոշոր գետերում։ Թրթուրը բնակվում է տղմավազային հատակին, զարգացման շրջանը տևում է 3-4 տարի։ Հասուն առանձնյակները հանդիպում են գետերի ավազոտ ափերին։ Հայաստանում թռիչքը դիտվել է հունիսին[1]։
Պահպանություն
խմբագրելՍահմանափակ արեալով հազվագույտ տեսակ է։ Բնության պահպանության միջազգային միության Կարմիր ցուցակի չափորոշիչներով գնահատվում է որպես վտանգված տեսակ։
Ծայրահեղ հազվադեպ է հանդիպում, հայտնի են եզակի հայտնաբերումներ։
Թվաքանակի փոխոխության միտումները պարզված չեն։
Սպառնացող վտանգներից է հիդրոշինարաությամբ պայմանավորված գետերի հիդրոլոգիական ռեժիմի փոփոխությունը։
Պահպանության միջոցառումներ չեն իրականացվում[1]։
Ծանոթագրություններ
խմբագրել- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.