Շվեդական երկաթուղային թանգարան
Շվեդական երկաթուղային թանգարան (շվեդ.՝ Sveriges Järnvägsmuseum), Շվեդիայի Եվլե քաղաքում գտնվող ազգային տեխնիկական թանգարան՝ նվիրված շվեդական երկաթուղու պատմությանը, որը մասնաճյուղ ունի Էնգելհոլմում։
Շվեդական երկաթուղային թանգարան | |
|---|---|
 | |
 | |
| Տեսակ | ազգային թանգարան և երկաթուղային թանգարան |
| Երկիր |  Շվեդիա[1] |
| Տեղագրություն | Եվլե մունիցիպալիտետ[1] |
| Վայր | Եվլե[1] |
| Մասն է | Շվեդիայի ազգային ծովային և տրանսպորտային թանգարաններ |
| Հասցե | Rälsgatan 1, SE-802 91[1] |
| Հիմնադրվել է | 1970 |
| Այցելուներ | 64 261 մարդ (2015)[2] և 49 743 մարդ (2016)[3] |
| Կայք | jarnvagsmuseet.se |
 | |
 | |
Թանգարանի նպատակն է ուսումնասիրել, պահպանել և փոխանցել Շվեդիայի երկաթուղային տրանսպորտի պատմության վերաբերյալ տեղեկատվությունը։ Թանգարանը կառավարում է Շվեդիայի երկաթուղիների ազգային վարչակազմը, որը թանգարանի համար միջոցներ է ստանում կառավարությունից։
Պատմություն
խմբագրել1915 թվականին Երկաթուղիների ազգային խորհուրդը Ստոկհոլմում բացել է երկաթուղային թանգարան։ 1942 թվականին Ստոկհոլմի «Թոմտեբուդա» երկաթուղային կայարանում բացվել է լոկոմոտիվների և շարժակազմերի ցուցահանդես։ Շվեդական երկաթուղու թանգարանը տեղափոխվել է Եվլե 1970-ականներին։ Թանգարանին հատկացվել էին բացօթյա երկու հրապարակներ (երկաթուղային գծերով), մի քանի խոշոր շենքեր, այդ թվում երկու շրջադարձային կետեր և լոկոմոտիվային շինություն։ Թանգարանային համալիրը զբաղեցնում է գրեթե 16,000 մ² տարածք։
Ցուցանմուշներ
խմբագրելԹանգարանի որոշ ցուցանմուշներ ձեռք են բերվել 18-րդ դարի վերջին։ Ներկայիս հավաքածուն, որն աշխարհում լավագույններից է, ներառում է ավելի քան 100 լոկոմոտիվ, գրեթե 150 վագոն և մի քանի հարյուր միավոր այլ շարժակազմ։ Լավագույն նմուշները ներկայացված են հիմնական ցուցահանդեսում։ Հավաքածուի հիմնական մասը պահեստներում է և էքսկուրսիաներ անցկացնելու համար անհրաժեշտ է նախնական պայմանավորվածություն։ Լոկոմոտիվներից և շարժակազմից բացի, առանձին սրահներում ցուցադրվում են իրեր, գործիքներ և երկաթուղային մոդելներ, սպասք, տեքստիլ և արվեստի գործեր։ Թանգարանում պահվող մի քանի հարյուր հազար լուսանկարներ արտացոլում են երկաթուղու զարգացման պատմական ուղին։ Թանգարանի աշխատակիցները աշխատում են լուսանկարների թվայնացման վրա` դրանք հասարակության համար առավել հասանելի դարձնելու համար։
Ծանոթագրություններ
խմբագրել- ↑ 1,0 1,1 1,2 1,3 Wiki Loves Monuments monuments database — 2017.
- ↑ http://kulturanalys.se/wp-content/uploads/2017/01/Museer-2015_reviderad-170126.pdf — Swedish Agency for Cultural Policy Analysis, 2016. — ISBN 978-91-87046-31-5
- ↑ http://kulturanalys.se/wp-content/uploads/Museer-2016_webb.pdf — Swedish Agency for Cultural Policy Analysis, 2017. — ISBN 978-91-87046-42-1