Վիքիպեդիա

Շյամալա Գոպինաթ

հնդիկ բանկիր

Շյամալա Գոպինաթ (անգլ.՝ Shyamala Gopinath, հունիսի 20, 1949(1949-06-20)[1]), HDFC Bank-ի նախագահ, որը Հնդկաստանի ամենամեծ վարկատուն է շուկայական կապիտալիզացիայով[2]։ Հնդկաստանի Պահուստային բանկի (RBI) կառավարչի նախկին տեղակալը, որն այդ պաշտոնում աշխատել է յոթ տարի[3]։

Շյամալա Գոպինաթ
Ծնվել էհունիսի 20, 1949(1949-06-20)[1] (75 տարեկան)
Քաղաքացիություն Հնդկաստան
ԿրթությունՄայսուրի համալսարան
Մասնագիտությունբանկիր և գործարար

Ակտիվորեն ներգրավված է եղել 1991 թվականին Հնդկաստանի վճարային հաշվեկշռի ճգնաժամի կառավարման գործում, որը հանգեցրել է տնտեսական ազատականացման առաջին փուլին։ Փոքր խնայողական ծրագրերի եկամտաբերությունը շուկայական արժեքին կապելը Շյամալա Գոպինաթի հանձնաժողովի ամենակարևոր առաջարկություններից մեկն է եղել, որը ստեղծվել է 2010 թվականի հուլիսի 8-ին[4]։ Վերջապես, Հնդկաստանի կառավարությունը 2016 թվականի փետրվարին[5] տեղեկացրել է, որ հաջորդ ֆինանսական տարվա տարեկան տոկոսադրույքների զրոյացման փոխարեն տոկոսադրույքներն այսուհետ կզրոյացվեն եռամսյակային կտրվածքով՝ հիմնվելով նախորդ եռամսյակի G-Sec-ի եկամտաբերության վրա։ Նա նախկինում օգնել է Նարասիմհանի բանկային ոլորտի բարեփոխումների երկրորդ կոմիտեին։

Հնդկաստանի բանկային և ֆինանսների ինստիտուտի դիպլոմավորված իրավաբան է (1974 թվական), ստացել է առևտրի մագիստրոսի կոչում Միսուրի համալսարանում (1980 թվական)։

Շյամալա Գոպինաթը 2023 թվականին ETPrime Women Leadership Awards մրցանակաբաշխության ժամանակ արժանացել է «Lifetime Achievement Award» մրցանակի[6]։

Վաղ կյանք

խմբագրել

Դպրոցական տարիներին Շյամալա Գոպինաթը ցանկացել է մաթեմատիկա սովորել և ուսուցիչ դառնալ։ Այնուամենայնիվ, նրա հավակնությունները փոխվել են այն բանից հետո, երբ նա հետաքրքրվել է առևտրային հարաբերություններով։ Ի դեպ, նա ընտրել է առևտուրը որպես առարկա ուսումնասիրելը՝ պատմությունն ուսումնասիրելուց խուսափելու նպատակով[7]։ Նա այն սակավաթիվ ուսանողուհիներից է եղել, որ 1970 թվականին ավարտել է Մայսուրի համալսարանի առևտրի բաժինը։ Ասպիրանտուրան ավարտելուց հետո նա որոշել է կարիերա սկսել Առևտրային բանկային ոլորտում և միացել է Bank of Baroda-ին, բայց հոր հորդորով նա մասնակցեց RBI-ի մրցակցային քննություններին և նույնիսկ լավագույնս հանձնել դրանք։

Կարիերա RBI-ում

խմբագրել

Շյամալա Գոպինաթը` որպես սպա, ծառայության է անցել RBI-ում 1972 թվականի ապրիլին[8]։ 1972-1996 թվականներին նա բարձրացրել է կոչումները՝ դառնալով գլխավոր մենեջեր 1996 թվականին՝ զբաղեցնելով այդ պաշտոնը մինչև 2001 թվականը։ 2001 թվականի հունիսից սկսած եղել է պատվիրակության կազմում[9]՝ որպես ավագ ֆինանսական փորձագետ ԱՄՀ-ում, որտեղ աշխատել է այն ժամանակվա դրամավարկային և տարադրամի փոխանակման դեպարտամենտում՝ ֆինանսական ինստիտուտների բաժնում։ Պատասխանատու էր արտարժույթի պահուստների կառավարման ուղեցույցին կից փաստաթղթի համար, որը մանրամասն նկարագրում էր երկրների գործելակերպը։

2003 թվականի հուլիսից մինչև 2004 թվականի սեպտեմբերը որպես RBI-ի գործադիր տնօրեն[10]` նա, ի թիվս այլոց, մինչև 2004 թվականի փետրվարը պատասխանատու էր բանկի կարգավորման և վերահսկողության բաժնի համար։ Նա զբաղեցրել է փոխնահանգապետի պաշտոնըr[11] 2004 թվականի սեպտեմբերին։ Պաշտոնավարման ընթացքում ներգրավված է եղել արտարժույթի շուկայի կանոնակարգման և շուկայի զարգացման բարեփոխումներում։ Նա այդ պաշտոնը զբաղեցրել է մինչև 2011 թվականի հունիսը, որի ընթացքում զբաղվել է տարբեր հարցերով՝ սկսած ֆինանսական կայունությունից, պարտքի և արտարժութային պահուստների կառավարումից, վերջացրած կապիտալի հաշվի կառավարմամբ, ֆինանսական շուկայի կարգավորմամբ, ոչ բանկային ֆինանսական ընկերությունների, վճարային և հաշվարկային համակարգերի, RBI հաշիվների և RBI հաշվեկշռի վերահսկմամբ։

Ժառանգություն

խմբագրել

Գոպինաթը հայտնի էր որպես RBI-ի համեստ և կարեկցող փոխնահանգապետ։ Իրացվելիության կառավարումը և կարգավորումը նրա ուժեղ կողմն էին, և հայտնի է, որ նա հաղթահարել է ճգնաժամերը[12], ներառյալ 1999 թվականի Կարգիլի պատերազմը, 2000 թվականին Հնդկաստանի հազարամյա պարտատոմսերի մարման ժամանակ իրացվելիության կառավարումը և 2008 թվականին Lehman brothers-ի սնանկացումը։

HDFC բանկի խորհրդի նախագահի դեր

խմբագրել

2015 թվականի հունվարի 2-ից Շյամալա Գոպինաթը անցել է HDFC բանկի ոչ գործադիր նախագահի պարտականությունների կատարմանը կես դրույքով՝ 3 տարի ժամկետով[13][14]: Նա բանկի աուդիտի հանձնաժողովի (նախագահ), նշանակումների և պարգևների հանձնաժողովի, քաղաքականության և ռիսկերի մոնիտորինգի հանձնաժողովի, հաճախորդների սպասարկման հանձնաժողովի (նախագահ) և խարդախության մոնիտորինգի հանձնաժողովի (նախագահ) անդամ է[15]։

Այլ կարևոր պաշտոններ

խմբագրել
  • Նա եղել է Հնդկաստանի պետական բանկի Exim bank-ի և ազգային բնակարանային բանկի տնօրենների խորհուրդներում՝ որպես Հնդկաստանի պահուստային բանկի թեկնածու, որպես RBI-ի փոխկառավարիչ։ 2010 թվականին նա նշանակվել է Հնդկաստանի ազգային բնակարանային բանկի գործադիր տնօրեն։
  • 2011 թվականի հուլիսից SEBI-ի կորպորատիվ պարտատոմսերի և արժեթղթավորման խորհրդատվական կոմիտեի նախագահն է[16]։
  • 2011 թվականի օգոստոսի 18-ից հանդիսանում է Tata Elxsi Limited-ի ոչ գործադիր անկախ տնօրենը[17]։
  • 2012 թվականի մարտի 26-ից մինչև 2014 թվականի մարտի 26-ը նա զբաղեցրել է կենտրոնական վերահսկիչ հանձնաժողովին կից բանկային առևտրային և ֆինանսական մեքենայությունների խորհրդատվական խորհրդի նախագահի պաշտոնը[18]։
  • 2012 թվականի հուլիսի 25-ից մինչև 2015 թվականի հուլիսի 25-ը նա զբաղեցրել է Հնդկաստանի Լիմիթեդ քլիրինգային կորպորացիայի նախագահի պաշտոնը[19]։
  • 2012 թվականի փետրվարի 29-ից մինչև 2015 թվականի փետրվարի 28-ը նա աշխատել է որպես ոչ պաշտոնական անկախ տնօրեն համատեղության կարգով GAIL (India) Limited ընկերությունում[20]։
  • Նա զբաղեցրել է E.I.D.-Parry (India) Limited ընկերության անկախ տնօրենի պաշտոնը 2014 թվականի հունվարի 30-ից մինչև 2015 թվականի օգոստոսի 5-ը[21]։
  • Նա զբաղեցրել է Indian Oil Corporation Limited-ի անկախ տնօրենի պաշտոնը 2012 թվականի մարտի 29-ից մինչև 2015 թվականի հունիսի 25-ը[22]։
  • 2012 թվականի հունվարից մինչև 2014 թվականի փետրվարը նա զբաղեցրել է անկախ տնօրենի պաշտոնը National Stock Exchange of India Ltd. ընկերությունում[23], որտեղ շահերի բախման խնդիր է առաջացել[24]։
  • 2011 թվականի սեպտեմբերին նա նշանակվել է Ernst & Young գլոբալ խորհրդատվական խորհրդի անկախ ոչ գործադիր անդամ։
  • 2019 թվականին նա նշանակվել է BASF India Limited-ի տնօրենների խորհրդի անկախ տնօրեն։
  • Նա Ռայպուրի հնդկական կառավարման ինստիտուտի նախագահն է։

Ելույթներ

խմբագրել

Շյամալա Գոպինաթը ելույթներ է ունեցել միջազգային և տեղական ֆորումներում։ Թեմաները տատանվում են կապիտալի կառավարման մոտեցումից, ֆինանսական համակարգում բանկերի կենտրոնական դերից, կարգավորման մակրոտնտեսական մոտեցումից, Հնդկաստանում արտաբորսային ածանցյալ շուկաներից, ամբողջական շուկաների ստեղծման ձգտումից, ֆինանսական հատվածում իրավական ռիսկերի փոփոխության դինամիկայից, բանկերում տեխնոլոգիաներից, մանրածախ վճարային համակարգերից միչև մասնավորապես ֆինանսական քաղաքականության մշակման դասեր։

Հետաքրքրություններ

խմբագրել

Գոպինաթը հաճախ է արտահայտել իր մեծ հետաքրքրությունը[25] կարնատիկ երաժշտության նկատմամբ, թեև նա երբեք չի ձգտել երգչուհի դառնալ։

Ծանոթագրություններ

խմբագրել
  1. ↑ 1,0 1,1 http://www.mycorporateinfo.com/director/shyamala-gopinath-2362921
  2. ↑ «HDFC Bank market capitalization crosses Rs3 trillion». Livemint. Վերցված է 2016 թ․ մայիսի 05-ին.
  3. ↑ «H R Khan likely to be RBI deputy governor». Rediff.com. Վերցված է 2011 թ․ հունիսի 08-ին.
  4. ↑ «Report of the Committee on Comprehensive Review of National Small Savings Fund» (PDF). finmin.nic. Վերցված է 2011 թ․ հունիսի 07-ին.
  5. ↑ «Interest Rates on various Small Savings Schemes for the 1st Quarter of 2016-17 notified;. Additional Interest Rate spreads which the Government allows on Small Savings Schemes like PPF, Senior Citizen Savings Scheme, Sukanya Samridhi Scheme and NSC etc. are being continued and included in the rates notified today». pib.nic.in. Վերցված է 2016 թ․ մարտի 18-ին.
  6. ↑ «ETPrime Women Leadership Awards 2023». The Economic Times (անգլերեն).
  7. ↑ Nayak, Gayatri (2004 թ․ հոկտեմբերի 08). «Minting history». The Economic Times. Արխիվացված է օրիգինալից 2016 թ․ օգոստոսի 22-ին. Վերցված է 2020 թ․ ապրիլի 30-ին.
  8. ↑ «RBI deputy governor Shyamala Gopinath retires». moneylife. Վերցված է 2011 թ․ հունիսի 20-ին.
  9. ↑ «Shyamala Gopinath - Banks Have to Increase Trust». Forbes India. Վերցված է 2011 թ․ հուլիսի 15-ին.
  10. ↑ «Shyamala Gopinath appointed RBI executive director». Zee News. Վերցված է 2003 թ. հունիսի 27-ին.
  11. ↑ «DEPUTY GOVERNORS». rbi.org.in.
  12. ↑ «RBI Deputy Governor Shyamala Gopinath Retires». Outlook India. Վերցված է 2011 թ. հունիսի 20-ին.
  13. ↑ «Corporate Announcement». BSE India. Վերցված է 2015 թ. հունվարի 02-ին.
  14. ↑ Dongre, Sanjay (2015 թ. հունավարի 02). «Appointment as a Independent part-time Non-Executive Chairperson of HDFC Bank Limited» (PDF). HDFC Bank. Վերցված է 2020 թ. ապրիլի 29-ին.
  15. ↑ «Profiles of Directors». HDFC Bank. Վերցված է 2020 թ. ապրիլի 29-ին.
  16. ↑ «Corporate Bonds & Securitization Advisory Committee (CoBoSAC)» (PDF). sebi.gov.in.
  17. ↑ «TATA Elxsi» (PDF). tataelxsi.com. Արխիվացված է օրիգինալից (PDF) 2014-02-13-ին. Վերցված է 2024-07-03-ին.
  18. ↑ «Constitution of the Advisory Board on Bank, Commercial and Financial Frauds (ABBCFF) - regarding» (PDF). cvc.nic.in. Արխիվացված է օրիգինալից (PDF) 2017-12-08-ին. Վերցված է 2012 թ. մարտի 26-ին.
  19. ↑ «Demission of office as the Chairperson» (PDF). ccilindia.com. Արխիվացված է օրիգինալից (PDF) 2022-11-28-ին. Վերցված է 2015 թ. օգոստոսի 13-ին.
  20. ↑ «Notice» (PDF). gailonline.com. Վերցված է 2012 թ. հուլիսի 19-ին.
  21. ↑ «Notice» (PDF). eidparry.com. Արխիվացված է օրիգինալից (PDF) 2016-08-08-ին. Վերցված է 2014 թ. հուլիսի 02-ին.
  22. ↑ «Board of Directors» (PDF). IOCL.com.
  23. ↑ «Change in Board of Directors» (PDF). NSE India. Վերցված է 2014 թ. փետրվարի 20-ին.
  24. ↑ «Shyamala Gopinath's controversial appointment». Moneylife. Վերցված է 2012 թ. հունվարի 17-ին.
  25. ↑ «There is a lot of satisfaction in contributing to public policy». The Hindu Business Line. Վերցված է 2011 թ. հունիսի 20-ին.

Արտաքին հղումներ

խմբագրել
Ստացված է «https://hy.wikipedia.org/w/index.php?title=Շյամալա_Գոպինաթ&oldid=10155756» էջից