Շախտիի գավառագիտական թանգարան

թանգարան Շախտիում

Շախտիի գավառագիտական թանգարան (ռուս.՝ Шахтинский краеведческий музей), թանգարան ՌԴ Ռոստովի մարզի Շախտի քաղաքում։ Թանգարանի շենքը XIX դարի վերջի (1896 թվական) ճարտարապետական հուշարձան է։ Թանգարանը հիմնադրվել է 1966 թվականին, բացվել 1967 թվականի մայիսի 18-ին[1][2][3]։

Շախտիի գավառագիտական թանգարան
Տեսակթանգարան
Երկիր Ռուսաստան
ՏեղագրությունՇախտի
Հիմնադրվել է1966
Քարտեզ
Քարտեզ
Արտաքին պատկերներ
Շախտիի գավառագիտական թանգարանի լուսանկարներ

Հասցեն՝ 346500, Ռոստովի մարզ, քաղաք Շախտի, Շևչենկոյի փողոց, 149։

Պատմություն և նկարագրություն խմբագրել

Շախտիի գավառագիտական թանգարանը գտնվում է քաղաքի կենտրոնում, 1896 թվականին կառուցված պատմական շենքում։ Այժմ շենքը ճարտարապետության հուշարձան է։ 1896 թվականից շենքում գործել է կայսրուհի Ալեքսանդրա Ֆեոդորովնայի պատվին, կայսր Նիկոլայ II-ի և կայսրուհի Ալեքսանդրա Ֆեոդորովնայի թագադրման հիշատակին անվանված Ալեքսանդրյան եկեղեցական-ծխական դպրոցը։ Դպրոցը 1907 թվականից եղել է օրինակելի[4]։ Շենքի ներսի կենտրոնական մասում բարձր գմբեթաձև առաստաղներ են, որոնք թանգարանում ստեղծում են հնության մթնոլորտ։

Թանգարանը Ռոստովի մարզի խոշոր քաղաքային թանգարան է։ Նրա հիմնական ֆոնդում կա մոտ 13 000 միավոր։ Թանգարանում հավաքված են հին սրբապատկերներ և լուսանկարներ, տարբեր ժամանակաշրջանների պատմական փաստաթղթեր, կենցաղային իրեր և քաղաքացիների անձնական իրեր։ Ժամանակին ԽՍՀՄ գեղարվեստի ակադեմիան թանգարանին որպես նվեր փոխանցել է շուրջ 200 նկար։

Թանգարանում կան թեմատիկ դահլիճներ՝ «Հին քաղաք», «Քաղաքենիական կենցաղ», «Քաղաքի մարտական փառքը», «Դոնի երկրամասի բնությունը»։ Թանգարանի պատկերասրահում անցկացվում են գրաֆիկայի, գեղանկարչության, կիրառական արվեստի և այլ ցուցահանդեսներ, կազմակերպվում են երաժշտական և բանաստեղծական երեկոներ, հանդիպումներ քաղաքի անվանի մարդկանց հետ։ Ընդամենը թանգարանում հինգ թեմատիկ դահլիճ է։

Հայրենական մեծ պատերազմին նվիրված երկու սրահներում ցուցադրված են զենք, զինվորների անձնական իրեր, լուսանկարներ և փաստաթղթեր։

Թանգարանի ցուցադրություններից մեկը նվիրված է Դոնի բնությանը, այստեղ կան Դոնի երկրամասում ապրող բազմաթիվ կենդանիների և թռչունների խրտվիլակներ։

Թանգարանում կարելի է ծանոթանալ տարածաշրջանում ածխարդյունաբերության պատմությանը, XIX-XX դարերի քաղաքի բնակիչների քաղքենիական կենցաղին։

2015 թվականի նոյեմբերի 12-ին թանգարանի վարչակազմը «Ածխարդյունաբերության պատմության թանգարանի» հրդեհված շենքի տարածքից գավառագիտական թանգարանի բակ տեղափոխեց թանգարանային ցուցանմուշ՝ Վլադիմիր Լենինի հուշարձանը[5]։ Հետագայում կդիտարկվի նրա վերականգնման անհրաժեշտության հարցը։

Շախտիի գավառագիտական թանգարանին կից գործում է բանաստեղծ Ալեքսեյ Նեդոգոնովի անվան գրական միավորումը։ Նեդոգոնովը ծնունդով Ալեքսանդրովսկ-Գրուշևսկի (այժմ՝ Շախտի) քաղաքից էր։

Ծանոթագրություններ խմբագրել

  1. Шахтинский краеведческий музей
  2. Шахтинский краеведческий музей отметил свой профессиональный праздник
  3. «Шахтинский краеведческий музей вновь посетят бабочки». Արխիվացված է օրիգինալից 2017 թ․ փետրվարի 11-ին. Վերցված է 2017 թ․ մարտի 4-ին.
  4. Шахтинский краеведческий музей
  5. Памятник В. И. Ленину

Արտաքին հղումներ խմբագրել