Նևդոն Ժամկոչյան

հայ նկարիչ, արվեստների գործիչ
Վիքիպեդիայում կան հոդվածներ Ժամկոչյան ազգանունով այլ մարդկանց մասին։

Նևդոն Ժամկոչյան (մայիսի 3, 1971(1971-05-03), Սան Ֆրանցիսկո, Կալիֆոռնիա, ԱՄՆ), ամերիկահայ նկարիչ, արվեստագետ։

Նևդոն Ժամկոչյան
Ի ծնեՆևդոն Ժամկոչյան
Ծնվել է1971, մայիսի 3
ԾննդավայրՍան Ֆրանցիսկո, ԱՄՆ
ԱզգությունԱմերիկահայ
Քաղաքացիություն ԱՄՆ
Մասնագիտություննկարիչ

Կենսագրություն խմբագրել

Նևդոն Ժամկոչյանն ամերիկահայ արվեստագետ է, ով աշխատում է պատմական հասկացողություններ ընդգրկող պատումներով։ Բազմապրոֆիլ նկարիչ է, նրա ցուցադրություններում կա և լուսանկարչություն, և ինստալյացիա, որոնք պարուրված են հիշողությամբ և պատմությամբ։ Ժամկոչյանը իր ստեղծագործություններում բարձրացնում է մարդկանց ոչնչացման հիմնահարցը՝ սկսած ցեղասպանություններից մինչև կենդանիների ոչնչացում։ Ժամկոչյանը դարձել է Walden 3 foundation-ի «Մարս 2025» Ռիչարդ Բրանսոն մրցանակակիրը։ Ցուցահանդեսներ է ունեցել Գերմանիայում, Թայլանդում, Թուրքիայում, Ռուսաստանում, Հայաստանում, ԱՄՆ-ում[1]։

Մանկություն, կրթություն խմբագրել

Ժամկոչյանը ծնվել է 1971 թվականին Սան Ֆրանցիսկոյում։ Հայրը՝ Պետրոսը, ինչպես նաև հոր պապ ու տատը՝ Վահանն ու Գերտրուդը նկարչներ են եղել։ Ժամկոչյանների ընտանիքը սերում է Խարբերդից։ Ժամկոչյանի մեծ պապը՝ Ավետիսը, թուրքերեն է թարգմանել «Կորած դրախտ» բանաստեղծությունը, ինչի համար նրան աքսորել են։ Ընտանիքի մի մասին 1896 թվականի Համիդյան ջարդերի ժամանակ ոչնչացրել են։ 1910 թվականին Ժամկոչյան ընտանիքի մնացած մասը հաստատվել է Կալիֆոռնիայի Գլենդել քաղաքում։

Նևդոն Ժամկոչյանը որպես արվեստագետ մեծացել է նախ ընտանեկան միջավայրում, այնուհետև սովորել է Սավվանայի Արվեստի և դիզայնի քոլեջում[2][3]։

Նևդոն Ժամկոչյանն ապրում և ստեղծագործում է Բանգկոկում։

Ստեղծագործական ուղի խմբագրել

Բագրատյան նախագիծ խմբագրել

Ժամկոչյանի աշխատանքներում ուշադրությունը կենտրոնացված է երկընտրական կամ կեղծ պատմության վրա՝ արտահայտելով իրական, թաքնված պատմությունը։ իր «Բագրատյան նախագծում» Ժամկոչյանը ներկայացրել է Ֆրանց Վերֆելի «Մուսա լեռան քառասուն օրը» պատմավեպից դրվագ՝ պատմական կերպարով ներկայացնելով 20-րդ դարի հաջողակ նկարչին[4]։

Բագրատյան նախագիծը բաղկացած է նկարներից, որոնք Ժամկոչյանը ստորագրել է որպես արվեստագետ 1920-1970 թվականներին։ Նա արվեստագետին աջակցելու համար գրել է նրա 200 էջանոց «ինքնակենսագրականը» և 2015-2016 թվականներին կշրջագայի ԱՄՆ-ում «Բագրատյան» ներկայացմամբ։ 2014 թվականին նա պատրաստել է 1,500,000 հուշամեդալներ՝ յուրաքանչյուրի վրա “1 Armenian” մակագրությունը՝ ի հիշատակ 1915 թվականի Հայոց ցեղասպանության ժամանակ նահատակվածների[5]։

Ծանոթագրություններ խմբագրել

  1. Nevdon Jamgochian, Lidepla on Luna
  2. REPORT OF J. B. HUBBELL, M. D. GENERAL FIELD AGENT IN CHARGE OF EXPEDITIONS IN THE INTERIOR OF ANATOLIA
  3. Merchants in Exile: The Armenians in Manchester, England, 1835-1935 Page 72 By Joan George, Gomitas Institute, U.K. 2002.
  4. Nevdon Jamgochian
  5. Paul R. Ignatius, Armenian Heritage Press, 2011, Hardcover, 226 pages

Արտաքին հղումներ խմբագրել