Նովալիս Դերոյան
Նովալիս Վարազդատի Դերոյան (նաև՝ Տերոյան, փետրվարի 10, 1929, Երևան, Հայկական ԽՍՀ, ԱԽՖՍՀ, ԽՍՀՄ - հուլիսի 25, 1995, Երևան, Հայաստան), երաժշտագետ, մանկավարժ։
Նովալիս Դերոյան | |
---|---|
Հիմնական տվյալներ | |
Ծնվել է | փետրվարի 10, 1929 Երևան, Հայկական ԽՍՀ, ԱԽՖՍՀ, ԽՍՀՄ |
Մահացել է | հուլիսի 25, 1995 (66 տարեկան) Երևան, Հայաստան |
Մասնագիտություն | երաժշտագետ և մանկավարժ |
Աշխատավայր | Երևանի Կոմիտասի անվան պետական կոնսերվատորիա և Ռոմանոս Մելիքյանի անվան պետական երաժշտական քոլեջ |
Կրթություն | Երևանի Կոմիտասի անվան պետական կոնսերվատորիա |
Պարգևներ |
Կենսագրություն խմբագրել
Արվեստագիտության թեկնածու (1971 թվական)։ Պրոֆեսոր (1983 թվական)։
Ավարտել է Երևանի պետական կոնսերվատորիան (1955 թվական, ղեկավար՝ Սերգեյ Կոպտև)։
1956–1959 թվականներին՝ ՀՀ հանրապետական գրադարանի երաժշտական կաբինետի վարիչ, 1959–1962 թվականներին՝ հեռուստաստուդիայի երաժշտական հաղորդումների պատասխանատու խմբագիր։
1962–1964 թվականներին դասավանդել է Երևանի Ռոմանոս Մելիքյանի անվան երաժշտական ուսումնարանում, 1962–1995 թվականներին՝ ԵՊԿ-ում (պրոռեկտոր՝ 1970–1973 թվականներին, երաժշտության տեսության ամբիոնի վարիչ՝ 1973–1974 թվականներին)։
Ուսումնասիրությունները վերաբերում են երաժշտության տեսությանը, գեղագիտությանն ու ընդհանուր մշակութաբանությանը։ Հեղինակ է «Երաժշտական ստեղծագործության վերլուծություն» (1985 թվական) դասագրքի։
2015 թվականին լույս է տեսել Դերոյանի «Երկեր» ժողովածուն (կազմող, ներածության և ծանոթագրությունների հեղինակ՝ Ծովինար Մովսիսյան), որտեղ զետեղված են նրա երաժշտատեսական, մշակութաբան-գեղագիտական և գրական-հրապարակախոսական երկերը («Երաժշտական ստեղծագործության ամբողջականության հարցի շուրջ» աշխատությունը, մի շարք ուսումնասիրություններ՝ «Ինվարիանտի պրոբլեմը երաժշտության մեջ», «Մետրառիթմական հակասության դիալեկտիկական բնույթը», «Հայ ժողովրդական երգի պոլիֆոնիան»)։
Դերոյանի՝ որպես մտավորականի, անհատականության լիարժեք անդրադարձն է «Մարիամի խաչելությունը» ինքնակենսագրական վիպակը։
Հրապարակախոսաական նոթերը վերաբերում են 1980–1990-ական թվականների բարդ ու հակասական, նաև ողբերգական իրադարձություններին։
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |