Նիկոլայ Տեր-Սեմյոնով
Նիկոլայ Տեր-Սեմյոնով (Նիկոլայ Տեր-Սիմոնյան, դեկտեմբերի 22, 1897, Սևաստոպոլ, Տավրիկյան նահանգ, Ռուսական կայսրություն - հուլիսի 4, 1960, Երևան, Հայկական ԽՍՀ, ԽՍՀՄ), ռուս բեմի հայազգի խորհրդային դերասան։ ԽՍՀՄ ժողովրդական արտիստ (1954)։
 | |
|---|---|
 | |
| Ծնվել է | 1897 դեկտեմբերի 22 |
| Ծննդավայր | Սևաստոպոլ |
| Մահացել է | հուլիսի 4, 1960 (տարիքը 62) |
| Մահվան վայր | Երևան |
| Քաղաքացիություն |  Ռուսական կայսրություն և  ԽՍՀՄ |
| Ազգություն | հայ |
| Մասնագիտություն | դերասան |
| Պարգևներ և մրցանակներ |  և  |
Գործունեություն
խմբագրելԲեմական գործունեությունն սկսել է 1919 թվականին, Սևաստոպոլում․ աշխատել է Ստավրոպոլի, Սվերդլովսկի, Սիմֆերոպոլի և այլ թատրոններում, 1947 թվականից՝ Երևանի Ստանիսլավսկու անվան ռուսական թատրոնի առաջատար դերասաններից։ Կատարել է կատակերգական և բնութագրական դերեր, որոնք աչքի են ընկել կատարման անկեղծությամբ, ներքին հույզերի ճշմարտացի վերարտադրությամբ և ջերմ շնչով։ Տեր-Սեմյոնովի ստեղծագործության մեջ ուշագրավ է Լենինի կերպարի մարմնավորումը Պոգոդինի «Կրեմլյան կուրանտներ» և Գորբատովի «Հայրերի պատանեկությունը» պիեսներում։ Լավագույն դերերից են նաև՝ Պերչիխին (Գորկու «Քաղքենիներ»), Կուդրյաշ, Աչաստլիվցև (Օստրովսկու «Ամպրոպ», «Անտառ»), Բուբլիկ (Կոռնեյչուկի «Պլատոն Կրեչետ»), Նիկոլայ Ալեքսեևիչ (Ռոզովի «Կյանքի մի էջը»)։
Արտաքին հղումներ
խմբագրել- Նիկոլայ Տեր-Սեմյոնով Արխիվացված 2022-04-19 Wayback Machine
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 686)։ 
|