Նիկոլայ Նաջարյան
Նիկոլայ Արսենի Նաջարյան (1901, Բաքու, Ռուսական կայսրություն - 1973, Երևան, Հայկական ԽՍՀ, ԽՍՀՄ), հայ քիթկոկորդականջաբան։ Բժշկական գիտությունների դոկտոր (1960), պրոֆեսոր (1961): ՀԽՍՀ գիտության վաստակավոր գործիչ։
Ծնվել է | 1901 |
---|---|
Ծննդավայր | Բաքու, Ռուսական կայսրություն |
Մահացել է | 1973 |
Մահվան վայր | Երևան, Հայկական ԽՍՀ, ԽՍՀՄ |
Քաղաքացիություն | Ռուսական կայսրություն և ԽՍՀՄ |
Մասնագիտություն | բժիշկ |
Գիտական աստիճան | բժշկական գիտությունների դոկտոր (1960) |
Աշխատավայր | ՀՀ ԱՆ և Երևանի Մխիթար Հերացու անվան Պետական Բժշկական Համալսարան |
Պարգևներ |
Եղել է Հայաստանի քիթկոկորդականջաբանների գիտական ընկերության նախագահը։
Կենսագրություն
խմբագրելՆիկոլայ Նաջարյանը ծնվել է 1901 թվականին, Ադրբեջանի Բաքու քաղաքում։ 1926 թվականին ավարտել է Սարատովի (Ռուսաստան) համալսարանի բժշկական ֆակուլտետը։ 1944-1960 թվականներին եղել է ՀԽՍՀ առողջապահության նախարարության գիտաբժշկական խորհրդի քարտուղար, 1957-1961 թվականներին՝ Երևանի բժշկական ինստիտուտի ամբիոնի վարիչ, 1961-1973 թվականներին՝ Երևանի բժիշկների կատարելագործման ինստիտուտի քիթկոկորդականջաբանության ամբիոնի վարիչ[1]։
Աշխատանքները վերաբերում են քիթկոկորդականջի հիվանդությունների բուժման հարցերին։ Մշակել է միջին ականջի սուր բորբոքումների և պտկաձև ելուստի բորբոքման բուժման եղանակ։ Նաջարյանի առաջարկած օրգանիզմի արյունահոսությունը դադարեցնող (հեմոստատիկական) հատկությունների որոշման եղանակը ներդրվել է բժշկության մեջ։ 50-ից ավելի գիտական աշխատությունների հեղինակ է։
Անդամակցություն
խմբագրել- Քիթկոկորդականջաբանների համամիութենական ընկերության վարչության անդամ։
Գրականություն
խմբագրել- Айриян А. П., Армянские учёные-медики. - Ереван, 1998, 276 с.
Տես նաև
խմբագրելԾանոթագրություններ
խմբագրել- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 208-209։