Նիկոլայ Բեխ
Նիկոլայ Իվանի Բեխ (հունվարի 2, 1946, Բեխի, Կորոստենի շրջան, Ժիտոմիրի մարզ, Ուկրաինական ԽՍՀ, ԽՍՀՄ - ապրիլի 3, 2021), խորհրդային և ռուսաստանյան արդյունաբերող և գիտնական։
| Նիկոլայ Բեխ | |
|---|---|
| Ծնվել է | հունվարի 2, 1946 |
| Ծննդավայր | Բեխի, Կորոստենի շրջան, Ժիտոմիրի մարզ, Ուկրաինական ԽՍՀ, ԽՍՀՄ |
| Մահացել է | ապրիլի 3, 2021 (75 տարեկան) |
| Քաղաքացիություն |  ԽՍՀՄ և  Ռուսաստան |
| Կրթություն | Q12074501? |
| Մասնագիտություն | ճարտարագետ-մեխանիկ |
| Պարգևներ և մրցանակներ | |
Կենսագրություն խմբագրել
Ծնվել է դարբնի ընտանիքում։ Դպրոցն ավարտելուց հետո աշխատել է լոկոմոտիվային դեպոյում որպես խառատ։
Կրթություն խմբագրել
1969 թ. ավարտել է Կիևի պոլիտեխնիկական ինստիտուտը «Ձուլման ավտոմատացում և համալիր մեխանիզացիա» մասնագիտությամբ։ Ուսանել է ԳՖՀ Կիլ քաղաքի Գործարարության միջազգային ակադեմիայում։
Աշխատանքային գործունեությունը խմբագրել
- 1969-1980 թթ. - աշխատել է Վոլգայի ավտոմոբիլային գործարանում (ԱՎՏՈՎԱԶ)՝ ինժեներ-տեխնոլոգից մինչև մետալուրգիական արտադրության գլխավոր ինժեներ։ 1980-1984 թթ. - Կամայի ավտոգործարանի ԿամԱԶ ձուլման գործարանի տնօրեն։ 1987-1997 թթ. — «ԿԱՄԱԶ» ԲԲԸ նախագահ և գլխավոր տնօրեն։
Ակտիվորեն մասնակցել է 1988 թ. Սպիտակի երկրաշարժի հետևանքների վերացմանը։
1997−2001 թթ. - Մոսկվայի քաղաքապետի խորհրդական արդյունաբերական քաղաքականության գծով։ 2001 թ. եղել «Մոսկվայի կառավարիչ ֆինանսական ընկերության» գլխավոր տնօրեն։ 2001−2002 թթ. — «Սիբուր» ԲԸ գործադիր տնօրեն, 2002−2003 թթ. — Կուրգանի մեքենաշինական գործարանի տնօրենների խորհրդի նախագահ։
2003 թ. հուլիսից — «Զվեզդա-էներգետիկա» ԲԲԸ գլխավոր տնօրեն, որը զբաղվում է դիզելային և գազային էլեկտրակայաններ։
Ռուսաստանի արդյունաբերողների և գործարարների միության փոխնախագահն է։
Պարգևներ խմբագրել
- ԽՍՀՄ մինիստրների խորհրդի մրցանակի դափնեկիր։,
- «Հայրենիքին մատուցած ծառայությունների համար» 3-րդ աստիճանի շքանշան (Ռուսաստան)։
- Աշխատանքային Կարմիր դրոշի շքանշան։
- Ժողովուրդների բարեկամության շքանշան։
- «Պատվո նշան» շքանշան
- Անանիա Շիրակացու մեդալ (2008)[1]։
- Ռուսաստանի Դաշնության վաստակավոր մեքենաշինարար։
- Տեխնիկական գիտությունների դոկտոր։
- Պրոֆեսոր։
Ամուսնացած է, ունի երկու դուստր։