Նիլ Ֆեոդորի Ֆիլատով (ռուս.՝ Нил Фёдорович Филатов; հունիսի 2, 1847(1847-06-02), Միխայլովկա, Սարանսկի վարչական շրջան, Պենզայի գուբերնիա, Ռուսական կայսրություն - փետրվարի 8, 1902(1902-02-08), Մոսկվա, Ռուսական կայսրություն), ռուս մանկաբույժ, Ռուսաստանում մանկաբուժության հիմնադիրներից, Վլադիմիր Ֆիլատովի հորեղբայրը։
Ավարտել է Մոսկվայի համալսարանի բժշկական ֆակուլտետը (1869 թ.), աշխատել Մոսկվայի Սոֆիայի (այժմ՝ Ն․ Ֆիլատովի անվան) մանկական հիվանդանոցում։ 1891 թվականից՝ Մոսկվայի համալսարանի մանկական հիվանդությունների առաջին ինքնուրույն ամբիոնի պրոֆեսոր և ղեկավար։ Ֆիլատովը մանկաբուժության մեջ զարգացրել է կլինիկա-ֆիզիոլոգիական ուղղությունը։ Ապացուցել է ջրծաղիկ հիվանդության ինքնուրույնությունը (1877 թ.), նկարագրել քութեշային կարմրախտը, վարակիչ մոնոնուկլեոզը (1885 թ.) և այլն։
Շատ աշխատանքներ վերաբերում են մանկական նյարդախտաբանությանը։ 1892 թվականին նրա նախաձեռնությամբ կազմակերպվել է Ռուսաստանի մանկաբույժների ընկերությունը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|
Ռուսական կայսրություն
Nil Filatov Վիքիպահեստում
