Նարեկ Սերոբյան
Նարեկ Սերոբյան (ապրիլ 9, 2001, Երևան - հոկտեմբեր 13, 2020, Հադրութ), Արցախի պաշտպանության բանակի զինծառայող[1], Արցախյան քառասունչորսօրյա պատերազմի մասնակից, Արցախի «Մարտական ծառայության» մեդալակիր, Հայերեն Վիքիպեդիայի խմբագիր։
Նարեկ Սերոբյան | |
---|---|
ապրիլի 9, 2001 - հոկտեմբերի 13, 2020 (19 տարեկան) | |
Ծննդավայր | Հայաստան, Երևան |
Մահվան վայր | Արցախ, Հադրութ |
Քաղաքացիություն | Հայաստան |
Ծառայության տարիներ | 2019 - 2020 |
Մարտեր/ պատերազմներ | Արցախյան քառասունչորսօրյա պատերազմ |
Պարգևներ | Արցախի «Մարտական ծառայություն» մեդալ |
Կենսագրություն
խմբագրելԿյանք և ուսում
խմբագրելԾնվել է 2001 թվականի ապրիլի 9-ին Երևանում՝ Արմեն Սերոբյանի և Ռայա Սերոբյանի ընտանիքում[2]։
2007 թվականին ընդունվել է Րաֆֆու անվան թիվ 36 հիմնական դպրոցը։ 2019 թվականին ավարտել է Մանուել Քաջունու թիվ 54 ավագ դպրոցը։
2019 թվականին ընդունվել է Երևանի պետական համալսարանի ինֆորմատիկա և կիրառական մաթեմատիկայի ֆակուլտետ և անմիջապես զորակոչվել ԱՀ ՊԲ։
Զինվորական ծառայություն
խմբագրելՆարեկ Սերոբյանը զորակոչվել է բանակ 2019 թվականի հուլիսի 1-ին Նոր Նորքի թիվ 3 զինկոմիսարիատից։
Ծառայության անցել է Գյումրիի հակատանկային ուսումնական զորամասում, այնուհետև՝ Արցախի Հանրապետության Պաշտպանության բանակում՝ Հադրութի զորամասում։
Արցախյան պատերազմ
խմբագրելՍեպտեմբերի 27-ին՝ առավոտյան 7:00-ի շրջակայքում, երբ սկսվել է պատերազմը, Նարեկը եղել է սահմանին՝ խրամատում։ 16 օր Վարանդայի (Ֆիզուլի) առաջնագծում համառ պայքար է մղել թշնամու դեմ, օգնել դուրս բերել վիրավոր ընկերներին, կատարել բարդ մարտական խնդիրներ և հոկտեմբերի 13-ին թշնամու ԱԹՍ հարվածից ծանր բեկորային վիրավորում ստացել կրծքավանդակի հատվածում։ Հոսպիտալ տեղափոխելու ճանապարհին Նարեկ Սերոբյանը կնքել է իր մահկանացուն։
Պարգևներ
խմբագրել2021 թվականի փետրվարի 18-ին Նարեկ Արմենի Սերոբյանը ԱՀ նախագահ Արայիկ Հարությունյանի հրամանագրով պարգևատրվել է «Մարտական ծառայություն» մեդալով։
Հուղարկավորություն
խմբագրելՀուղարկավորությունը տեղի է ունեցել Եռաբլուր զինվորական պանթեոնում նոյեմբերի 16-ին։
Ծանոթագրություններ
խմբագրել- ↑ «5 տարեկան Նարեկը, լսելով՝ ինչպես է Մասիս սարը մնացել թուրքերին՝ ասաց, որ Մասիսը Հայաստան է բերելու։ Հարցին՝ ոնց ես մեծ սարը հայրենիք բերելու , ասաց... Արցախում զո հված Նարեկ Սերոբյանի մասին». NEWS FROM MEDIABLOG (ռուսերեն). 2021 թ․ հունվարի 22. Վերցված է 2021 թ․ օգոստոսի 19-ին.
- ↑ «Մասիս սարը Հայաստան եմ բերելու․․․ Պետք է ապրես ներկայով, տվյալ օրով․ ոչ ոք չգիտի, թե ինչ է պատրաստել կյանքը իր համար վաղը՝ ասում էր Նարեկը». Info Armenia. 8 Հունվարի, 2021.