Նարեկ Ղահրամանյան
- Վիքիպեդիայում կան հոդվածներ Ղահրամանյան ազգանունով այլ մարդկանց մասին։
Նարեկ Ղահրամանյան (ապրիլի 16, 1991, Կապան, Հայկական ԽՍՀ, ԽՍՀՄ), հայ երկրաֆիզիկոս, ՀՀ ԱԺ 7-րդ գումարման պատգամավոր։ Մանդատը ստացել է 2020 թվականի հոկտեմբերի 1-ին[1]։
| Նարեկ Ղահրամանյան | ||
| ||
|---|---|---|
| Կուսակցություն՝ | Քաղաքացիական պայմանագիր | |
| Կրթություն՝ | Երևանի պետական համալսարան | |
| Մասնագիտություն՝ | քաղաքական գործիչ և երկրաֆիզիկոս | |
| Ծննդյան օր | ապրիլի 16, 1991 (33 տարեկան) | |
| Ծննդավայր | Կապան, Հայկական ԽՍՀ, ԽՍՀՄ | |
| Քաղաքացիություն |  Հայաստան
| |
Կենսագրություն խմբագրել
Ծնվել է 1991 թվականի ապրիլի 16-ին Կապանում։ 2012-2014 թվականներին ծառայել է ՀՀ զինված ուժերում։ 2012 թվականին ավարտել է Երևանի պետական համալսարանի աշխարհագրության և երկրաբանության ֆակուլտետի երկրաֆիզիկա բաժինը։ 2015-2016 թվականներին եղել է «Կովկասյան բարիքներ» ՍՊԸ լեռնային ճարտարագետ։
Քաղաքական գործունեություն խմբագրել
2018 թ. հուլիս-հոկտեմբեր՝ Կապան խոշորացված համայնքի ղեկավարի պաշտոնակատար։
2020-2021 թթ.՝ ԱԺ պատգամավոր («Իմ քայլը» կուսակցությունների դաշինքի համապետական ընտրական ցուցակ)։ ԱԺ տարածաշրջանային եւ եվրասիական ինտեգրման հարցերի մշտական հանձնաժողովի անդամ։ «Իմ քայլը» խմբակցության անդամ։
2021 թ. հունիսի 20-ին ԱԺ պատգամավոր է ընտրվել «Քաղաքացիական պայմանագիր» կուսակցության համապետական ընտրական ցուցակով։
Ընտանիք խմբագրել
Նարեկ Ղահրամանյանը ամուսնացել է Ք. Կապանի բնակիչ՝ Դիանա Արշակի Ավանեսյանի հետ (Ծնված 1999.04.02), ունի մեկ զավակ։