Յան Լե Գակ
Յան Լե Գակ (ֆր.՝ Yann Le Gac, 1954, Մորբիան, Բրետան, Western defense and security zone, Ֆրանսիայի մետրոպոլիս, Ֆրանսիա), ֆրանսիացի դերասան, պարող և պրոդյուսեր, որն առավել հայտնի է Ֆորտ Բոյար հեռուստախաղից Ծերուկ Ֆուրայի (ֆր.՝ Le père Fouras) դերով։
| Յան Լե Գակ | |
|---|---|
 | |
| Ծնվել է | 1954 |
| Ծննդավայր | Մորբիան, Բրետան, Western defense and security zone, Ֆրանսիայի մետրոպոլիս, Ֆրանսիա |
| Քաղաքացիություն |  Ֆրանսիա |
| Կրթություն | Mudra International? |
| Մասնագիտություն | դերասան և հեռուստատեսային պրոդյուսեր |
 Yann Le Gac Վիքիպահեստում | |
Կենսագրություն
խմբագրել12 տարեկանում Լե Գակը միացել է Ժոզեֆ Բուլյոնի կրկեսին, որտեղ հանդես է եկել որպես աճպարար և ակրոբատ։ Այնուհետ սովորել է Բրյուսելի Մորիս Բեժարի «Մուդրա» դպրոցում, որն ավարտել է 1973 թվականին[1]։ 12 տարի շարունակ պարել է Բեժարի «20-րդ դարի բալետ» խմբում։ Բալետ պարուհի Ռիտա Պոլվորդեի հետ միասին խաղացել է «Մեր Ֆաուստը» (1975) և «Մեր օրերի Մեսսան» (1983) բալետներում։ 1980-ական թվականների վերջին, երբ Բեժարը ժամանեց Լոզան, Լե Գակը որոշեց թողնել խումբը, որպեսզի շարունակի կարիերան թատրոնում և հեռուստատեսությունում։
1991 թվականին Ժակ Անտուանը Լե Գակին հրավիրել է «Ֆորտ Բոյար» հեռուստախաղ՝ մարմնավորելու Ծերուկ Ֆուրայի դերը, որը մասնակիցներին առաջարկում է գուշակել հանելուկներ և ճիշտ պատասխանի դեպքում տալիս գանձարանի բանալիներից մեկը (նախկինում այդ դերը մարմնավորել է Միշել Սկուրնոն)։ Լե Գակի խոսքերով, գրիմի իրականացումը և դերի մեջ մտնելն օրական իրենից խլում է մի քանի ժամ։ 2002 թվականին այդ դերում նրան փոխարինել է դերասան-ծաղրերգու Դիդիե Էրվեն, սակայն բազմաթիվ հեռուստադիտողների նամակներից հետո Յանը որոշել է վերադառնալ։
Բացի Ծերուկ Ֆուրայի դերի մարմնավորումից, Յան Լե Գակը համարվում է Adventure Line Productions պրոդյուսերական ընկերության համահիմնադիր։ Նա եղել է «Ֆորտ Բոյար» հեռուստախաղի ադմինիստրատոր և մի քանի փորձությունների հեղինակ։ Նա է ստեղծել «Վազող ուղի» (կախված դույլերի փորձություն) և «Տուրնիկետ» փորձությունները, որոնք հիմնված էին սեփական կենսափորձի վրա․ մի անգամ նա ջուր է թափել սառույցի համար նախատեսված տարայից, իսկ տուրնիկետի շրջանաձև համակարգը բնորոշ է Ֆրանսիայի քաղաքային տրանսպորտին։ Լե Գակը մինչև 2005 թվականը համատեղել է գեղարվեստական պրոդյուսերի և փորձությունների մշակողի պաշտոնները, երբ այս պաշտոնները սկսեց զբաղեցնել Լորան Ալմոսնինոն։
Զուգահեռաբար Լե Գակը համարվում է ֆրանսիական «Koh-Lahta» շոուի համահեղինակը, որը ցուցադրվում է TF1 հեռուստաալիքով։ Վերջինս համարվում է ամերիկյան Survivor հաղորդաշարի ֆրանսիական տարբերակը։
Արտիստը ամուսանցած է ռուս բալետ պարուհի Յանայի հետ։ Զույգն ունի երկու որդի։
Ծանոթագրություններ
խմբագրել- ↑ «Лица - Ян Ле Гак». Форт Байяр в России (ռուսերեն). Վերցված է 2018 թ․ դեկտեմբերի 3-ին.
 | Վիքիպահեստն ունի նյութեր, որոնք վերաբերում են «Յան Լե Գակ» հոդվածին։ |