Յակուպիցա

Յակուպիցա (մակեդոներեն՝ Јакупица , ալբ․՝ Jakupicë) or Mokra (մակեդոներեն՝ Мокра, ալբ․՝ Mokër), լեռնաշղթա Հյուսիսային Մակեդոնիայի կենտրոնական մսաում։ Ամենաբարձր լեռը Սոլունսկա գլավան է, որը ծովի մակերևույթից բարձր է 2540 մ։ Մյուս բարձր գագաթներն են՝ Կարաջիչը (ալբ․՝ Karaxhicë, 2,473 մ), Պոպովո Բրդոն (2,380 մ), Օստար Բրեգը (2,365 մ), Ուբավան (ալբ․՝ Ubavë, 2,353 մ), Օստար Վրվը (2,275 մ) և Դաուտիցան (2,178 մ)։

Յակուպիցա
Տեսակ	լեռ
Երկիր	Հյուսիսային Մակեդոնիա
Բարձրությունը ծովի մակարդակից	2225 մետր
Հարաբերական բարձրություն	1666 մետր
Բարձրագույն գագաթ	Solunska Glava?

Լեռնաշղթայի համայնապատկեր մակեդոնական Դոլնո Սոնյե գյուղից

Հակիրճ տեղեկատվություն

Մակերևույթը կտրատված է բազմաթիվ լեռնային արագահոս գետերով, որոնցից ամենամեծի ու ամենահորդառատի՝ Բաբուինայի վրա դիտարժան ջրվեժներ էլ կան։ Լեռնալանջերը պատված են կաղնու, թխկու, կեչու, ընկուզենու և փշատերև ծառերի անտառներով։ Նկատվում են դիլուվիալ ժամանակների սառցադաշտերի ակնհայտ հետքեր։ Մի ամբողջ շարք հիմնարկություններ ու կազմակերպություններ առաջարկություններ են ներկայացրել այդ տարածաշրջանն ու Շար լեռները ազգային պարկի վերածելու վերաբերյալ։

Յակուպիցային հեշտությամբ կարելի է մոտենալ Հյուսիսային Մակեդոնիայի մայրաքաղաք Սկոպյեից, Վելես քաղաքից, սարերի ստորոտներին կամ լանջերին գտնվող գյուղերից։

Պարզ եղանակին լեռնաշղթայի ամենաբարձր գագաթից՝ Սոլունսկա գլավայից կարելի է դիտել հունական Սալոնիկ քաղաքը (այստեղից էլ՝ սարի Սոլունսկի գլավա անվանումը, որ թարգմանաբար նշանակում է Սալոնիկի գլուխ)։

Տես նաև

Յակուպիցայի սառցադաշտ

Պատկերասրահ

• 
  Սառցադաշտային լճակներ
• 
  Սոլունսկա գլավա գագաթը
• 
  Նեժիլովո զառիթափը (2,000-2,200 մ)Սոլունսկա գլավայի լանջին,

Արտաքին հղումներ

• Mount Jakupica on Youtube

Վիքիպահեստն ունի նյութեր, որոնք վերաբերում են «Յակուպիցա» հոդվածին։