Մուրադ Մուրադյան (գործարար)
- Վիքիպեդիայում կան հոդվածներ Մուրադյան ազգանունով այլ մարդկանց մասին։
Անվան այլ կիրառումների համար տե՛ս՝ Մուրադ Մուրադյան (այլ կիրառումներ)
Մուրադ Բախտիբեկի Մուրադյան (հունիսի 15, 1962, Մարտունի, Հայկական ԽՍՀ, ԽՍՀՄ, գ. Թազագյուղ), հայ գործարար, դիվանագետ, Իրաքի Հանրապետությունում Հայաստանի Հանրապետության նախկին արտակարգ և լիազոր դեսպան։
Մուրադ Մուրադյան | |
---|---|
Ծնվել է | հունիսի 15, 1962 (62 տարեկան) |
Ծննդավայր | Մարտունի, Հայկական ԽՍՀ, ԽՍՀՄ |
Կրթություն | Հայաստանի ազգային ագրարային համալսարան |
Գիտական աստիճան | տնտեսագիտական գիտությունների թեկնածու |
Մասնագիտություն | տնտեսագետ և դիվանագետ |
Կրթություն
խմբագրել- 1981-1986 թթ. սովորել և ավարտել է Հայկական գյուղատնտեսական ինստիտուտի տնտեսագիտության ֆակուլտետը։
- 1988-1991 թթ. սովորել և ավարտել է Մոսկվայի Կ. Ա. Տիմիրյազևի անվան գյուղատնտեսական ակադեմիայի ասպիրանտուրայի ցերեկային բաժինը։ Տնտեսագիտության թեկնածու։ Տնտեսությանը վերաբերող բազմաթիվ հոդվածների և հրապարակումների հեղինակ։
- Սովորել է Մոսկվայի Լոմոնոսովի անվան պետական համալսարանի դոկտորանտուրայում։
Աշխատանքային գործունեություն
խմբագրել- 1979-1981 թթ. - աշխատել է Մարտունու շինտրեստում։
- 1992 թ. - Մոսկվայում հիմնադրել և ղեկավարում է ԲԱՄՕ ընկերությունը։
- 2005-2014 թթ. - Կարեն Դեմիրճյանի անվան Երևանի Մարզահամերգային համալիրի խորհրդի նախագահ։
- 2010 թ. սեպտեմբերի 6-ին ՀՀ Նախագահի հրամանագրով նշանակվել է Իրաքում Հայաստանի արտակարգ և լիազոր դեսպան[1]։
- 2014 թ. հունիսի 26-ին ՀՀ Նախագահի հրամանագրով ազատվել է Իրաքում Հայաստանի արտակարգ և լիազոր դեսպանի պարտականություններից[2]։
Պարգևներ և կոչումներ
խմբագրել- «ՌԴ պատվավոր շինարար» շքանշան (1999)։
- ՀՀ և ՌԴ շնորհակալագրեր և պատվոգրեր։
- «Մշակութային ժառանգություն» անվանակարգի Ազգային մրցանակի դափնեկիր (2009)։
Ընտանիք
խմբագրելՄուրադ Մուրադյանը ՀՀ ԱԺ 2-3 գումարումների պատգամավոր Հարություն Մուրադյանի, ՀՀ բռնցքամարտի ֆեդերացիայի նախկին նախագահ Արման Մուրադյանի և վաղամեռիկ գործարար Հովիկ Մուրադյանի եղբայրն է։
Նախորդող - |
Իրաքի Հանրապետությունում Հայաստանի Հանրապետության արտակարգ և լիազոր դեսպան։ Մուրադ Մուրադյան 6 սեպտեմբերի 2010 - 26 հունիսի 2014 |
Հաջորդող Կարեն Գրիգորյան |