Մորելի գյուտը
Մորելի գյուտը (իսպ.՝ La invención de Morel), Ադոլֆո Բիոյ Կասարեսի վիպակը, որը հրատարակվել է 1940 թվականին։ Գրքի առաջաբանը գրել է Խորխե Լուիս Բորխեսը։ Գիրքը երկու անգամ էկրանավորվել է. 1967 թվականին՝ ֆրանսիացիների կողմից, իսկ 1974 թվականին՝ իտալացիների կողմից (գլխավոր դերում՝ Աննա Կարինա)։
Մորելի գյուտը իսպ.՝ La invención de Morel | |
---|---|
Վեպի հայերեն հրատարակության շապիկը (2016) | |
Հեղինակ | Ադոլֆո Բիոյ Կասարես |
Տեսակ | ռոբինզոնադ |
Ժանր | վեպ |
Բնօրինակ լեզու | իսպաներեն |
Լեզու | հայերեն |
Ստեղծման տարեթիվ | 1940 |
Էջեր | 196 |
Խմբագիր | Արքմենիկ Նիկողոսյան |
Կազմի հեղինակ | Norah Borges? |
Երկիր | Հայաստան |
Հրատարակման վայր | Երևան |
Հրատարակիչ | Անտարես |
Հրատարակման տարեթիվ | 2016 |
Թարգմանիչ հայերեն | Կառա Չոբանյան |
ԳՄՍՀ | 978-9939-51-869-5 |
ՀՏԴ | 821.134.2(82)-31 |
ԳՄԴ | 84(7Ար)-44 |
Հայերեն հրատարակություն
խմբագրելՎեպն հայերեն լույս է տեսել 2016 թվականին «Անտարես» հրատարակչության «Օտար գիր» մատենաշարով։ Իսպաներենից թարգմանել է Կառա Չոբանյանը։ 196 էջ։ Շապիկը՝ Սարգիս Անտոնյանի, կազմի ձևավորումը՝ Վիկտորիա Հարությունյանի։
Գրքի շնորհանդեսը տեղի է ունեցել 2016 թվականի նոյեմբերի 29-ին, որին ներկա է եղել նաև Հայաստանում Արգենտինայի արտակարգ և լիազոր դեսպան Գոնսալո Ուռիոլաբեիտիան[1][2]։
2016 թվականի դեկտեմբերի 9-ին գիրքը եղել է «Արմենպրես» լրատվական գործակալության «Երևանյան բեսթսելեր» նախագծի ամենալավ վաճառված գրքերի ցանկում[3]։
Հայերեն հրատարակության հանձնարարականը
խմբագրել«Մորելի գյուտը» վեպը, որ արդարև համաշխարհային ֆանտաստիկ գրականության գլուխգործոցների թվին է դասվում, պատմում է Ռոբինզոնի նման ամայի մի կղզում ապաստանած փախստականի մասին, որը մի օր հանկարծ հայտնաբերում է, որ կղզում ինքը միայնակ չէ։ Հետագա դեպքերը ծավալվում են գաղտնիքը բացահայտելու շուրջ, որ անձնազոհ սիրո պատմություն է նաև։