Մոխրաթելուկ թուրքմենական
| Մոխրաթելուկ թուրքմենական | ||||||||||
|---|---|---|---|---|---|---|---|---|---|---|
| Գիտական դասակարգում | ||||||||||
|
||||||||||
| Լատիներեն անվանում | ||||||||||
| A. turcomanica Fisch. et Mey.
|
Մոխրաթելուկ թուրքմենական (լատին․՝ A. turcomanica Fisch. et Mey.), թելուկազգիների ընտանիքի, մոխրաթելուկ ցեղի բույս։
Նկարագրություն խմբագրել
Կիսաթուփ է, չռված ճյուղերով, սովորաբար կիսագնդաձև, 40 - 65 սմ բարձրությամբ, հզոր արմատային համակարգով։ Տերևները երկարավուն-ձվաձև են կամ երկարավուն-ռոմթաձև, բութ, ամբողջաեզր կամ անհավասար փոսիկավոր, վերևի կողմից մերկ, կապտավուն, ներքևի կողմից սպիտակ մազմզուկապատ։ Տերևակիցները սերտաճում են դեպի դուրս ցցված ջղերի հետ, հակառակ-ձվաձև են կամ հիմքում լայն սեպաձև։ Ծաղիկները հավաքված են կծիկներում և գտնվում են գագաթնային տերևածոցերում, ինչպես նաև անտերև հասկանման ծաղկաբույլերում։
Տարածվածություն խմբագրել
Բնական պայմաններում հանդիպում է Արարատյան դաշտի, Սևանի ավազանի, Ջանգեզուրի, Մեղրու չոր, քարքարոտ լանջերում, գետահովիտներում, միջնակներում։ Հանդիպում է նաև Կովկասում, Փոքր Ասիայում, Միջին Ասիայում (Կարակում)[1]։
Ծանոթագրություններ խմբագրել
- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ 221։
|
Սա բույսերի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |