Տրուլս Մյորեգորդ
Տրուլս Մյորեգորդ (շվեդ.՝ Truls Carl Eric Möregårdh, փետրվարի 16, 2002[1], Վակշյո, Կրունուբերգ, Շվեդիա), շվեդ սեղանի թենիսիստ, 2021 թվականի աշխարհի մենախաղի առաջնության արծաթե մեդալակիր, աշխարհի և Եվրոպայի առաջնությունների բազմակի մեդալակիր։ 2018 թվականի ամառային պատանեկան օլիմպիական խաղերի մասնակից[2]։
| Տրուլս Մյորեգորդ | |
|---|---|
 | |
| Անձնական տեղեկություն | |
| Սեռ՝ | արական |
| Մասնագիտացում՝ | սեղանի թենիսիստ |
| Երկիր՝ |  Շվեդիա |
| Ծննդյան ամսաթիվ՝ | փետրվարի 16, 2002[1] (22 տարեկան) |
| Ծննդավայր՝ | Վակշյո, Կրունուբերգ, Շվեդիա |
Սպորտային կարիերա խմբագրել
Տրուլս Մյորեգորդը ծնվել է մի ընտանիքում, որտեղ շատ անդամներ սիրում էին սեղանի թենիս։ Տրուլսի եղբայրը՝ Մալտեն, կադետների և կրտսեր մակարդակի Շվեդիայի հավաքականի խաղացող է եղել։ Յոթ տարեկանում Տրուլսը սկսել է մարզվել իր հարազատ՝ Վեքսյո քաղաքի տեղական ակումբում[2]։
Տրուլս Մյորեգորդը շարունակել է բազմաթիվ մրցանակներ նվաճել եվրոպական պատանեկան մակարդակում[2][3]։ Նա երկու անգամ հաղթել է Շվեդիայի մենախաղի առաջնությունը[2]։
2018 թվականին Տրուլս Մյորեգորդը 15 տարեկանում ընդգրկվել է Շվեդիայի հավաքականի կազմում և 2018 թվականի աշխարհի թիմային առաջնությունում նվաճել բրոնզե մեդալ։ 2021 թվականին Տրուլս Մյորեգորդը նվաճել է արծաթե մեդալ Հյուսթոնում կայացած մենախաղի աշխարհի առաջնությունում[4]։ 2022 թվականի մայիսին Տրուլս Մյորեգորդն առաջին անգամ մտել է աշխարհի ուժեղագույն խաղացողների թոփ 10-ի ցանկ, իսկ 2022 թվականի հոկտեմբերին բարձրացավ ITTF համաշխարհային վարկանիշում երրորդ հորիզոնական[5]։
Խաղաոճ խմբագրել
Տրուլս Մյորեգորդն աջլիկ է և խաղում է հարձակվողական ոճով։ Նա ակտիվորեն և բազմազան կերպով օգտագործում է կողքից փակող հարվածներ (բեքհենդ), ուստի նրա խաղաոճը համեմատվում է նախորդ տարիների Շվեդիայի չեմպիոն Յան-Ուվե Վալդների խաղաոճի հետ[2][6]։
2019 թվականից նա խաղում է Stiga-ի հատուկ դիզայնով ստեղծված վեցանկյուն գնդաթիով[7]։
Ծանոթագրություններ խմբագրել
- ↑ 1,0 1,1 Olympedia — 2006.
- ↑ 2,0 2,1 2,2 2,3 2,4 Truls Moregard Player Profile & Equipment (Ranking, Clubs)
- ↑ Трулс Морегард: невероятный успех молодого шведа
- ↑ Золото и серебро шведов — главный итог ЧМ-2021
- ↑ Moregard Truls: ranking history (ITTF)
- ↑ Truls Moregard equipment and playing style
- ↑ Table tennis' new spin: Coloured and hexagonal bats (Ստուգված է 12 Ապրիլի 2023)