Ագապի Մկրտչյան
Ագապի Սեյրանի Մկրտչյան (1956, Գեղաշեն, Աբովյանի շրջան, Հայկական ԽՍՀ, ԽՍՀՄ), Հայաստանում ծնված գերմանաբնակ բանաստեղծ, թարգմանչուհ[1][2], Հայաստանի գրողների միության անդամ։
Ագապի Մկրտչյան | |
|---|---|
| Ծնվել է | 1956 |
| Ծննդավայր | Գեղաշեն, Աբովյանի շրջան, Հայկական ԽՍՀ, ԽՍՀՄ |
| Մասնագիտություն | գրող և թարգմանչուհի |
| Քաղաքացիություն |  Գերմանիա |
| Կրթություն | Ենայի համալսարան և Վ․ Բրյուսովի անվան պետական համալսարան |
| Անդամակցություն | ՀԳՄ |
Կենսագրություն խմբագրել
Ագապի Մկրտչյանը ծնվել է 1956 թվականին ՀՀ Կոտայքի մարզի Գեղաշեն գյուղում՝ մանկավարժի ընտանիքում։ 1962-1972 թվականներին գերազանց գնահատականներով սովորել է տեղի միջնակարգ դպրոցում[3]։ 1973 թվականին ընդունվել է Երևանի Վալերի Բրյուսովի անվան ռուսաց և օտար լեզուների ինստիտուտ, 1975 թվականին բուհի կողմից գործուղվել է Գերմանիա, որտեղ ուսումը շարունակել է Ենա քաղաքի Ֆրիդրիխ Շիլլեր համալսարանում։ 1979 թվականին ավարտել է նույն համալսարանի ռոմանո-գերմանական ֆակուլտետը։
Ագապի Մկրտչյանը 1985-1987 թվականներին սովորել ու ավարտել է Գերմանիայի Մայնի Ֆրանկֆուրտի համալսարանի ռուսաց և օտար լեզուների ֆակուլտետը[4]։
Ռուսերեն և գերմաներեն է դասավանդում Վիսբադենի գիմնազիայում, զբաղվում է հայագիտական աշխատանքով։ Եղել է Գերմանիայի Հեսսենի երկրամասի հայ համայնքի ղեկավար։
Ագապի Մկրտչյանը բազմաթիվ հոդվածների ու թարգմանությունների հեղինակ է, գերմաներեն է թարգմանել Պարույր Սևակի բանաստեղծություններից, որոնք լույս են տեսել «Համաշխարհային գրականություն» մատենաշարով[5]։
Ծանոթագրություններ խմբագրել
- ↑ ԱԶԳ (2022 թ․ փետրվարի 10). «ԳՐԱՌՈՒՄՆԵՐ ԳՐԻԳԻ «ՀԻՍՈՒՍԻ ԿԱՏՈՒՆ» ԳՐՔԻ ԳԵՐՄԱՆԵՐԵՆ ԹԱՐԳՄԱՆՈՒԹՅԱՆ ՄԱՍԻՆ». Ազգ. Վերցված է 2023 թ․ մարտի 8-ին.
- ↑ «Երեկո Պարույր Սևակի հետ». aeae.eu. Վերցված է 2023 թ․ մարտի 8-ին.
- ↑ «Home page». www.geghashenschool.am. Վերցված է 2023 թ․ մարտի 8-ին.
- ↑ «Ագապի Մկրտչյան». Արխիվացված է օրիգինալից 2022 թ․ հուլիսի 22-ին. Վերցված է 2023 թ․ մարտի 8-ին.
- ↑ «Displaying items by tag: Ագապի Մկրտչեան - Ալիք օրաթերթ». alikonline.ir. Արխիվացված է օրիգինալից 2023 թ․ մարտի 8-ին. Վերցված է 2023 թ․ մարտի 8-ին.