Միսաք Գոչունյան
Միսաք Գոչունյան (սեպտեմբերի 16, 1863[1], Հալեպ[1] - մայիսի 15, 1913[1], Կոստանդնուպոլիս[1]), հայ գրող, հրապարակախոս, խմբագիր։
Միսաք Գոչունյան արմտ. հայ.՝ Միսաք Գօչունեան | |
|---|---|
| Ծնվել է | սեպտեմբերի 16, 1863[1] |
| Ծննդավայր | Հալեպ[1] |
| Վախճանվել է | մայիսի 15, 1913[1] (49 տարեկան) |
| Վախճանի վայր | Կոստանդնուպոլիս[1] |
| Մասնագիտություն | գրող, հրապարակախոս և խմբագիր |
| Ազգություն | հայ |
| Քաղաքացիություն | .svg){kind=small} Օսմանյան կայսրություն |
| Աշխատավայր | Մանզումեի էֆքյար[1] և Ժամանակ[1] |
| Միսաք Գոչունյան Վիքիդարանում | |
Կենսագրություն խմբագրել
Սովորել է Կյուրինի ազգային և Այնթապի Կիլիկյան վարժարաններում։ 1886 թվականին հաստատվել է Կոստանդնուպոլսում։ Աշխատակցել է «Հայրենիք», «Նոր դար», «Արևելյան մամուլ» պարբերականներին։ 1881 թվականին եղել է Կ.Պոլսում, ապա Յոզգաթում, կրկին Հալեպում, Քիլիսում և Այնթապում, 1886 թվականից հաստատվել է մայրաքաղաքում։ Այդ ժամանակ Գամգաբուում բացել է «Հեթումյան» անունով վարժարան, որը հազիվ երկու տարվա կյանք է ունենում։ Առաջին ստեղծագործությունը անտիպ մնացած «Սնանկը» թատերախաղն է, ապա Կեսարիայից Մելիքյանի «Հայրենիք»-ին ուղարկած թղթակցությունը։
1891 թվականին դարձել է «Մանզումեի էֆքյար» հայատառ-թուրքերեն թերթի հրատարակիչ-խմբագիր, 1894 թվականից աշխատել է «Սաբահ» թերթում, հիմնել է «ժամանակ» թերթը (1908)։ «Մանզումեի» և «ժամանակ»-ի էջերում տպագրել է վեպեր ու պատմվածքներ Կոստանդնուպոլսի կյանքից, ինչպես նաև Գրիգոր Նարեկացու «Մատյան ողբերգութեան» աշխարհաբար թարգմանությունը։ Երկնային Կյանքի տեսարաններ, 1897, «Խորհրդավոր աղջիկը» Կոստանդնուպոլիս, 1907, Կարապետ, Կոստանդնուպոլիս, 1910։
1887 թվականից կանոնավոր թղթակցել է «Նոր Դար»-ին՝ Անուշավան ծածկանունով, ապա աշխատակցել է Զմյուռնիայի «Արևելյան մամուլ»-ին, պատկերելով պոլսահայ և իր այցելած վայրերի կյանքը։ 1901-1908 թվականներին «Քասիմ» ծածկանունով խմբագրել է «Մանզումեի էֆքյարը» հայատառ-թուրքերեն թերթը։ 1908 թվականին, եղբոր՝ Սարգիս Գոչունյանի հետ հիմնել է իր սեփական թերթը՝ «Ժամանակ»-ը։
Մահացել է Կոստանդնուպոլսում, հուղարկավորությունը տեղի է ունեցել Մայր եկեղեցում՝ նախկին պատրիարք Մաղաքիա օրմանյանի նախագահությամբ։
Ծանոթագրություններ խմբագրել
 | Վիքիդարանն ունի նյութեր, որոնք վերաբերում են «Միսաք Գոչունյան» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 160)։ 
|