Միմար Սինանի անվան գեղարվեստի համալսարան
| Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Միմար Սինանի անվան գեղարվեստի համալսարան (թուրքերեն՝ Mimar Sinan Güzel Sanatlar Üniversitesi, MSGSÜ), գեղարվեստի բարձրագույն համալսարան Թուրքիայում, Ստամբուլի Ֆինդիկլի շրջանում։
Միմար Սինանի անվան գեղարվեստի համալսարան | |
|---|---|
 | |
| Տեսակ | հասարակական համալսարան և գեղարվեստի ակադեմիա |
| Հիմնադրված է | 1882 |
| Անվանված է | Միմար Սինան |
| Անդամակցություն | Եվրոպայի համալսարանների միություն[1] |
| Երկիր |  Թուրքիա |
| Տեղագրություն | Ստամբուլ |
| Կայք | msgsu.edu.tr(թուրքերեն) |
  Միմար Սինանի անվան գեղարվեստի համալսարան, Թուրքիա | |
 Mimar Sinan Fine Arts University Վիքիպահեստում | |
ՊատմությունԽմբագրել
Կառույցը հիմնադրվել է 1882 թվականի հունվարի 1-ին որպես «Գեղարվեստի դպրոց» ("Sanayi-i Nefise Mekteb-i Âlisi, Mekteb-i Sanayi-i Nefise-i Şâhâne կամ "Sanayi-i Nefise Mektebi") թուրք հայտնի նկարիչ, արվեստի պատմաբան, հնագետ, թանգարանային համադրող Օսման Համդի Բեյի կողմից։ Լինելով նմանատիպ առաջին կառույցը Թուրքիայում՝ գեղարվեստի և ճարտարապետության դասընթացները մեկնարկեցին 1883 թվականի մարտի 2-ից՝ ունենալով 20 ուսանող և 8 դասախոս։
1914 թվականին դպրոցը դառնում է համակրթական (արական և իգական դպրոց)։ 1928 թվականին վերածվում է ակադեմիայի՝ դառնալով առաջին ակադեմիան Թուրքիայում, փոխվում է նաև անունը՝ «Գեղարվեստի պետական ակադեմիա» (Devlet Güzel Sanatlar Akademisi), 1969 թվականին անվանափոխվում է «Ստամբուլի գեղարվեստի պետական ակադեմիա» (İstanbul Devlet Güzel Sanatlar Akademisi)։ 1982 թվականի հուլիսի 20-ին ակադեմիան վերանվանվում է հայազգի ճարտարապետ Միմար Սինանի անունով՝ «Միմար Սինանի համալսարան» (Mimar Sinan Üniversitesi), 2003 թվականից կոչվում է «Միմար Սինանի անվան գեղարվեստի համալսարան»։
1982 թվականից համալսարանում գործում է քառամյա կրթական ծրագիր։
Ակադեմիական միավորներ, ֆակուլտետներԽմբագրել
- Բնագիտության և գրականության ֆակուլտետ (հնագիտություն, մանկավարժություն, ֆիզիկա, վիճակագրություն, մաթեմատիկա, արվեստի պատմություն, սոցիոլոգիա, պատմություն, թուրք բանասիրություն և գրականություն)
- Գեղարվեստի ֆակուլտետ (լուսանկարչություն, ավանդական թուրքական արհեստներ, գրաֆիկական դիզայն, քանդակագործություն, նկարչություն, բեմական դիզայն և բեմական հագուստ, կերամիկական արվեստ, ապակե արվեստ, կինո և հեռուստատեսություն, տեքստիլ դիզայն և նորաձևություն, կղմինդրե աշխատանքների վերականգնում, գեղագրություն, գորգային և հին տեքստիլ դիզայն), Արվեստի գործերի վերականգնում և պահպանում (նկարչություն, քանդակագործություն)
- Ճարտարապետության ֆակուլտետ (արդյունաբերական դիզայն, ինտերիերի ճարտարապետություն, ճարտարապետություն, քաղաքաշինություն և տարածաշրջանային պլանավորում)
- Պետական կոնսերվատորիա (երաժշտություն, երաժշտագիտություն կատարողական արվեստ)
- Արհեստագործական դպրոց (տեքստիլ դիզայն, ճարտարապետական վերականգնում)
- Բնական գիտությունների ինստիտուտ
- Սոցիալական գիտությունների ինստիտուտ
- Գեղարվեստի ինստիտուտ
Փոխկապակցված հաստատություններԽմբագրել
- Nusretiye պալատ
- Ստամբուլի նկարչության և քանդակագործության թանգարան
- Tophane-i Amire մշակութային կենտրոն
Հայտնի դասախոսներԽմբագրել
- Օսման Համդի Բեյ, նկարիչ, արվեստի պատմաբան, հնագետ
- Երվանդ Ոսկան, հայ քանդակագործ
- Ֆիլիզ Ալի, դաշնակահար, երաժշտագետ
- Ռուդոլֆ Բելինգ, գերմանացի քանդակագործ
- Նուրի Բիլգե Ջեյլան, ռեժիսոր
- Բրունո Տաուտ, գերմանացի ճարտարապետ
Արտաքին հղումներԽմբագրել
- Համալսարանի պաշտոնական կայքը (թուրքերեն)
- Միմար Սինան (թուրքերեն)
- Միմար Սինան ուսանողական պորտալ Archived 2011-10-23 at the Wayback Machine. (թուրքերեն)