Միլֆորդ ծոց
Միլֆորդ ծոցը (անգլ.՝ Milford Sound, (մաորի՝ Piopiotahi), նեղուց Նոր Զելանդիայի հարավային կղզիներում։ Երկարությունը 16 կմ է։ Այս վայրը դիտարժան են դարձնում երկրագնդի ամենաբարձր ջրվեժները և ամենաբարձր ծովային զառիթափները։
Միլֆորդ ծոց | |
---|---|
Տեսակ | ֆյորդ |
Երկիր | Նոր Զելանդիա |
Վարչատարածք | Southland District? |
Աշխարհագրական տեղադրություն | Հարավային կղզի |
Լիճ հոսող գետ | Arthur River?, Bowen River?, Cleddau River? և Stirling Falls? |
Պատմություն
խմբագրել1823 թվականին փոկերի որսորդ Ջոն Գրունուն դարձավ նեղուց այցելող առաջին եվրոպացին։ Նա այն անվանեց Միացյալ Թագավորության Ուելսի իր հայրենի քաղաքի անունով`Միլֆորդ նավահանգիստ։ Առաջինն այստեղ հաստատվեց Դոնալդ Սազերլենդը 1877 թվականին, ով նաև հյուրանոց կառուցեց։ Երեք տարի անց նա հայտնաբերեց աշխարհի հինգերորդ ամենաբարձր ջրվեժը, որն այժմ կոչվում է նրա անունով։ Սազերլենդի ջրվեժից ջուրը գահավիժում է 600 մ բարձրությունից`երեք թռիչքով։ Ներկայումս Միլֆորդ ծոցում հայտնի են բազմաթիվ ժամանակավոր և մշտական ջրվեժներ, որոնց գոյությունը հիմնականում պայմանավորված է տեղանքի բարձր խոնավությամբ և առատ տեղումներով։ Այստեղ օրական տեղումները կարող են հասնել մինչև 25 սմ։ Որոշ ջրվեժներ օրինակ՝ Բոուեն ջրվեժը, շատ տպավորիչ է, իսկ կասկադները կարող են իջնել մոտավորապես 1000 մ։ 1850 մ բարձրության վրա գտնվող Խույրի գագաթն աշխարհի ամենաբարձր ծովային զառիթափն է և կազմում է նեղուցը շրջապատող ուղղաբերձ լեռների մի մասը։ Լեռները այնքան ուղղաբերձ են, որ երբեմն կուտակված անձրևաջուրը կարող է արմատախիլ անել սաղարթախիտ մերձարևադարձային ծառերը, ինչի հետևանքով ծառերը ցած են գլորվում։ Մաորիում նեղուցը հայտնի է Փիոփիոթահի անվամբ («միայնակ կեռնեխ»), որովհետև առասպելի համաձայն մի միայնակ կեռնեխ թռել է այստեղ՝ ողբալու ընկերոջ մահը, երբ Հինենուիժթե-Պոն (մահվան աստվածուհին) կեսմարդ-կեսաստված Մաուիից խլեց անմահության շնորհը։
Աղբյուրներ
խմբագրել- Մարկ Տրուման «Աշխարհի հրաշալիքները» (Զանգակ 97)
Արտաքին հղումներ
խմբագրել- Milford Sound—Destination Fiordland Արխիվացված 2007-02-27 Wayback Machine (regional tourism organisation)
- Milford Sound visitor information
- http://www.linz.govt.nz/topography/topo-maps/map-chooser/singleview.php?xPos=1701&yPos=18809&scale=2&extent=7-CA08 Արխիվացված 2013-02-10 Wayback Machine Land Information NZ Site - for downloading the Milford Sound / Piopiotahi topographic map
Վիքիպահեստն ունի նյութեր, որոնք վերաբերում են «Միլֆորդ ծոց» հոդվածին։ |