Մելիսա Բիլալ

դասախոս, էթնո երաժշտության մասնագետ

Մելիսա Բիլալ (1978[1]), ամերիկահայ ակադեմիկոս, համալսարանի դասախոս, էթնո երաժշտության մասնագետ[2][3][4][5]։ Բիլալը Լոս Անջելեսի Կալիֆորնիայի համալսարանի Մերձավոր Արևելքի հետազոտությունների կենտրոնի ականավոր գիտաշխատող է և էթնոերաժշտագիտության ամբիոնի դասախոս։ Նաև Հայաստանի ամերիկյան համալսարանի հումանիտար և սոցիալականգիտությունների ֆակուլտետի դոցենտ է։

Մելիսա Բիլալ
Ծնվել է1978[1]
Մասնագիտությունգրող և համալսարանի դասախոս
ԱշխատավայրԼոս Անջելեսի կալիֆոռնյան համալսարան

Գիտական գործունեություն խմբագրել

Հայագիտություն է դասավանդել Չիկագոյի համալսարանի հումանիտար գիտությունների ֆակուլտետի Մերձավոր Արևելքի լեզուների և քաղաքակրթությունների բաժնում։ Մելիսա Բիլալը աշխատել է Մասաչուսեթսի տեխնոլոգիական ինստիտուտում` (MIT) որպես հրավիրված պատմագետ, Կոլումբիայի համալսարանի` Մերձավոր Արևելքի, Հարավային Ասիայի և Աֆրիկայի ուսումնասիրությունների բաժնում` (MESAAS) որպես հայագիտության հրավիրված դասախոս, Բոազիջի համալսարանում` որպես պատմության դասախոս, Ստամբուլի արևելյան ինստիտուտում` որպես հետդոկտորական ծրագրի գիտաշխատող և Կոլումբիայի համալսարանի «Մելլոն» հետդոկտորական դասավանդման ծրագրի գիտաշխատող երաժշտության գծով[6]։

Գիտական ուսումնասիրությունները ընդգրկում են 1915-1922 թվականների Հայոց ցեղասպանության հիշատակի քաղաքականությունը և հիշողության նեոլիբերալ քաղաքականության քննադատությունը Թուրքիայում բռնության, տեղահանության, օտարման և գոյատևման թեմաներով։ Նրա հետազոտությունները և հրատարակությունները ներառում են Թուրքիայի հայ համայնքում պատմական գիտելիքների ձևավորումն ու փոխանցումը զգայական մակարդակում, երգեցողությունը և հեքիաթասացությունը, երաժշտության ազգագրության պատմությունն ու քաղաքականությունը և հայկական ֆեմինիզմի պատմությունը։

Ավարտին է հասցրել «Ձայնային ստորագրությունները. ռուս-հայկական ռազմագերիների ձայնագրությունները գերմանական համակենտրոնացման ճամբարներում, 1916-1918 թթ․» աշխատանքը։

2006 թվականին խմբագրել է «Ճիչ արդարության համար. հինգ հայ ֆեմինիստ գրողներ Օսմանյան կայսրությունից մինչև Թուրքիայի Հանրապետություն (1862–1933)» թուրքերեն գիրքը[6]։

Ծանոթագրություններ խմբագրել

  1. 1,0 1,1 http://viaf.org/viaf/50425549
  2. "Lecture: "A Foe of Injustice and Prejudice: Srpuhi Dussap and the Foundations of Nineteenth-Century Ottoman Armenian Feminist Thought" with Melissa Bilal" (in ամերիկյան անգլերեն). Արխիվացված է the original 2021 թ․ մայիսի 15-ին. Retrieved 2021 թ․ մայիսի 15.
  3. "Fellow Melissa Bilal of Turkey Co-Chairs Feminism & Armenian Studies Conference". IIE Scholar Rescue Fund (in ամերիկյան անգլերեն). Retrieved 2021 թ․ մայիսի 15.
  4. "Melissa Bilal | Near Eastern Languages and Civilizations". nelc.uchicago.edu. Retrieved 2021 թ․ մայիսի 15.
  5. "Melissa Bilal". The UCLA Herb Alpert School of Music (in ամերիկյան անգլերեն). Retrieved 2021 թ․ մայիսի 15.
  6. 6,0 6,1 "Մելիսա Բիլալ". Zabel. Retrieved 2023 թ․ մարտի 13.