Մա Հուատեն
Մա Հուատեն (չինարեն՝ 马化腾, հոկտեմբերի 29, 1971, Շանտոու, Գուանդուն, Չինաստան), չինացի համացանցային ձեռնարկատեր, Չինաստանի ամենամեծ համացանցային ընկերություններից մեկի՝ Tencent Inc.-ի հիմնադիրը[8][9]։ 2007 և 2014[10] թվականներին Թայմ ամսագիրը նրան անվանել է աշխարհի ամենախելացի մարդկանցից մեկը[11]։ 2016 թվականի հունվարի դրությամբ Ֆորբս ամսագրի աշխարհի ամենահարուստ մարդկանց ցանկում զբաղեցնում է 55-րդ հորիզոնականը՝ 18.8 մլրդ ԱՄՆ դոլար կարողությամբ[12]։
| Մա Հուատեն | |
|---|---|
 | |
| Ծնվել է | հոկտեմբերի 29, 1971[1][2] (52 տարեկան) |
| Ծննդավայր | Շանտոու, Q20063654?, Գուանդուն, Չինաստան[1] կամ Չաոչժոու, Գուանդուն, Չինաստան |
| Քաղաքացիություն |  Չինաստան[3] |
| Կրթություն | Շենչժենի համալսարան[1] և Շենժենի միջնակարգ դպրոց |
| Մասնագիտություն | ձեռնարկատեր, գործարար և քաղաքական գործիչ |
| Աշխատավայր | Tencent |
| Ամուսին | Wang Danting? |
| Ծնողներ | հայր՝ Մա Չենշու, մայր՝ Հուանգ Հուիկինգ[4] |
| Զբաղեցրած պաշտոններ | Ազգային Ժողովրդական Կոնգրեսի անդամ |
| Պարգևներ և մրցանակներ | |
| Երեխաներ | Մա Մանլին[4] |
 Ma Huateng Վիքիպահեստում | |
Կենսագրություն խմբագրել
Մա Հուատենը ծնվել է 1971 թվականի հոկտեմբերի 29-ին Գուանդուն պրովինցիայի Շանտոու քաղաքում։ 1993 թվականին ավարտել է Շենչժենի համալսարանը՝ համակարգչային տեխնիկա մասնագիտությամբ և աշխատանքի է անցնում Runxun Communications Development Co. Ltd կազմակերպությունում։ 5 տարի անց թողնում է աշխատանքը և Շենչժենում ընկերների հետ բացում է Tencent կազմակերպությունը, որը շարժական հեռախոսակապի տեղական ընկերություն էր։
1999 թվականին ընկերությունը մշակեց հաղորդագրությունների վայրկենական փոխանակման ծրագիր՝ OICQ (Open ICQ) չինական միջերեսով։ 1999 թվականի հոկտեմբերին Tencent-ը ամերիկյան և հոնգկոնգյան ընկերությունների կողմից 20 % արժեթղթերի դիմաց ստացավ 2.2 մլն ԱՄՆ դոլարի վենչուրային ֆինանսավորում, որը հնարավորություն տվեց հաղթահարել առաջացած դժվարությունները[13]։ Դրանից հետո մեսենջերը վերանվանվեց QQ և այն սկսեցին առաջ մղել որպես առանձին պրոդուկտ։
QQ-ն ստեղծեց նոր երիտասարդական համացանցային մշակույթ։ Եթե Գուգլի և Յահուի նման ընկերությունների համար մեսենջերները միայն կարգավորումներ էին հիմնական ծառայությունների համար, ապա Tencent-ը QQ-ն վերածեց հզոր կոմերցիոն մարքեթինգային գործիքի, որի օգնությամբ մյուս սեգմենտներում դարձավ առաջատար․ կազմակերպությանն են պատկանում առցանց խաղեր, հայտնի սոցիալական կայք Qzone-ը, TenPay էլեկտրոնային համակարգը։ 2010 թվականին Tencent-ը ամենաթանկարժեք չինական ինտերնետ-ընկերությունն էր, որի կապիտալը գերազանցում էր 30 մլրդ ԱՄՆ դոլարը, որը նրան հնարավորություն տվեց աշխարհում զբաղեցնել 3-րդ տեղը՝ Գուգլից և Ամազոնից հետո։ 2012 թվականին QQ ծրագրի ակտիվ օգտատերերի թիվը հասավ 784 մլն-ի։
Մա Հուատենի բիզնեսի հաջողությունը, ինչպես և մյուս խոշոր չինական կազմակերպությունների դեպքում, հանդիսանում է արևմտյան անալոգների նորարարական պատճենումը հսկայական չինական շուկայի համար։ Մա Հուատենի բիզնեսի մարտավարության յուրահատկությունը այլ չինական կազմակերպություններից ավելի ակտիվ ներդրումներն են օտարերկրյա ակտիվներ[14]։
ԶԼՄ խմբագրել
2010 թվականին համաշխարհային ԶԼՄ-ում ակտիվ շրջանառվում էր մի միջադեպ․ Մա Հուատենը, ում կարողությունն այդ ժամանակ գնահատվում էր 4.4 մլրդ ԱՄՆ դոլար, Շենչժենի քաղաքային բյուջեից ստացել է ամենամսյա 450 ԱՄՆ դոլարի նպաստ՝ որպես աջակցություն քաղաքի գործարարներին և հաջողակ ձեռնարկատերերին[15]։
Ծանոթագրություններ խմբագրել
- ↑ 1,0 1,1 1,2 https://successstory.com/people/ma-huateng
- ↑ Munzinger Personen (գերմ.)
- ↑ https://www.forbes.com/profile/ma-huateng/#366df3285437
- ↑ 4,0 4,1 4,2 4,3 Geni(բազմ․) — 2006.
- ↑ http://www.xinhuanet.com/politics/2018-12/18/c_1123872223.htm (չին.)
- ↑ https://www.tatlerasia.com/people/pony-ma
- ↑ http://time.com/time100-2014/?pcd=hp-magmod
- ↑ Investing in China: The Emerging Venture Capital Industry Jonsson Yinya Li, Google Book Search
- ↑ Tencent Tencent official site
- ↑ «The 100 Most Influential People in the World». Time. 2014 թ․ ապրիլի 24.
- ↑ Biographical Dictionary of New Chinese Entrepreneurs and Business Leaders, Pg. 111 Ilan Alon and Wenxian Zhang. Edward Elgar Publishing, 2009. Google Book Search.
- ↑ «Global Rich List». Hurun Report. Արխիվացված է օրիգինալից 2014 թ․ օգոստոսի 8-ին. Վերցված է 2016 թ․ հունվարի 8-ին.
- ↑ Ма Хуатэн — основатель крупнейшей в Китае программы по обмену сообщениями в он-лайне
- ↑ Марк Завадский Четыреста миллионов не могут ошибаться Արխիվացված 2018-12-27 Wayback Machine Эксперт 2010, № 30
- ↑ Китайскому миллиардеру выписали жилищное пособие
 | Վիքիպահեստն ունի նյութեր, որոնք վերաբերում են «Մա Հուատեն» հոդվածին։ |