Մաքդոնալդ հյուրանոց

Մաքդոնալդ հյուրանոց (անգլ.՝ Fairmont Hotel Macdonald, հայտնի է որպես Hotel Macdonald կամ The Mac), հյուրանոց Կանադայի Ալբերտա նահանգի Էդմոնտոն քաղաքում։ Այն կառուցվել է Grand Trunk Pacific Railway ընկերության կողմից և պատկանում է Կանադական ազգային երկաթուղուն, Կանադական խաղաղօվկիանոսյան հյուրանոցներին և Ֆեյրմոն հյուրանոցների և հանգստյան տների ցանցին։ Հյուրանոցի շինարարությունը սկսվել է 1911 թվականին և ավարտվել 1915 թվականին, բացումը տեղի է ունեցել հուլիսին[2]։

Museum Silhouette.svg
Մաքդոնալդ հյուրանոց
Hotel-Macdonald-Edmonton-Alberta-1A.jpg
Տեսակհյուրանոցի շենք
ԵրկիրFlag of Canada (Pantone).svg Կանադա
ՏեղագրությունԷդմոնտոն
Հասցե10065 100 Street NW, Edmonton, AlbertaT5J 0N6
Ճարտարապետական ոճchâteauesque?
Բարձրություն47,7 մետր
Հարկեր11
ՇինանյութԱվազաքար
ՍեփականատերՖեյրմոն հյուրանոցներ և հանգստյան տներ
ՍպասարկողՖեյրմոն հյուրանոցներ և հանգստյան տներ
Հիմնադրված է1915
Բացվածհուլիսի 5, 1915
ՃարտարապետՌոս և Մաքդոնալդ
Ժառանգության կարգավիճակքաղաքային պատմական վայր[1]
Պաշտոնական կայք

Հյուրանոցը համարվում է Էդմոնտոնի հայտնի վայրերից և նայում է դեպի Հյուսիսային Սասկաչևանի գետային հովտին, որը Հյուսիսային Ամերիկայի ամենամեծ քաղաքային զբոսայգին է։ Հյուրանոցը Կանադայի դղյականման հյուրանոցներից է՝ կառուցված 19-րդ դարի վերջում և 20-րդ դարի սկզբին։

ՊատմությունԽմբագրել

Նախքան Մաքդոնալդ հյուրանոցի կառուցումը, այդ վայրում տեղակայված է եղել ապօրինի հողակալների ճամբարը, որոնք հաճախ բնակվում էին վրաններում կամ փոքր քարանձավներում, որոնք փորված են եղել գետի հովիտի եզրին, որոնք պահպանվել են մինչև այսօր։ Տեղացիներն այդ վայրն անվանել են «Գալիսյան հյուրանոց»՝ ելնելով այն փաստից, որ բնակիչների մեծ մասը Ավստրո-Հունգարիայի Գալիցիայի գավառի ուկրաինախոս գաղթականներից էին[3]։

Ռոս և Մաքդոնալդ ճարտարապետական ընկերությունը նախագծել է Կանադայի շատ կարևոր հյուրանոցներ, մշակել դղյականման ոճի հյուրանոցներ, որը բնութագրում են Կանադայի խոշոր երկաթուղային հյուրանոցները։ Մաքդոնալդ հյուրանոցի շինարարությունն ավարտվել է 1915 թվականի հուլիսի 5-ին։ Կառույցը կոչվել է Կանադայի առաջին վարչապետ Ջոն Ա. Մաքդոնալդի անունով[2]։

Նախնական յոթ հարկանի Grand Trunk Pacific հյուրանոցը կառուցվել է 16-րդ դարի ֆրանսիական ամրոցներից հարմարեցված յուրօրինակ դղյակային ոճով։ Շենքը երեսապատված է Ինդիանայի կրաքարով, տանիքը պղնձապատ է։ Շինարարությունն ու կահավորանքը կազմել են մոտ 2250000 դոլար (ավելի քան 53 միլիոն դոլար 2015 թվականի տվյալներով)[2]։

Կալգարիի «Palliser» հյուրանոցային համալիրի հետ միասին այն առաջին երկու հաստատություններից էր, որն Ալբերտայի լիկյորների վերահսկման խորհրդի կողմից վերաթողարկել է լիկյորային արտոնագիր, երբ նահանգը 1924 թվականին վերացրեց արգելքը։

 
Մաքդոնալդ հյուրանոցը գիշերը

1953 թվականին հյուրանոցի սեփականատերերը կառուցեցին 300 սենյականոց, 16 հարկանի հավելյալ մաս՝ քաղաքի հյուրանոցային հարմարությունների աճող պահանջարկը պահպանելու համար։ Հյուրանոցն ու հավելյալ մասը միասին կոչվեցին «The Mac and the box it came in»[2]։

Մաքդոնալդ հյուրանոցը վատ վիճակում հայտնվեց և փակվեց 1983 թվականին. խոսում էին այն քանդելու մասին[4]։ Էդմոնտոնի քաղաքապետարանը այն դարձրեց քաղաքային ժառանգության ռեսուրս[5], որը ներառում էր 5 տարածք՝ շենքի արտաքին տեսքը, Կոնֆեդերացիայի լաունջը, լոբբին, Wedgewood սենյակը և կայսրության սրահը։ 1986 թվականին 1953 թվականին կատարած ավելացումը քանդվեց[2]։

1988 թվականին Կանադական Խաղաղօվկիանոսյան (CP) հյուրանոցների ցանցը հյուրանոցը ձեռք է բերել և սկսել վերականգնողական աշխատանքները։ Հյուրանոցը վերաբացվել է 1991 թվականին՝ ծախսելով 28 միլիոն դոլար։ Վերանորոգումից հետո պահեստային տարածքների տեղում ավելացել են մի քանի սուիտներ, որոնցից մի քանիսը կոչվում են հյուրանոցի հայտնի հյուրերի անունով[6]։ 18 սուիտներով համալրվելուց հետո հյուրանոցն այժմ 8 հարկերում ունի 199 սենյակ և 51 մետր բարձրություն[7]։

1999 թվականին CP Hotel-ները միաձուլվեցին Ֆեյրմոն հյուրանոցներին և սկսեց գործածել հյուրանոցը (և մյուս բոլոր հյուրանոցները) Fairmont պաստառի ներքո։ Այնուհետև շղթան վաճառվել է, և այժմ Ֆեյրմոն հյուրանոցներն ու հանգստյան տները պատկանում են Թագավորության հոլդինգային ընկերությանը (այժմ / 1-ին եռամսյակ / Կատարի կառավարությանը և ամերիկյան Colony Capital-ի հետ համահեղ) (Կանադա)։

ԾանոթագրություններԽմբագրել

  1. Alberta Register of Historic Places
  2. 2,0 2,1 2,2 2,3 2,4 «Hotel MacDonald History»։ Hotel MacDonald։ Fairmont Hotels։ Վերցված է սեպտեմբերի 3, 2015 
  3. Theobald Claire (հուլիսի 4, 2015)։ «100 years of Hotel Macdonald: High tea, please»։ Edmonton Sun։ Վերցված է սեպտեմբերի 3, 2015 
  4. Theobald Claire (հուլիսի 5, 2015)։ «100 Edmonton's iconic Hotel Macdonald celebrates centenary»։ Edmonton Sun։ Վերցված է սեպտեմբերի 3, 2015 
  5. «MacDonald Hotel»։ Inventory & Register of Historic Resources։ City of Edmonton։ Վերցված է սեպտեմբերի 3, 2015 
  6. «Hotel MacDonald Accommodations»։ Hotel MacDonald։ Fairmont Hotels։ Վերցված է սեպտեմբերի 3, 2015 
  7. «MacDonald Hotel»։ Emporis։ Emporis GMBH։ Վերցված է սեպտեմբերի 3, 2015