Մարկ Շագալի թանգարան (Նիս)

Մարկ Շագալի թանգարան
Տեսակ	պատկերասրահ և ազգային թանգարան
Երկիր	Ֆրանսիա
Տեղագրություն	Նիս
Ղեկավարության նստավայր	Նիս
Հասցե	avenue Docteur-Ménard06000
Հիմնադրվել է	1973
Այցելուներ	178 425 մարդ (2019) և 172 889 մարդ (2018)
Կայք	musee-chagall.fr

Մարկ Շագալի թանգարան (Նիս) (ֆր.՝ Musée National Marc Chagall), նարիչ Մարկ Շագալի թանգարանը Ֆրանսիայի Նիս քաղաքում։

Նկարագրություն

Թանգարանը ստեղծվել է դեռևս նկարչի կենդանության օրոք։ Բացումը տեղի է ունեցել 1973 թվականին։ Այն անվանվել է «Մարկ Շագալի աստվածաշնչյան ուղերձի ազգային թանգարան» (Musée National Message Biblique Marc Chagall)։ Սկզբնապես այնտեղ ցուցադրվում էր Շագալի՝ աստվածաշնչյան թեմաներով 17 նկար։ Ավելի ուշ ավելանում են էզքիզներ, ուրվանկարներ, գուաշով արված պատկերներ, որոնց մեծ մասը նույնպես աստվածաշնչյան թեմաներով էին։ Արդյունքում թանգարանը ձեռք է բերում բավականին մեծ, բայց միակողմանի հավաքածու։ Սկզբնական շրջանում Շագալը ներգրավված էր թանգարանի գործունեության մեջ։ Անձամբ էր ընտրում իր ստեղծագործությունների տեղը թանգարանում, ներկա էր գտնվում բոլոր ցուցահանդեսների բացմանը, պարբերաբար համալրում էր հավաքածուն նոր ստեղծագործություններով։

Թանգարանն ունի երեք սրահ։ Գլխավոր դահլիճում ցուցադրված են տասներկու կտավներ, որոնք պատկերում են Աստվածաշնչի «Ծննդոց», «Ելից» գրքերից տեսարաններ^[2].

«Մարդու արարումը» («La Création de l’homme») 1956-1958
«Աբրահամը և երեք հրեշտակները» («Abraham et les trois anges»), 1960-1966
«Դրախտ» («Le Paradis»), 1961
«Իսահակի զոհաբերությունը» («Les acrifice d’Isaac»), 1966
«Հակոբի մենամարտը հրեշտակի հետ» («La Lutte de Jacob et de l’Ange»), 1960-66
«Մովսեսը և այրվող մորենին» («Moïse devant le Buisson Ardent»), 1966
«Մովսեսը ժայռից ջուր է բխեցնում» («Le Frappement du Rocher»), 1966
«Հակոբի երազը» («Le Songe de Jacob»), 1966;
«Նոյը և ծիածանը» («Noé et l’Arcenciel»), 1966
«Նոյան տապան» («l’Arche de Noé»), 1966
«Ադամի և Եվայի վտարումը դրախտից» («Adam et Ève chasses du Paradis»), 1966
«Մովսեսը ստանում է Օրենքի տախտակները» («Moïse etlestables de la loi»), 1966

Երկրորդ սրահում տեղակայված են կարմիր գամմայով հինգ նկար՝ «Երգ Երգոցի» սիրային քնարերգության թեմայով։ Երրորդ սրահում ցուցադրությունները փոփոխվում են։

Թանգարանում կա նաև համերգասրահ, որտեղ պարբերաբար անց են կացվում ժամանակակից և դասական երաժշտությանը նվիրված երեկոներ։ Համերգասրահի համար Շագալն անձամբ է ստեղծել երեք մեծ վիտրաժ և խճանկար։ Դահլիճի բեմում կլավեսին կա, որի կափարիչը Շագալը զարդարել է Աստվածաշնչյան թեմաներով։

Թանգարանում առկա է աուդիոզբոսավար տարբեր լեզուներով։