Մարիա և Բոգդան Կալինովսկիներ
Մարիա Մակովսկայա-Կալինովսկայա (ծն․ 1945)[1] և Բոգդան Կալինովսկի (ծն․ 1939)[1], կինոյի սիրահար պոզնանցի ամուսնական զույգ, որոնք միասին ֆիլմեր են դիտում 1973 թվականից։ Միայն 2010 թվականին դիտել են 563 ֆիլմ, 1973-2011 թվականներին՝ ընդհանուր առմամբ 11000 ֆիլմ[2][3], իսկ 2015 թվականի կեսերին դիտված ֆիլմերի թիվը հասել է գրեթե 14000-ի[4]։
Կալինովսկիների մասին փաստագրական ֆիլմեր են նկարահանվել՝ «Rekord absolutny» (1998) և «Jeden dzień bliżej kina» (2002)։ 2006 թվականին կինոյի 110-ամյակի կապակցությամբ զույգը Պոզնանի քաղաքապետ Ռիշարդ Գրոբելնու կողմից շնորհավորական և շնորհակալական նամակ է ստացել։ 2008 թվականին «Prowincjonalia» կինոփառատոնին Կալինովսկիները ստացել են հատուկ մրցանակ։
Կենսագրություն խմբագրել
Զույգը հանդիպել է 1973 թվականին գրադարանների դասընթացի ժամանակ։ Քաղաքացիական ամուսնությունը կնքվել է 1986 թվականին[5][6]։ Աշխատում էին դպրոցական գրադարաններում, ներկայումս (2016) թոշակառուներ են[5]։ Ապրում են Պոզնան քաղաքում․ մինչև 2007 թվականն ապրում էին 2 բնակարանում, որտեղից ստիպված են լինում հեռանալ[7]։ 2010 թվականի հուլիսին քաղաքական իշխանությունների կողմից մի փոքրիկ բնակարան են ստանում[8][9], որի կապիտալ վերանորոգման ծախսերը հոգում են հասարակական միջոցների հավաքագրումից՝ «Մուզա» կինոստուդիայի բարեգործական սեանսներից[10]։
Առաջին ֆիլմը, որ զույգը միասին դիտել է, Եժի Սկոլիմովսկու «Król, dama, walet» ֆիլմն էր 1973 թվականի ապրիլին Վիլդա կինոթատրոնում[5]։ Բոգդանը սկսեց հավաքագրել իրենց դիտած ֆիլմերի ցանկը, որի կատալոգիզացման համար օգտվում է դպրոցական գրադարանների համար նախատեսված համակարգից (յուրաքանչյուր ֆիլմ գրվում է առանձին թղթի վրա որոշակի ձևով)։ Մինչև Բոգդանին հանդիպելը Մարիան իր դիտած ֆիլմերը գրառում էր նոթատետրում[5]։ 2008 թվականին զույգը դիտել է իր 10000-րդ ֆիլմը, որը բրիտանական «Անհոգսը» կատակերգությունն էր․ կինոթատրոնի աշխատակիցները զույգին ծաղիկներ և տորթ նվիրեցին այս առիթով[11]։ 2010 թվականին զույգը դիտեց 563 ֆիլմ, իսկ 1973-2011 թվականներին դիտած ֆիլմերի քանակն անցնում էր 11000-ը[2][3]։ Կալինովսկիները դիտում են ցանկացած ֆիլմ՝ միայն մեկ անգամ և միայն կինոթատրոններում[6]։
2006 թվականին զույգը Պոզնանի քաղաքապետ Ռիշարդ Գրոբելնուց շնորհավորական և շնորհակալական նամակ ստացավ կինոյի 110-ամյակի կապակցությամբ[7]։ 1998 թվականին Սեբաստիան Բուտնին և Ռադոսլավ Լադչուկը Կալինովսկիներին նվիրված փաստագրական ֆիլմ նկարահանեցին՝ «Rekord absolutny», որի համար «Օֆֆ սինեմա» կինոփառատոնին ստացան «Ոսկե ամրոց» մրցանակ[5][12]։ 2002 թվականին Ջոանա Սկոլովսկայան նկարահանեց «Jeden dzień bliżej kina» ֆիլմը[13], որը մեկ տարի անց ցուցադրվեց Գդինյայում ընթացող լեհական ֆիլմերի կինոփառատոնի բացմանը[1]։ 2008 թվականին Վժեսնյայի «Prowincjonalia» կինոարվեստի ազգային կինոփառատոնին Ջոանան հատուկ մրցանակ ստացավ[6]։ Զույգը լեհական կինոփառատոների մեծ մասի պատվավոր հյուրն է[11], որոնց թվում՝ Վրոցլավի «Նոր հորիզոններ» կինոփառատոնը[3]։
Բոգդան Կալինովսկին Սոֆիա Մեցժինսկու և նկարիչ Տադեուշ Կալինովսկու որդին է[14]։
Ծանոթագրություններ խմբագրել
- ↑ 1,0 1,1 1,2 Tronowicz, Henryk (12 czerwca 2011). «Raport o kinomanach: To się nazywa prawdziwa miłość». Dziennik Bałtycki. Վերցված է 2012 թ․ հունիսի 7-ին.
- ↑ 2,0 2,1 Springer, Filip (19 maja 2011). «Ostatni seans w kinie Kosmos». Polityka. Վերցված է 2012 թ․ հունիսի 7-ին.
- ↑ 3,0 3,1 3,2 Saraczyńska, Agata (27 lipca 2010). «Filmy nie są do czytania, tylko do oglądania». Gazeta.pl Wrocław. Վերցված է 2012 թ․ հունիսի 7-ին.
- ↑ «Sławni kinomaniacy na Nowych Horyzontach: Film trzeba obejrzeć do końca». 01.08.2015. wroclaw.gazeta.pl. Վերցված է 01.08.2015-ին.
- ↑ 5,0 5,1 5,2 5,3 5,4 Grzelczak (10 kwietnia 1999). «Rekord absolutny». Gazeta Wyborcza Poznań. 84 (8).
- ↑ 6,0 6,1 6,2 Violetta Szostak, Michalina Dolińska (27 grudnia 2006). «Kinomaniacy». Wysokie Obcasy.
- ↑ 7,0 7,1 Tylenda (21 maja 2007). «Kinomani muszą się wyprowadzić». Gazeta Wyborcza Poznań. 117 (8).
- ↑ «Kinomani w nowym lokum». Radio Merkury. 8 lipca 2010. Վերցված է 2012 թ․ հունիսի 7-ին.
- ↑ «Sąsiedzi». Kino Muza. Արխիվացված է օրիգինալից 2016 թ․ մարտի 5-ին. Վերցված է 2012 թ․ հունիսի 7-ին.
{{cite web}}: More than one of|accessdate=and|access-date=specified (օգնություն) - ↑ «Obdarowani kinomani: 10 tys. zł dla Kalinowskich». Gazeta.pl Poznań. Վերցված է 2012 թ․ հունիսի 7-ին.
- ↑ 11,0 11,1 «Kinomaniacy obejrzeli dziesięciotysięczny film». epoznan.pl. 29 listopada 2008. Վերցված է 2012 թ․ հունիսի 7-ին.
- ↑ «Laureaci festiwali OFF CINEMA». Centrum Kultury Zamek. Վերցված է 2012 թ․ հունիսի 7-ին.
- ↑ JEDEN DZIEŃ BLIŻEJ KINA
- ↑ «Tadeusz Kalinowski – o autorze». Fundacja Artystyczna im. Tadeusza Kalinowskiego. Վերցված է 2012 թ․ հունիսի 12-ին.