Մարդու իրավունքների տեղեկատվական կենտրոն
Մարդու իրավունքների տեղեկատվական կենտրոն (ՄԻՏԿ, էստ․՝ Inimõiguste Teabekeskus, անգլ.՝ The Legal Information Centre for Human Rights), էստոնական իրավապաշտպան կազմակերպություն։
| Մարդու իրավունքների տեղեկատվական կենտրոն | |
|---|---|
| Տեսակ | կազմակերպություն |
| Երկիր |  Էստոնիա |
| Հիմնադրված | 1994 |
| Գլխադասային գրասենյակ | Տալլին, Էստոնիա |
| Գլխավոր քարտուղար | Aleksei Semjonov? |
| Կայք | lichr.ee |
Պատմություն խմբագրել
ՄԻՏԿ-ը հիմնադրվել է 1994 թվականի մայիսի 2-ին՝ որպես ոչ առևտրային հասարակական կազմակերպություն։ 1994 թվականի սեպտեմբերի 7-ին կազմակերպությունն ընդգրկվել է ձեռնարկությունների, հիմնարկների և կազմակերպությունների պետական ռեգիստրում։
Մարդու իրավունքների կենտրոնի ստեղծումը մի շարք նախագծերից մեկն էր, որը ֆինանսավորվել է Դանիայի արտաքին գործերի նախարարության կողմից՝ DANIDA ծրագրի շրջանակներում և ուղղված էր Էստոնիայում ժողովրդավարության զարգացմանն ու փոքրամասնություններին էստոնական հասարակության մեջ ինտեգրման գործընթացին աջակցելուն։
ՄԻՏԿ-ի հիմնադրումը եղել է դանիական հասարակական կազմակերպությունների` Մարդու իրավունքների դանիական կենտրոնի (The Danish Centre for Human Rights, այժմ՝ The Danish Institute for Human Rights), Արևելյան Եվրոպայի տեղեկատվական կենտրոնի (Information Centre on Eastern Europe) և փոքրամասնությունների իրավունքների ազգային խմբի (Minority Rights Group-Denmark), Էստոնիայի հասարակական կազմակերպությունների, Էստոնիայի նախագահին առընթեր ազգային փոքրամասնությունների հիմնախնդիրների Կլոր սեղանի, ոչ Էստոնացի քաղաքացիների ներկայացուցչական վեհաժողովի, ինչպես նաև Տալլինի քաղաքապետարանի ակտիվ աջակցությամբ[1]։
2008 թվականին ՄԻՏԿ-ը դարձավ Մարդու իրավունքների պաշտպանության եվրոպական ասոցիացիայի անդամ[2]։ ՄԻՏԿ-ը մասնակցում է նաև ռասիզմի դեմ Եվրոպական ցանցի[3] և ԵՄ Հիմնարար իրավունքների գործակալության ներքո գործող Հիմնարար իրավունքների պլատֆորմին[4]։
Էստոնիայի ոստիկանության անվտանգության ծառայության 2007 թվականի զեկույցում Կենտրոնը համարվում է թշնամական կազմակերպություն, որը հրահանգներ ստանում է ռուս դիվանագետներից և գիտնականների կողմից «գիտական հետազոտություններ» է իրականացնում «առանց հատուկ կրթության»։ Կենտրոնը հերքում է այդ մեղադրանքները՝ մատնանշելով իր աշխատակիցների գիտական որակավորումները, անհիմն մեղադրանքներ համարելով ռուս դիվանագետներից հրահանգներ ստանալը և ուղղակի ոչ ստույգ KAPO-ի այն պնդումը, որ կազմակերպության անդամների կեսից ավելին «Սահմանադրական կուսակցության» անդամ են։
Amnesty International-ն իր 2010 թվականի զեկույցում նշել է.
|
Ապրիլին հրապարակված զեկույցում, Անվտանգության ոստիկանության վարչությունը շարունակեց իր ջանքերը՝ վարկաբեկելու Մարդու իրավունքների տեղեկատվական կենտրոնը (ՄԻՏԿ), հասարակական կազմակերպություն, որը նվիրված է լեզվական փոքրամասնությունների իրավունքների ամրապնդմանը և պաշտպանմանը։ Զեկույցում նշվում է, որ Մարդու իրավունքների կենտրոնի տնօրեն Ալեքսեյ Սեմենովը 2009 թվականին դառնալու է ռուսամետ թեկնածու Եվրախորհրդարանի համար, որ ինքը Սահմանադրական կուսակցության անդամ է, ներկայացնում է փոքրամասնությունների շահերը, և որ իր գործունեությունը ֆինանսավորվել և ուղղորդվել է Ռուսաստանի իշխանությունների կողմից։ Միևնույն ժամանակ, Ալեքսեյ Սեմենովը մարտի 20-ին հրապարակավ հայտարարեց, որ մտադիր չէ մասնակցել Եվրախորհրդարանի ընտրություններին։ | 
|
Համացանցում հրապարակված պաշտոնական տեղեկատվության համաձայն, նա Սահմանադրական կուսակցության անդամ չէ և չի գրանցվել եվրոպական ընտրություններին մասնակցելու համար` որպես որևէ կուսակցության անկախ թեկնածու[5]։
Մարդու իրավունքների եվրոպական դատարանում ՄԻՏԿ-ը մասնակցել է «Տարկոևը և մյուսներն ընդդեմ Էստոնիայի»[6], «Կորոբովը և մյուսներն ընդդեմ Էստոնիայի»[7] և «Տալին ընդդեմ Էստոնիայի» դատավարություններին[8]։
Նպատակներ խմբագրել
Մարդու իրավունքների կենտրոնն իր գործունեությունն իրականացնում է համաձայն ռազմավարական ծրագրի կանոնադրության, որը մշակվել է 1997 թվականին՝ Մարդու իրավունքների դանիական կենտրոնի մասնակցությամբ։ Ռազմավարական ծրագրի համաձայն սահմանվել են Մարդու իրավունքների զարգացման կենտրոնի հիմնական նպատակները և գործունեության ուղղությունները։
ՄԻՏԿ-ի գործունեության հիմնական ուղղություններն են` մարդու իրավունքների պաշտպանությունը, մարդու իրավունքի բնագավառում իրավաբանական ուսուցումը, արդարադատության մատչելիության ապահովումը, իրավաբանական աջակցությունը, հասարակության մեջ ինտեգրման և միջազգային երկխոսության խթանումը, ինչպես նաև մարդու իրավունքների հետ կապված իրավիճակի վերլուծությունը, ազգային փոքրամասնությունների իրավունքները և էստոնական օրենսդրության մոնիտորինգը։
Ծանոթագրություններ խմբագրել
- ↑ «Центр информации по правам человека - Главная». Արխիվացված է օրիգինալից 2010 թ․ դեկտեմբերի 19-ին. Վերցված է 2010 թ․ դեկտեմբերի 21-ին.
- ↑ «AEDH: Member Leagues». Արխիվացված է օրիգինալից 2010 թ․ ապրիլի 26-ին. Վերցված է 2010 թ․ դեկտեմբերի 24-ին.
- ↑ Member organisations in Estonia Արխիվացված 2010-07-07 Wayback Machine
- ↑ Organisations participating in the Fundamental Rights Platform Արխիվացված 2011-01-22 Wayback Machine
- ↑ AMNESTY INTERNATIONAL REPORT 2010: THE STATE OF THE WORLD'S HUMAN RIGHTS p. 139
- ↑ CASE OF TARKOEV AND OTHERS v. ESTONIA
- ↑ Постановление Палаты ЕСПЧ по делу «Коробов и др. против Эстонии» см. пкт. 154
- ↑ CASE OF TALI v. ESTONIA