Մարգարետ Բարնարդ
Մարգարետ Հելեն Բարնարդ (անգլ.՝ Margaret Helen Barnard, 1898[1], Բենգալիա - 1992[1]), նկարչուհի և լինոփորագրությունների հեղինակ։ Բարնարդը ծնվել է Բենգալիայում, որտեղ իր հայրը ծառայում էր Հնդկաստանի ոստիկանական ուժերում։ Յոթ տարեկանում նա վերադարձել է Բրիտանիա` կրթություն ստանալու համար և հաճախել է Բաթի ավագ դպրոց, ինչպես նաև` Սուրբ Լեոնարդի դպրոց[3]։
Մարգարետ Բարնարդ | |
|---|---|
| Ծնվել է | 1898[1] |
| Ծննդավայր | Բենգալիա |
| Վախճանվել է | 1992[1] |
| Քաղաքացիություն | .svg){kind=small} Միացյալ Թագավորություն[2] |
| Կրթություն | Grosvenor School of Modern Art? |
| Մասնագիտություն | նկարչուհի |
| Թեմաներ | գեղանկարչություն |
Բարնարդը 1917-1923 թվականներին սովորել է Գլազգոյի արվեստի դպրոցում[4]։ Այնուհետև նա տեղափոխվել է Լոնդոն, որտեղ նա հաճախել է Գրոսվեմորի Ժամանակակից արվեստի դպրոց իր տարեկից Սիբիլ Անդրյուսի հետ, նրանց դասավանդել է Քլաուդի Ֆլայթը։
1924 թվականին նա ամուսնացել է նկարիչ Ռոբերտ Ջորջ Սենգ Մաքեչինի հետ, որը 1927 թվականին պետք է դառնար բրիտանական «Յոթ և հինգ միություն» արվեստի խմբի անդամ[4]։
Զույգը մի քանի տարի ապրել է Իտալիայում, հետո նրանք տեղափոխվել են Ռայ։
Երկրորդ համաշխարհային պատերազմի ընթացքում նա եղել է շտապ օգնության վարորդ, հող է մշակել և նապաստակներ պահել. նա վերսկսել է նկարչությունը պատերազմի ավարտից հետո և շարունակել է ցուցադրվել Թագավորական ակադեմիայում մինչև իր մահը[3]։
1990 թվականին նա իր սեփական և իր ամուսնու, ինչպես նաև` իրենց անձնական հավաքածուում գտնվող ուրիշ նկարիչների աշխատանքները հանձնել է Ռեյի Արվեստի Պատկերասրահին[5]։
Բարնարդը մահացել է 1992 թվականին։
Ծանոթագրություններ խմբագրել
- ↑ 1,0 1,1 1,2 1,3 1,4 Art UK painters database
- ↑ http://www.aucklandartgallery.com/explore-art-and-ideas/artist/2445/
- ↑ 3,0 3,1 «Margaret Barnard | Limited Edition Prints | Bookroom Art Press». Bookroom Art Press (ամերիկյան անգլերեն). Վերցված է 2018 թ․ օգոստոսի 5-ին.
- ↑ 4,0 4,1 «Robert George Sang Mackechnie and Margaret Helen Barnard - GSA Archives & Collections». GSA Archives & Collections (ամերիկյան անգլերեն). 2018 թ․ ապրիլի 23. Վերցված է 2018 թ․ օգոստոսի 5-ին.
- ↑ «About The Collection - Rye Art Gallery». www.ryeartgallery.co.uk (անգլերեն). Վերցված է 2018 թ․ օգոստոսի 5-ին.