Մասնակից:Susanna Nahapetyan/Բրենտա (գետ)
Բրենտա | |
---|---|
Բնութագիր | |
Երկարություն | 174 |
Ջրի ծախս | 78 |
Ջրահոսք | |
Ակունքի տեղակայում | 46/0/26/N/11/15/58/E |
Բարձրություն | 450 մ |
Գետաբերան | Ադրիատիկ ծով |
Գետաբերանի տեղակայում | 45/11/0/N/12/19/0/E |
Տեղակայում | |
Երկիր | Իտալիա |
Բրենտա (իտալ.՝ Brenta), գետ Իտալիայում, որի հոսքը սկսվում է Տրենտո գավառում և ավարտվում Ադրիատիկ ծովում[1]։ Տրենտինո Ալտո Ադիջե շրջանում գետը առաջացնում է համանուն գետահովիտ։ Բրենտան թափվում է Վենետոյի շրջանում գտնվող Վենետիկյան ծովածոցը։ Երկարությունը 174 կմ է[2], ավազանի մակերեսը՝ 1600 կմ²։
Հռոմեական կայսրության ժամանակաշրջանում գետը կոչվում էր Մեդոակուս (լատին․՝ Medoacus) և Պադովայից ոչ հեռու այն բաժամվում էր 2 թևի՝ Մեդոակուս Մայոր և Մեդոակուս Մինոր։ Միջին դարերում գետը փոխել է իր ընթացքը և Պադովայով անցնող նրա հունը զբաղեցվել է Բակիլոնե գետի կողմից։
XVI դարում գետից տարվել է առաջին ջրանցքը, որը գնում էր Ստրա գյուղից մինչև Ադրիատիկ ծով՝ շրջանցելով Վենետիկական ծովածոցը։ Երկրորդ ջրանցքը,որը հաճախ անվանում են Ռիվյերա-դել-Բրենտա (իտալ.՝ Riviera del Brenta), կառուցվել էր Վենետիկն ու Պադովան (որը, ըստ էության, Վենետիկի հանրապետության երկրորդ մայրաքաղաքն էր հանդիսանում) իրար միացնելու համար։
Բրենտան եղել է շատ կարևոր տրանսպորտային զարկերակ։ Ինչպես գետի, այնպես էլ Ռիվյերա-դել-Բրենտայի ափին կանգնած են Ֆոսկարի և Պիզանի վիլլաները և բազում այլ պալատներ և առանձնատներ, ուր ամառվա ամիսներին գնում էին Վենետիկի հարուստ բնակիչները։
Բասանո դել Գրապայում գետը հատվում է Անդրեա Պալլադիոյի կողմից 1596 թվականին նախագծված Պոնտե Վեկյոն կամ Ալպինի կամուրջով։
Գրականության մեջ խմբագրել
Ռուս գրականության մեջ Բրենտան գովերգել է Պուշկինը, ում այդ անունը ծանոթ էր իտալացի հեղինակների ստեղծագործություններից[3], իսկ Վլադիսլավ Խոդասևիչը իր Բրենտա կատարած այցելությունից հիասթափված՝ Պուշկինին ուղղված բանաստեղծական պատասխանում այն անվանել է «շիկակարմիր գետակ» և «կեղծ գեղեցկության օրինակ»։
Ծանոթագրություններ խմբագրել
- ↑ «Брента, река». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.
{{cite book}}
: CS1 սպաս․ location missing publisher (link) - ↑ Брента հոդվածը Սովետական մեծ հանրագիտարանում
- ↑ Проект «Евгений Онегин» Արխիվացված է Ապրիլ 14, 2009 Wayback Machine-ի միջոցով: