Մասնակից:Son Melkumyan/Ավազարկղբասրայիթանգարան

Բասրայի թանգարան (արաբ․՝ متحف البصرة‎‎), թանգարան Իրաքի Բասրա քաղաքում, տեղակայված է Սադդամ Հուսեյնի նախկին պալատում։ Թանգարանի հավաքածուն ընդգրկում է միջագետքյան, բաբելոնյան, պարսկական քաղաքակրթություններ, ինչպես նաև Բասրա քաղաքի պատմությունը^[1]։ Բասրայի թանգարանի պաշտոնական բացումը տեղի է ունեցել 2019 թվականին^[2]։ Բասրայի Հնությունների և ժառանգության բաժնի տնօերն Քահթան Ալ Աբիդը մշտական համագործակցության մեջ է Մշակույթի նախարարության համապատասխան կոմիտեների հետ։

Պատմություն խմբագրել

Թանգարանը փակվեց 1991 թվականին, այն բանից հետո, երբ Ծոցի առաջին ճգնաժամից դժգոհ ամբոխը Սադդամ Հուսեյնի դեմ իրականացվող ցույցերի ժամանակ ներխուժեց և թալանեց մի շարք թանգարաններ^[2]։ Բասրայի թանգարանի առաջին պատկերասրահը բացվեց 2016 թվականի սեպտեմբերին Բասրայի թանգարանի ընկերները կազմակերպության աջակցությամբ։ Թանգարանի վերաբացմանը նպաստեց և ներդրումներ իրականացրեց նաև Բրիտանական դեսպանատունը Մշակույթի, մեդիայի և սպորտի դեպարտամենտի հետ միասին^[3]։ Լոնդոնի Բրիտանական թանգարանը մեկն էր Արևմտյան այն կազմակերպություններից, որոնք նպաստեցին Բասրայի թանգարանի գործունեության վերսկսմանը 2010 թվականին^[4]։

Թանգարանը պաշտոնապես բացել է իր դռները այցելուների համար 2019 թվականի մարտին 3 նոր ցուցասրահներով՝ Բաբելոնի, Շումերական և Ասորեստանի։ Իրաքի թանգարանի և Բասրայի թանգարանի համագործակցության արդյունքում մ․թ․ա․ 6-րդ հազարամյակով թվագրվող հազարավոր ցուցանմուշներ վերադարձան երկրի հարավային հատված։ Այժմ ցուցադրվում են գտածոներ, որոնք ներառված են եղել թանգարանի հավաքածուի մեջ՝ մինչ 1991 թվականին փակվելը^[2]։ Ցուցանմուշները ներկայացված են և՛ արաբերեն և՛ անգլերեն վերնագիր-պիտակներով․ երկլեզու ներկայացումը նախաձեռնել է Քահթան Ալ Աբիդը Իրաքյան հետազոտությունների բրիտանական ինստւտուտի հետ միասին։

Ծանոթագրություններ խմբագրել

↑ «Friends of Basrah Museum». friendsofbasrahmuseum.org.uk. Վերցված է 2023-05-10-ին. {{cite web}}: Cite has empty unknown parameter: |1= (օգնություն)
↑ ^2,0 ^2,1 ^2,2 Aldroubi, Mina (2019-03-21). «Basra Museum opening sparks hopes of cultural revival in post-war Iraq». The National (անգլերեն). Վերցված է 2023-05-10-ին.
↑ Haq, Husna. «A new use for Saddam Hussein's palace». www.bbc.com (անգլերեն). Վերցված է 2023-05-10-ին.
↑ «The completion of the new Basrah Museum». British Council.

[1] «Friends of Basrah Museum». friendsofbasrahmuseum.org.uk. Վերցված է 2023-05-10-ին. {{cite web}}: Cite has empty unknown parameter: |1= (օգնություն)

[mina-2] 2,0 ^2,1 ^2,2 Aldroubi, Mina (2019-03-21). «Basra Museum opening sparks hopes of cultural revival in post-war Iraq». The National (անգլերեն). Վերցված է 2023-05-10-ին.

[3] Haq, Husna. «A new use for Saddam Hussein's palace». www.bbc.com (անգլերեն). Վերցված է 2023-05-10-ին.

[4] «The completion of the new Basrah Museum». British Council.

[1]

[2]

[3]

[4]