Tear in My Heart, Twenty One Pilots ամերիկյան դուետի գրած և ձայնագրած երգ՝ Blurryface չորրորդ ստուդիական ալբոմի համար[4]: Այն թողարկվել է 2015 թվականի ապրիլի 6-ին, իսկ ռադիոյում նույն թվականի ապրիլի 14-ին[5]:
Tear in My Heart երգի երաժշտական տեսահոլովակը YouTube-ում ներբեռնվել է 2015 թվականի ապրիլի 6-ին: Տեսահոլովակի ռեժիսորը դարձավ Մարկ Քլասֆելդը: Բացի խմբի երկու անդամներից տեսահոլովակում հայտնվում է Թայլեր Ջոզեֆի կինը՝ Ջեննան, ում հետ նա ամուսնացել էր նախորդ ամիս:
Tear in My Heart երգի երաժշտական տեսահոլովակում ցուցադրվում է, թե ինչպես են Ջոզեֆը և Ջոշ Դանը ելույթ ունենում Չայնա Թաունում, Լոս Անջելես: Մարդիկ սկզբում չեն նկատում նրանց, սակայն երբ Ջոզեֆը երգում է երգի առաջին երկու տողերը մարդիկ կամաց-կամաց սկսում են նկատել: Ջոզեֆին և Դանին շրջապատող շինությունները սկսում են քանդվել: Այնուհետև Ջոզեֆը նկատում է իր կնոջը ամբոխի մեջ և սկսում հետևել նրան նրբանցքներով և ռեստորաններով: Ջեննան երգում է.«երբեմն դու պետք է արյունահոսես, իմանաս, որ դու կենդանի ես և հոգի ունես, բայց ինչ, որ մեկը պետք է գա ու ցույց տա քեզ»(sometimes you've got to bleed and know/that you're alive and have a soul,but it takes someone to come around/to show you how): Ջեննան սկսում է խեղդել և բռունցքներով ծեծել նրան: Բայց երբ արդեն Ջոզեֆը սկսում է արյունահոսել նա բարձրացնում է նրան և համբուրում:
Twenty One Pilots-ը կատարել է DJ SoySauce-ի Tear in My Heart-ի ռեմիքսը Emotional Roadshow շրջագայության ժամանակ Օհայո նահանգում՝ դա շարունակվել է ամբողջ տուրի ժամանակ: