Մասնակից:Gevorg Ghazaryan/Մագդալենա Վալերիո
Gevorg Ghazaryan/Մագդալենա Վալերիո | |
Մագդալենա Վալերիո Կորդերո (իսպ.՝ Magdalena Valerio Cordero, ), իսպանացի փաստաբան և քաղաքական գործիչ, Իսպանիայի սոցիալիստական բանվորական կուսակցության անդամ: 2018 թվականի հունիսի 7-ից մինչև 2020 թվականի հունվարի 13-ը Պեդրո Սանչեսի կառավարաությունում եղել է Աշխատանքի, միգրացիոն քաղաքականության և սոցիալական ապահովության նախարար:
Կենսագրություն խմբագրել
Մագդալենա Վալերիո Կորդերոն ծնվել է 1959 թվականի սեպտեմբերի 27-ին Կասերեսում[1]: Մագդալենա Վալերիոն ուսումնասիրել է իրավագիտություն, 1985 թվականին ավարտել է Մադրիդի Կոմպլուտենսեի համալսարանը։ 1989 թվականից բնակվում է Գուադալախարայում։ Գուադալախարայում զբաղեցրել է զբաղվածության և սոցիալական ապահովության տարբեր պետական պաշտոններ։ 1999 թվականի ավագանու ընտրություններում ընտրվել է Գուադալախարայի քաղաքապետարանի խորհրդական, 2003 թվականին նշանակվել է քաղաքապետի տեղակալ, և տնտեսության և ֆինանսների հարցերով խորհրդական: 2005 թվականի սեպտեմբերին Վալերիոն ընտրվել է Կաստիլիայի կառավարության աշխատանքի և զբաղվածության հարցերով խորհրդական, 2007 թվականին՝ զբոսաշրջության և արհեստների հարցերով խորհրդական: 2008 թվականի սեպտեմբերին զբաղեցրել է պետական կառավարման և արդարադատության հարցերով խորհրդականի պաշտոնը։ Կաստիլիա-Լա Մանչայի ինքնավար պրովինցիայի խորհրդարանական ընտրություններում Վալերիոն գլխավորել է Իսպանիայի սոցիալիստական բանվորական կուսակցության Գուադալախարայի ընտրաշրջանի ընտրական ցուցակը և ստացել է Կաստիլիա-Լա Մանչայի կորտեսների պատգամավորի մանդատ[2]:
2008 թվականի հուլիսին Մագդալենա Վալերիոն ընտրվել է Իսպանիայի սոցիալիստական բանվորական կուսակցության Կաստիլիա-Լա-Մանչայի տարածաշրջանային գործադիր հանձնաժողովի կազմում և նույն թվականի հոկտեմբերին[3]՝ Գուադալախարա քաղաքի հարցերով Իսպանիայի սոցիալիստական բանվորական կուսակցության մունիցիպալ գործադիր հանձնաժողովի գլխավոր քարտուղար։ 2011 թվականի խորհրդարանական ընտրություններում Վալերիոն գլխավորել է Իսպանիայի սոցիալիստական բանվորական կուսակցության Գուադալախարայի ընտրաշրջանի ընտրական ցուցակը և Իսպանիայի պատգամավորների Կոնգրեսում մանդադ է ստացել[4]:
2018 թվականի հունիսին Պեդրո Սանչեսի կառավարությունում Մագդալենա Վալերիոն նշանակվել է աշխատանքի նախարար[5][6][6][7]։
Ծանոթագրություններ խմբագրել
- ↑ Valerio Cordero, Magdalena
- ↑ MAGDALENA VALERIO CORDERO
- ↑ Magdalena Valerio, una fiel a Pedro Sánchez para el Ministerio de Trabajo
- ↑ Magdalena Valerio, nueva ministra de Trabajo
- ↑ Magdalena Valerio, nueva ministra de Trabajo en el Gobierno de Pedro Sánchez
- ↑ 6,0 6,1 Real Decreto 357/2018, de 6 de junio, por el que se nombran Ministros del Gobierno
- ↑ Los 17 del "Consejo de Ministras y Ministros" de Sánchez prometen ante el Rey
Արտաքին հղումներ խմբագրել
- Магдалена Валерио на сайте Конгресса депутатов Испании(իսպ.)
- Магдалена Валерио на сайте министерства труда Испании(իսպ.)
Կատեգորիա:Մադրիդի Կոմպլուտենսե համալսարանի շրջանավարտներ Կատեգորիա:Իսպանացի քաղաքական գործիչներ Կատեգորիա:21-րդ դարի կին քաղաքական գործիչներ Կատեգորիա:Փաստաբաններ Կատեգորիա:Իսպանացի իրավաբաններ