Մասնակից:Մարինե Հակոբյան/Ավազարկղ5
Իվտո[1] (ֆր.՝ Yvetot), քաղաք Ֆրանսիայի հյուսիսում՝ Նորմանդիայի շրջանի ծովամերձ Սեն դեպարտամենտի Ռուան շրջանի կենտրոնում։ Համանուն կանտոնի կենտրոնն է։ Տեղակայված է Ռուանից 37 կմ հյուսիս-արևմուտք և Դեպ քաղաքից 49 կմ հարավ-արևմուտք՝ A29 և A150 մայրուղիների խաչմերուկից 3 կմ հեռավորության վրա։ Քաղաքի կենտրոնում է գտնվում Փարիզ-Հավր գծի Իվտո երկաթուղային կայարանը։
Բնակչության թիվը 2018 թվականի դրությամբ 11 627 մարդ է։
Պատմություն
խմբագրելԻվտոյի անվան ծագումը պարզ չէ, սակայն փաստագրված է, որ 14-16-րդ դարերում տեղի իշխաններին կոչում էին Իվտոյի թագավորներ։ Իվտոն առաջին անգամ հիշատակվել է 1021 թվականին այն հողերի թվում, որոնք դուքս Ռիչարդ II-ը նվիրաբերել է Սեն-Վադրիլի աբբայությանը։ Իվտոն հիշատակվում է նաև ուտոպիստ փիլիսոփա Ժան Մելիեի Կտակարանում։ Այնտեղ ասվում է, որ տեղի թագավորը միակն է, որը լեռից տեսնում է իր ամբողջ թագավորությունը:
17-րդ դարում Իվտո քաղաքը ծաղկում է ապրել շնորհիվ առևտրային արտոնություների և այստեղ բացված ջուլհակների գործարաների։ 1940 թվականին գրեթե ամբողջությամբ ավերվել է և վերակառուցվել Երկրորդ համաշխարհային պատերազմից հետո։
Տեսարժան վայրեր
խմբագրել- Իվտոյում է գտնվում ժամանակակից Սուրբ Պետրոս եկեղեցին, որը կառուցվել է 1949-1956 թվականներին՝ 1940 թվականին ավերված հին եկեղեցու տեղում։ 1046 մ² մակերեսով վիտրաժը ամենամեծն է Եվրոպայում։
- Այստեղ է գտնվում նաև Փղոսկրյա իրերի թանգարանը։
- Դյուֆե առանձնատունը կառուցվել է 1612թվականին։ Ներկայումս այն համերգների և թատերական փառատոնների անցկացման վայր է։
Տնտեսություն
խմբագրելԲնակչության զբաղվածության կառուցվածքը․
- գյուղատնտեսություն - 0,6%
- արդյունաբերություն - 5,1%
- շինարարություն - 4,6%
- առևտուր, տրանսպորտ և ծառայություններ - 46,7%
- պետական և քաղաքային ծառայություններ - 43,1%
2017 թվականի տվյալներով՝ գործազրկության մակարդակը 13,6% է (Ֆրանսիայում՝ 13,4%, Պրիմորսկայա Սենա դեպարտամենտում՝ 15,3%)։ Ըստ 2018 թվականի տվյալների՝ տարեկան միջին եկամուտը մեկ անձի համար 20 130 եվրո է (Ֆրանսիայում՝ 21 730, Պրիմորսկայա Սենա դեպարտամենտում՝ 21 140)։
Ժողովրդագրություն
խմբագրելԲնակչության դինամիկա, մարդ
Վարչություն
խմբագրել2008 թվականից Իվտոյի քաղաքապետի պաշտոնը զբաղեցնում է սոցիալիստ Էմիլ Կանյուն (Émile Canu)։ 2020 թվականի ավագանու ընտրություններում նրա գլխավորած ձախ ցուցակը հաղթել է 1-ին փուլում՝ ստանալով ձայների 56,70%-ը:
Ժամկետ | Ազգանուն | Կուսակցություն | Նշումներ | |
---|---|---|---|---|
1959 | 1995 | Պիեռ Բոբ | Արմատական կուսակցություն Արմատական ձախ կուսակցություն |
բժիշկ,
Վարչության գլխավոր խորհրդի անդամ |
1995 | 2008 | Ֆիլիպ Դեկյուլտո | Տարբեր իրավունքներ | բժիշկ,
Վարչության գլխավոր խորհրդի անդամ |
2008 | Էմիլ Կանյու | Սոցիալիստական կուսակցություն | ուսմասվար,
Վարչության գլխավոր խորհրդի անդամ |
Հայտնի բնիկներ
խմբագրել- Ռայմոնդ Դելանդ (1825-1890)՝ դրամատուրգ, բեմադրիչ և Փարիզի Վոդևիլ թատրոնի ռեժիսոր
Ծանոթագրություններ
խմբագրել- ↑ Атлас мира / сост. и подгот. к изд. ПКО «Картография» в 2009 г. ; гл. ред. Г. В. Поздняк. — М. : ПКО «Картография» : Оникс, 2010. — С. 56. — ISBN 978-5-85120-295-7 (Картография). — ISBN 978-5-488-02609-4 (Оникс).