Վիքիպեդիա

Մասնակից:Էմմա Գրիգորյան/Ավազարկղ19

< Մասնակից:Էմմա Գրիգորյան

Վալենտին Յուդաշկին (), խորհրդային և ռուս նկարիչ-մոդելավորող, Ռուսաստանի ժողովրդական նկարիչ (2005)[1], Ռուսաստանի գեղարվեստի ակադեմիայի ակադեմիկոս։

Կենսագրություն խմբագրել

Ծնվել է 1963 թվականի հոկտեմբերի 14-ին Մոսկվայի մարզի Բակովկա ավանում։ Սովորել է № 8 միջնակարգ դպրոցում։

 
2009 թվականի մարտի 8-ին նոր հավաքածուի ներկայացմանը

1986 թվականին գերազանց առաջադիմությամբ ավարտել է Մոսկվայի արդյունաբերական տեխնիկումը (ունի երկու դիպլոմ՝ «Կոստյումի պատմություն» և «Դիմահարդարում և դեկորատիվ կոսմետիկա»)[2]։

1991 թվականին Փարիզում ներկայացվել է Յուդաշկինի առաջին հավաքածուն, որը բաղկացած էր 150 մոդելից (ստեղծվել է ավելի վաղ՝ 1987 թվականին)[3]։

2008 թվականին մասնակցել է ՌԴ ԶՈՒ զինծառայողների համար համազգեստի ձևանմուշների մշակմանը։ Մամուլը հաճախ նոր համազգեստը սխալմամբ անվանում է «յուդաշկինի», չնայած որ նա, նորաձևության դիզայներ Իգոր Չապուրինի հետ նախագծել էր միայն շքերթային համազգեստը, իսկ ամենօրյա, դաշտային և հատուկ համազգեստով զբաղվել են տեքստիլ արդյունաբերության կենտրոնական գիտահետազոտական ինստիտուտը, կաշվի և կոշիկի կենտրոնական գիտահետազոտական ​​ինստիտուտը, ինչպես նաև Պաշտպանության նախարարության հերալդիկ բաժինը և ՌԴ զինված ուժերի զորամասերը[4]։

2010 թվականի հուլիսի 30-ին Յուդաշկինը դարձել է «Առաջին ալիք»-ի «Նորաձևության դատավճիռ» շոուի հաղորդավարը՝ ի պատիվ հաղորդման տարեդարձի[5]։

2012 թվականի փետրվարի 6-ին Յուդաշկինը պաշտոնապես գրանցվել է որպես Ռուսաստանի Դաշնության նախագահի թեկնածու Վլադիմիր Պուտինի վստահված անձ[6]։

2012 թվականի փետրվարից Յուդաշկինն ընտրվել է Ռուսաստանի պարային սպորտի միության նախագահ[7], իսկ ապրիլից դարձել է «Ոճ և նորաձևություն» շուրջօրյա հեռուստաալիքի գլխավոր խմբագիրը[8]։

Բրենդներ խմբագրել

«Yudashkin Jeans»[9] (Յուդաշկին ջինս) ապրանքանիշը casual ոճի հագուստի ցանց է, որը թողարկվում է Վալենտին Յուդաշկինի ռուսական Նորաձևության տան կողմից։ Դիզայներն իր առաջին հավաքածուն ստեղծել է 1987 թվականին։ Յուդաշկինը իսկական հաջողության է հասել «Ֆաբերժե» (1991) հավաքածուի շնորհիվ[10], որը ցուցադրվել է Փարիզում՝ Բարձր նորաձևության շաբաթվա շրջանակներում։ Այս հավաքածուի ցուցադրությունից հետո դիզայները լայն ճանաչում է ստացել ոչ միայն Ռուսաստանում, այլև ողջ աշխարհում։ Հանրությունը ոգևորությամբ է ընդունել Ֆաբերժեի ձվերի զգեստները։ Այդ զգեստներից մեկը հետագայում փոխանցվել է Լուվրին[11]։

1994 թվականին բրենդը թողարկել է «pret-a-porte» առաջին հավաքածուն[12]։ 1995 թվականին կայացել է բրենդի առաջին օծանելիքի շնորհանդեսը[13]։

1996 թվականին «Valentin Yudashkin» նորաձևության տունը ստացել է Փարիզի բարձր նորաձևության սինդիկատի թղթակից-անդամի կարգավիճակ[13]։

1997 թվականին Մոսկվայում բացվել է «Valentin Yudashkin» առաջին բուտիկը[12].

Այժմ Վալենտին Յուդաշկինի նորաձևության տունը Ռուսաստանում առաջատարներից մեկն է[14]։ Ընկերությունն ունի բրենդային բուտիկների ցանց, դիզայների ցուցադրությունները անցկացվում են Փարիզում, Միլանում, Նյու Յորքում և Մոսկվայու[15]։ Յուդաշկինի աշխատանքները Լուվրի կոստյումի թանգարանի, Մոսկվայի պետական պատմական թանգարանի, Կալիֆոռնիայի նորաձևության թանգարանի ցուցանմուշներն են[14]։

2016 թվականին «Valentin Yudashkin» նորաձևության տունը դարձել է Ֆրանսիայի ֆեդերացիայի բարձր նորաձևության, «pret-a-porte»-ի և մոդելավորողների լիիրավ անդամ: Սա ռուսական նորաձևության արդյունաբերության առաջին բրենդն է, որն արժանացել է այդ անդամակցությանը[16]։

2017 թվականին եղել է «Faberlic 2017»-ի գարնանային հավաքածուի (Faberlic by Valentin Yudashki) հեղինակը[17]։

Աշխատանք կինոյում խմբագրել

Կինոյում միակ դերը կամեոյի կարգավիճակով «Մոսկովյան գեղեցկուհիները» ֆիլմի գեղեցկության մրցույթի ժյուրիի դերն է։

Քննադատություն խմբագրել

2008 թվականին Յուդաշկինը Ռուսաստանի Պաշտպանության նախարարության համար պատրաստել է նոր ռազմական համազգեստ[18]։ 2010 թվականի դեկտեմբերին հիպոթերմիայի արդյունքում հոսպիտալացվել է Կեմերովոյի մարզում գտնվող 160-250 զինծառայող, որի պատճառը ըստ որոշ աղբյուրների, նոր համազգեստն է եղել[19][20]։ Սակայն ՌԴ Զինված ուժերի գլխավոր շտաբը, ի դեմս բանակի գեներալ Նիկոլայ Մակարովի, հերքել է[21] այդ տեղեկությունը։ Այնուամենայնիվ, հայտնաբերվել է բարձրորակ «հոլոֆայբեր» մեկուսացման փոխարինում էժանագին սինթետիկ անալոգներով[22]։ Ընդ որում, համազգեստի մոդելավորողը որևէ առնչություն չունի այդ համազգեստի արտադրության հետ:

2011 թվականին պաշտպանության նախարարությունը մերժել է Յուդաշկինի մշակած համազգեստը՝ նյութերի ցածր որակի և վատ ֆունկցիոնալության պատճառով[23]։ Ստուգումն անցկացրել է Ռուսաստանի Դաշնության գլխավոր ռազմական դատախազությունը: Յուդաշկինը պնդել է, որ համազգեստը փոխվել է առանց իր իմացության, և վերջնական տարբերակը ոչ մի կապ չունի իր հետ[24][25]։

Ընտանիք խմբագրել

  • Հայր՝ Աբրամ Իոսիֆի Յուդաշկին (1937- մահացել է 1990-ական թվականների վերջին)[26], «Ճիշտ» հրատարակչության բանվոր[2]
  • Մայր՝ Ռաիսա Պետրոսի Յուդաշկին (ծնվել է 1945 թվականին), Յուդաշկինի տան պատրաստի զգեստի բաժնի վարիչ[2]
  • Եղբայր՝ Եվգենի Աբրամի Յուդաշկին[2]
  • Կին՝ Մարինա Վլադիմիրի Յուդաշկին (ծննդյամբ՝ Պատալովա) (ծնվել է 1958 թվականի դեկտեմբերի 2-ին), Յուդաշկինի տան գլխավոր մենեջեր
    • Աղջիկ՝ Գալինա Վալենտինի Յուդաշկին (ծնվել է 1990 թվականի դեկտեմբերի 22-ին), լուսանկարիչ
      • Փեսա՝ Պետրոս Մաքսիմի Մակսակով (ծնվել է 1990 թվականի հունվարի 5-ին), բիզնեսմեն, «Valentin Yudashkin» նորաձևության տան բիզնես խորհրդատու, դերասանուհի Լյուդմիլա Մակսակովի թոռը[27]
      • Թոռ՝ Անատոլի Պետրոսի Մակսակով (ծնվել է 2016 թվականին)[28]
      • Թոռ՝ Արկադի Պետրոսի Մակսակով (ծնվել է 2018 թվականին)[29]

Մրցանակներ խմբագրել

 

«Հայրենիքին մատուցած ծառայությունների համար» 3-րդ աստիճանի շքանշանով պարգևատրման արարողություն,
2019 թվականի մայիսի 23
  • «Հայրենիքին մատուցած ծառայությունների համար» 3-րդ աստիճանի շքանշան (նոյեմբերի 28, 2018)՝ ձեռք բերված աշխատանքային հաջողությունների, հասարակական ակտիվ գործունեության և երկարամյա բարեխիղճ աշխատանքի համար[30]։
  • «Հայրենիքին մատուցած ծառայությունների համար» 4-դ աստիճանի շքանշան (հոկտեմբերի 19, 2013)՝ հայրենական մշակույթի և արվեստի, հեռարձակման զարգացման գործում ունեցած մեծ ավանդի և երկարամյա բեղմնավոր գործունեության համար[31]։
  • Պատվավոր շքանշան (հոկտեմբերի 28, 2008)՝ Հայրենական մշակույթում ունեցած մեծ ավանդի և ռուսական նորաձևության զարգացման համար[32]։
  • Ռուսաստանի Դաշնության ժողովրդական նկարիչ (հունիսի 6, 2005)՝ կերպարվեստի և ռուսական նորաձևության զարգացման բնագավառում ունեցած մեծ վաստակի համար[33]։
  • Ռուսաստանի Դաշնության արվեստի վաստակավոր գործիչ (սեպտեմբերի 27, 1999)՝ Հայրենական նորաձևության զարգացման գործում ունեցած վաստակի համար[34]։
  • Ռուսաստանի Դաշնության կառավարության 2002 թվականի մրցանակ գիտության և տեխնիկայի բնագավառում (փետրվարի 18, 2003)՝ Ռուսաստանի կոնվերսիոն ձեռնարկություններում արտադրվող նախագծման համակարգչային տեխնոլոգիաների և բաց սարքավորումների հիման վրա հագուստի նախագծման և պատրաստման ավտոմատացված տեխնոլոգիաների ստեղծման և ներդրման համար[35]։
  • Պատվավոր Լեգեոնի շքանշանի ասպետ (2013)՝ ռուս-ֆրանսիական հարաբերությունների ամրապնդմանն ուղղված ջանքերի, նորաձևության մշակույթի զարգացման գործում անձնական ներդրման համար[36]։
  • Արվեստի և գրականության շքանշանի ասպետ՝ (Ֆրանսիա, 2007)[37]։
  • 2001 թվականին Ռուսաստանի բիզնեսի և ձեռներեցության ակադեմիայի «Դարին» բիզնես-հեղինակության ազգային մրցանակի դափնեկիր[38]։

Ծանոթագրություններ խմբագրել

  1. ↑ «В.Юдашкин доказал, что служил в армии». РБК. Վերցված է 2020-03-11-ին.
  2. ↑ 2,0 2,1 2,2 2,3 «Биография Валентина Юдашкина — статьи и новости на 7days.ru» (ռուսերեն). 7Дней.ру. Վերցված է 2020-03-11-ին.
  3. ↑ «Полвека модных традиций - Валентин Юдашкин отмечает 50-летний юбилей» (ռուսերեն). m24.ru. Վերցված է 2020-03-11-ին.
  4. ↑ «Военная форма» (ռուսերեն). Interfax.ru. Վերցված է 2020-03-11-ին.
  5. ↑ «Валентин Юдашкин: фото, биография, фильмография, новости - Вокруг ТВ» (անգլերեն). Вокруг ТВ. Վերցված է 2020-03-11-ին.
  6. ↑ Постановление ЦИК РФ № 96/767-6, 6 февраля 2012
  7. ↑ «Союз танцевального спорта России возглавил Валентин Юдашкин» (ռուսերեն). Российская газета. Վերցված է 2020-03-11-ին.
  8. ↑ Валентин Юдашкин возглавил новый телеканал «Стиль и мода»
  9. ↑ «Yudashkin Jeans: официальный сайт, каталог одежды и коллекции интернет-магазина YUDASHKIN JEANS*». www.adensya.ru. Վերցված է 2020-03-10-ին.
  10. ↑ «Парижский успех и платья для Лувра — главные победы Валентина Юдашкина» (ռուսերեն). РИА Новости. 20131014T1232+0400. Վերցված է 2020-03-11-ին.
  11. ↑ Юдашкин джинс
  12. ↑ 12,0 12,1 «Биография Валентина Юдашкина» (ռուսերեն). www.fashiontime.ru. Վերցված է 2020-03-11-ին.
  13. ↑ 13,0 13,1 «ЮДАШКИН Валентин Абрамович - биография, новости, фото, дата рождения, пресс-досье. Персоналии ГлобалМСК.ру». globalmsk.ru. Վերցված է 2020-03-11-ին.
  14. ↑ 14,0 14,1 «Юдашкин Валентин» (ռուսերեն). WORLD PODIUM. Վերցված է 2020-03-11-ին.
  15. ↑ «Биография Валентина Юдашкина» (ռուսերեն). РИА Новости. 20181014T0421+0300. Վերցված է 2020-03-11-ին.
  16. ↑ Ъ-Lifestyle-Новости — Дом Valentin Yudashkin стал членом Французской федерации высокой моды, прет-а-порте и модельеров
  17. ↑ «Коллекция by Valentin Yudashkin». 2017-03-06.
  18. ↑ Новая военная форма для ВС РФ от Юдашкина
  19. ↑ Более 150 солдат госпитализированы из-за формы от Юдашкина
  20. ↑ http://www.pravda.ru/news/accidents/13-12-2010/1060780-judashkin-0/
  21. ↑ Генштаб защитил модельера Юдашкина от клеветы: сотни солдат заморозили офицеры-разгильдяи
  22. ↑ Новую форму российской армии утеплили пиаром
  23. ↑ Армия отказала Юдашкину из-за гнилых ниток
  24. ↑ Юдашкин: «Форма, в которой мерзнут в армии, не имеет ко мне отношения»
  25. ↑ «Кутюрье и солдатье».
  26. ↑ http://ura-inform.com/ru/culture/2012/09/20/otets-modelera-valentina-judashkina-ubil-svoego-brata
  27. ↑ Максаков Петр Максимович биография
  28. ↑ «Жена Валентина Юдашкина показала умилительные фото 2-летнего внука с новогоднего утренника» (անգլերեն). Вокруг ТВ. Վերցված է 2020-03-11-ին.
  29. ↑ «Галина Юдашкина родила сына». ru.hellomagazine.com. Վերցված է 2016-04-05-ին.
  30. ↑ Указ Президента Российской Федерации от 28 ноября 2018 года № 674 «О награждении государственными наградами Российской Федерации»
  31. ↑ Указ Президента Российской Федерации от 19 октября 2013 года № 783 «О награждении государственными наградами Российской Федерации»
  32. ↑ «О награждении орденом Почета Юдашкина В.А.». pravo.gov.ru. Վերցված է 2020-03-11-ին.
  33. ↑ Указ Президента Российской Федерации от 6 июня 2005 года № 650 «О награждении государственными наградами Российской Федерации»
  34. ↑ «О присвоении почетного звания "Заслуженный деятель искусств Российской Федерации" Юдашкину В.А., Указ Президента РФ от 27 сентября 1999 года №1298». docs.cntd.ru. Վերցված է 2020-03-11-ին.
  35. ↑ Постановление Правительства Российской Федерации от 18 февраля 2003 года N 112 «О присуждении премий Правительства Российской Федерации 2002 года в области науки и техники»
  36. ↑ Валентин Юдашкин стал кавалером Ордена Почетного легиона.
  37. ↑ Валентин Юдашкин стал кавалером Ордена Французской республики.
  38. ↑ fl-beauty. «Валентин Юдашкин возвратился с триумфом» (ռուսերեն). Фаберлик Faberlic | Консультант FL-beauty. Վերցված է 2020-03-11-ին.

Արտաքին հղումներ խմբագրել

Ստացված է «https://hy.wikipedia.org/w/index.php?title=Մասնակից:Էմմա_Գրիգորյան/Ավազարկղ19&oldid=8063684» էջից